Amaokwu Akwụkwọ Nsọ Ndị Ama Ama siteré na Zabur 139

Kesaa

Tai shográ gerán ke man chó wassh o zébá jórh butagán, tai kár hayrán kanók ant, man eshiá sharra zánán.

Oo Hodá! Maná bechakkás o mani delá bezán, maná bechakkás o mani paréshánián delgósh kan. Agan cha mani káréá delranj ay maná péshi dár o karnigén ráhá maná rahshón bay.

Béshakk mani del o darun taw addh kortag taw maná mátay lápá gwaptag.

Tai chammán mani násarjamén ján dist, mani zenday sajjahén róch tai ketábá nebeshtah kanag butant, cha hamá wahdá pésar ke cha é róchán yakké ham nayátkagat.

Oo Hodáwand! Taw maná chakkásetag o zánay.

Cha tai arwáhá démá tarrént o kojá shota kanán? Cha tai bárgáhá tatk o kojá shota kanán?

Taw zánay ke man kadi nendán o kadi páda káyán, cha durá mani pegr o hayálána zánay.

Habaré ke cha mani zobáná dara kayt, taw cha pésará zánayi, oo Hodáwand!

Taw maná tarr o gard kanagá ham genday o tachk bayag o árám kanagá ham, mani har kárá zánay.