If you would like a copy of this version please contact info@davaraudiobibles.org

Duruma Bible © 2020, Bible Translation and Literacy East Africa. (Text)
Duruma Audio Bible ℗ 2025, Davar Partners International. (Audio)

Lagana iphya Ra Chiduruma

Duruma - 1999 Edition (Drama NT)

<div class="version vid2199 iso6393dug" data-vid="2199" data-iso6393="dug">
 <div class="book bkMAT">
 <div class="chapter ch15" data-usfm="MAT.15">
 <div class="label">15</div><div class="s">Mafunzo ga akare</div><div class="r">(Mariko 7:1-13)</div><div class="p"> 1Ts&#700;iku mwenga, Afarisayo na alimu a shariya kulaa Jerusalemu &#225;kwenda kwa Jeso achendamuuza vivi, 2&#8220;Heka ano anafunzio anavunza jadi za akare? H&#700;aya heka hata achikala anarya anavunza jadi yehu kwa kuts&#700;aoga mikono!?&#8221; 3Jeso naye achiauza vivi, &#8220;Heka mwimwi namwi munavunza malagizo ga Mulungu kwa mutuwe jadi zenu? 4#Kul 20:12; K&#700;umb 5:16; Kul 21:17; Alaw 20:9Maana, Mulungu waamba, &#8216;Aishime abayo na ameyo,&#8217; na &#8216;Amulaphizaye muvyaziwe bee, unawirya kunyongwa.&#8217; 5Ela mwimwi vino, munaafunza at&#700;u kukala, k&#700;aatakiya kwaogopha avyazi ao kwa kwamanya gao arigo nago haja, hata mut&#700;u achikala una mwiyo wa kumokolera muvyaziwe, ela achiamba, &#8216;Mwiyo uu mino n&#225;ulaga kumup&#700;a Mulungu,&#8217; h&#700;aya yiye ni kukala udzigamala. 6Bee manyani kukala, mwimwi munaphurya neno ra Mulungu kwa mutuwe jadi zenu enye. 7-8#Isa 29:13Mwimwi mu alumakwiri! Na hata maneno gogombwa chimbere dzulu yenu ni mugomvi wa Mulungu Isaya ni ga jeri. Mulungu kuchirira yiye Isaya waamba,</div><div class="q1">&#8216;At&#700;u aa anaamba mulomoni ananihenza,</div><div class="q2">ela myoyoni k&#700;aanenzi.</div><div class="q1"> 9Na hata kuko kunabudu kwao,</div><div class="q2">ts&#700;ikona dza chit&#700;u.</div><div class="q1">Mana, ao ahwala shariya zotungwa ni at&#700;u,</div><div class="q2">akazifunza kuno achamba ni zangu!&#8217; &#8221;</div><div class="s">Maneno gamutiyago mut&#700;u najisi</div><div class="r">(Mariko 7:14-23)</div><div class="p"> 10Ndo Jeso achisumiza riro duu ra at&#700;u, na achiamba, &#8220;Gahegereni masikiro mugamanye gaga nimwambirago! 11Leu k&#700;arimutiya mut&#700;u najisi, ela mut&#700;u utiywa najisi ni manenoge mwenye agagombago.&#8221;</div><div class="p"> 12Phapho anafunzie achimusengerera achimwamba, &#8220;Mwalimu, unamanya kukala gano godzigomba gadziakosa Afarisayo muno?&#8221; 13Jeso yiye achiaudzidza achiaamba, &#8220;Chila muhi urio k&#700;auphandirwe ni Baba ariye mulunguni, undang&#700;olwa. 14#Luk 6:39Kwa vivyo, ao aricheni, mana, ni vilongozi ots&#700;iona, na analongoza ots&#700;iona! Na mut&#700;u yets&#700;ona achimulongoza munziwe yets&#700;ona vivyo, osi airi andavoromoka bop&#700;oni.&#8221; 15Ela P&#700;etero yiye achimwamba, &#8220;Mwalimu, hung&#700;azire yiyo t&#700;adi.&#8221; 16Jeso achiamba, &#8220;Yaani hata mwimwi namwi k&#700;amudzangwe kumanya? 17Vino bee k&#700;amumanya kukala, chiriwacho chenda uhumboni, na chidzako nikunyewa? 18#Mat 12:34Ela maneno agombago mut&#700;u galaa moyoni, na ndigo gamutiyago najisi. 19Mana, maazo mai, kuulaga, uzinzi, udiya, wivi, kutsuna na kulavya ushaidi wa ulongo, gosi gago galaa moyoni mwa mut&#700;u, 20na ndigo gamutiyago mut&#700;u najisi. Ela kurya leu phots&#700;i koga mikono, bee k&#700;akumutiya mut&#700;u najisi.