Amaokwu Akwụkwọ Nsọ Ndị Ama Ama siteré na Exodo 7

Kesaa

Ngana ning GINU, Moises, gawan da kang antimong Dios king arapan ning ari, at ing kapatad mung i Aaron ya ing magsalita king ari para keka bilang propeta.

Oneng pasiasan ke pusu ing ari at e na ka pakiramdaman agyang nu pa anti karakal ing daptan kung miyayaliwang makapagmulalang bage karin Ehipto. Kaybat na nita, ipagpa ku ing mangabayat a parusa king Ehipto at panimunan ku la ding taung pinili ku, ing balen ning Israel, king paglual da Ehipto.

Abalu da kanita ding tau Ehipto king aku ing GINU potang ipagpa ku neng mitmung beyatan karela ing gamat ku, at ilual ku la ding Israelita king bansa da.

Pepayaus na la kanita ning ari ding pantas na ampon salamangkeru, at arapat da naman ing anti kanita king kapamilatan ning gelingan da. Inatsa da la naman ding tukud da, at meging ubingan la. Oneng inakmul na la ngan deti nitang kang Aaron.

Ngeni, Makamal a Ari, pasabi na ning GINU king akilala me nung ninu ya king kapamilatan ning daptan na. Lawan yu, ibarug ke ining tukud a ini king babo ning danum ning ilug at maging daya ing danum.

Nung aduan ning ari ing patunayan yu ing kekong sarili king kapamilatan ning pamaniapat metung a bage pagmumulalan, sabian mu kang Aaron king kuanan ne ing tukud na at iyatsa ne king arapan ning ari at maging ubingan ya. Inya minta la king ari di Moises at Aaron, at depat da itang inutus na karela ning GINU. Inatsa neng Aaron ing tukud na king arapan ning ari, at karing opisyal na at meging ubingan ya.