&#8221;</div><div class="s">Musichana wa Chiyunani unaphozwa</div><div class="r">(Mariko 7:24-30)</div><div class="p"> 21Jeso ariphouka phapho, wakwenda p&#700;ande za T&#700;iro na Sidoni. 22Ndo kuko muchet&#700;u mumwenga muvyalwa wa Kanani, achimutuwa na achigomba kwa laka ra dzulu achiamba, &#8220;Nonera mbazi Bwana, mut&#700;u wa mudzungu wa Daudi! Mwanangu wa chiche una p&#700;ep&#700;o hata k&#700;adzimanya kahiri.&#8221; 23Ela Jeso yiye k&#700;amuudzidzire ut&#700;u. Ndo phapho anafunzie achimusengerera achimwamba, &#8220;Mwalimu, mwambe auke yiye muchet&#700;u. H&#700;aya unahutuwa-tuwa tu, na kuhupigira k&#700;ululu.&#8221; 24Jeso phapho achiudzidza achiamba, &#8220;Mino n&#225;humwa kwa Aiziraeli hichiyao tu, ario &#225;richa kutuwa malagizo ga Mulungu hata anga dza magonzi goyaya.&#8221; 25Jeso ariphoamba vivyo, yiye muchet&#700;u hata achendahendamit&#700;a mavindi mbereze, na achimwamba, &#8220;Bwana, nokolera mwanangu!&#8221; 26Jeso achimuudzidza vivi, &#8220;Ts&#700;i vidzo kuhwala leu ra anache, na kuritsuphira madiya.&#8221; 27Yiye muchet&#700;u naye achimuudzidza achimwamba, &#8220;Ni gago jeri Bwana, ela ao enye madiya achibit&#700;a p&#700;ukup&#700;uku, gago madiya nago ni paka galambe.&#8221; 28Phapho Jeso achimwamba, &#8220;Mayo, kuluphiroro ni bomu, na nagahendeke vivi gago uhenzago.&#8221; Ndo yiye mwanawe wa chiche achirichirwa ukati uo kare.</div><div class="s">Jeso unaaphoza at&#700;u anji</div><div class="r">(Mariko 7:31-37)</div><div class="p"> 29Jeso aripholaa phapho, watsegatsega ziya ra Galilaya achambuka hata mwangoni achisagala kuko. 30Maduu-maduu ga at&#700;u achiphirika akongo ao kuko. Anjine &#225;kala ana virema, anjine achikala k&#700;aaona, anjine achikala ni viswere, mabubu, na anjine anji okala ni akongo, achendalazwa mbere za Jeso, naye achiaphoza. 31Phapho duu riro ra at&#700;u achangalala muno, phoona mabubu anagomba, okala ana virema adzuyat&#700;o, viswere anenenda, at&#700;u ots&#700;iona anaona, na osi achimulika Mulungu wa Aiziraeli.</div><div class="s">Jeso unaap&#700;a leu at&#700;u odzichira helufu ne</div><div class="r">(Mariko 8:1-10)</div><div class="p"> 32Jeso ariphomala kwaphoza akongo osi, waaiha anafunzie, achenda kwakwe na achiaamba, &#8220;Ninaaonera mbazi aa at&#700;u, kwakukala, hudzikala hosini ts&#700;iku t&#700;ahu, na vino k&#700;aana leu. Sambi ts&#700;enzi kwausa na nzala, kwakukala, anaidima akendairika njirani.&#8221; 33Anafunzie achimuuza vivi, &#8220;Bee naswi phano hata hu nyika, leu ra kwamvunya at&#700;u ano osi hundaripataphi?&#8221; 34Jeso naye achiauza vivyo achiaamba, &#8220;Kwani mwimwi muna mikahe mingaphi?&#8221; Ao achimuudzidza achimwamba, &#8220;Huriyo nayo sino, ni mikahe mifungahe na mabeshe machache.&#8221; 35Ndo Jeso phapho achiaamba ao at&#700;u asagale phots&#700;i. 36Achihwala yiyat&#700;u mikahe mifungahe na vivyo vibeshe, achilavya mumvera kwa Mulungu. Chisha, achanza kuyimega-mega na kuvivunza-vunza vivyo vibeshe, na achiap&#700;a anafunzie, na ao achiap&#700;a at&#700;u agavyane. 37Osi phapho achirya hata achimvuna. Na anafunzi a Jeso achitsola-tsola visiku vya mikahe na vya vivyo vibeshe vyokala visala, na achiudzaza vikaphu vifungahe. 38Alume hichiyao orya, &#225;kala ni helufu ne phots&#700;iatara achet&#700;u na anache. 39Ndo Jeso achialaga at&#700;u, yiye achiphenya mashuwani achenda boma ra Magadani.</div>
 </div>
 </div>
</div>

Tsʼiku mwenga, Afarisayo na alimu a shariya kulaa Jerusalemu ákwenda kwa Jeso achendamuuza vivi, “Heka ano anafunzio anavunza jadi za akare? Hʼaya heka hata achikala anarya anavunza jadi yehu kwa kutsʼaoga mikono!?” Jeso naye achiauza vivi, “Heka mwimwi namwi munavunza malagizo ga Mulungu kwa mutuwe jadi zenu? Maana, Mulungu waamba, ‘Aishime abayo na ameyo,’ na ‘Amulaphizaye muvyaziwe bee, unawirya kunyongwa.’ Ela mwimwi vino, munaafunza atʼu kukala, kʼaatakiya kwaogopha avyazi ao kwa kwamanya gao arigo nago haja, hata mutʼu achikala una mwiyo wa kumokolera muvyaziwe, ela achiamba, ‘Mwiyo uu mino náulaga kumupʼa Mulungu,’ hʼaya yiye ni kukala udzigamala. Bee manyani kukala, mwimwi munaphurya neno ra Mulungu kwa mutuwe jadi zenu enye. Mwimwi mu alumakwiri! Na hata maneno gogombwa chimbere dzulu yenu ni mugomvi wa Mulungu Isaya ni ga jeri. Mulungu kuchirira yiye Isaya waamba,
‘Atʼu aa anaamba mulomoni ananihenza,
ela myoyoni kʼaanenzi.
Na hata kuko kunabudu kwao,
tsʼikona dza chitʼu.
Mana, ao ahwala shariya zotungwa ni atʼu,
akazifunza kuno achamba ni zangu!’ ”


Ndo Jeso achisumiza riro duu ra atʼu, na achiamba, “Gahegereni masikiro mugamanye gaga nimwambirago! Leu kʼarimutiya mutʼu najisi, ela mutʼu utiywa najisi ni manenoge mwenye agagombago.”
Phapho anafunzie achimusengerera achimwamba, “Mwalimu, unamanya kukala gano godzigomba gadziakosa Afarisayo muno?” Jeso yiye achiaudzidza achiaamba, “Chila muhi urio kʼauphandirwe ni Baba ariye mulunguni, undangʼolwa. Kwa vivyo, ao aricheni, mana, ni vilongozi otsʼiona, na analongoza otsʼiona! Na mutʼu yetsʼona achimulongoza munziwe yetsʼona vivyo, osi airi andavoromoka bopʼoni.” Ela Pʼetero yiye achimwamba, “Mwalimu, hungʼazire yiyo tʼadi.” Jeso achiamba, “Yaani hata mwimwi namwi kʼamudzangwe kumanya? Vino bee kʼamumanya kukala, chiriwacho chenda uhumboni, na chidzako nikunyewa? Ela maneno agombago mutʼu galaa moyoni, na ndigo gamutiyago najisi. Mana, maazo mai, kuulaga, uzinzi, udiya, wivi, kutsuna na kulavya ushaidi wa ulongo, gosi gago galaa moyoni mwa mutʼu, na ndigo gamutiyago mutʼu najisi. Ela kurya leu photsʼi koga mikono, bee kʼakumutiya mutʼu najisi.”


Jeso ariphouka phapho, wakwenda pʼande za Tʼiro na Sidoni. Ndo kuko muchetʼu mumwenga muvyalwa wa Kanani, achimutuwa na achigomba kwa laka ra dzulu achiamba, “Nonera mbazi Bwana, mutʼu wa mudzungu wa Daudi! Mwanangu wa chiche una pʼepʼo hata kʼadzimanya kahiri.” Ela Jeso yiye kʼamuudzidzire utʼu. Ndo phapho anafunzie achimusengerera achimwamba, “Mwalimu, mwambe auke yiye muchetʼu. Hʼaya unahutuwa-tuwa tu, na kuhupigira kʼululu.” Jeso phapho achiudzidza achiamba, “Mino náhumwa kwa Aiziraeli hichiyao tu, ario áricha kutuwa malagizo ga Mulungu hata anga dza magonzi goyaya.” Jeso ariphoamba vivyo, yiye muchetʼu hata achendahendamitʼa mavindi mbereze, na achimwamba, “Bwana, nokolera mwanangu!” Jeso achimuudzidza vivi, “Tsʼi vidzo kuhwala leu ra anache, na kuritsuphira madiya.” Yiye muchetʼu naye achimuudzidza achimwamba, “Ni gago jeri Bwana, ela ao enye madiya achibitʼa pʼukupʼuku, gago madiya nago ni paka galambe.” Phapho Jeso achimwamba, “Mayo, kuluphiroro ni bomu, na nagahendeke vivi gago uhenzago.” Ndo yiye mwanawe wa chiche achirichirwa ukati uo kare.


Jeso aripholaa phapho, watsegatsega ziya ra Galilaya achambuka hata mwangoni achisagala kuko. Maduu-maduu ga atʼu achiphirika akongo ao kuko. Anjine ákala ana virema, anjine achikala kʼaaona, anjine achikala ni viswere, mabubu, na anjine anji okala ni akongo, achendalazwa mbere za Jeso, naye achiaphoza. Phapho duu riro ra atʼu achangalala muno, phoona mabubu anagomba, okala ana virema adzuyatʼo, viswere anenenda, atʼu otsʼiona anaona, na osi achimulika Mulungu wa Aiziraeli.


Jeso ariphomala kwaphoza akongo osi, waaiha anafunzie, achenda kwakwe na achiaamba, “Ninaaonera mbazi aa atʼu, kwakukala, hudzikala hosini tsʼiku tʼahu, na vino kʼaana leu. Sambi tsʼenzi kwausa na nzala, kwakukala, anaidima akendairika njirani.” Anafunzie achimuuza vivi, “Bee naswi phano hata hu nyika, leu ra kwamvunya atʼu ano osi hundaripataphi?” Jeso naye achiauza vivyo achiaamba, “Kwani mwimwi muna mikahe mingaphi?” Ao achimuudzidza achimwamba, “Huriyo nayo sino, ni mikahe mifungahe na mabeshe machache.” Ndo Jeso phapho achiaamba ao atʼu asagale photsʼi. Achihwala yiyatʼu mikahe mifungahe na vivyo vibeshe, achilavya mumvera kwa Mulungu. Chisha, achanza kuyimega-mega na kuvivunza-vunza vivyo vibeshe, na achiapʼa anafunzie, na ao achiapʼa atʼu agavyane. Osi phapho achirya hata achimvuna. Na anafunzi a Jeso achitsola-tsola visiku vya mikahe na vya vivyo vibeshe vyokala visala, na achiudzaza vikaphu vifungahe. Alume hichiyao orya, ákala ni helufu ne photsʼiatara achetʼu na anache. Ndo Jeso achialaga atʼu, yiye achiphenya mashuwani achenda boma ra Magadani.

Geere nke a ntị Matayo 15