Ayat-ayat Alkitab Ternama dari Eksodas 8

Bagikan

Olketa kleva man blong king i trae moa fo mekem majik blong olketa, mekem sanflae hemi save kamaot, bat olketa no save. So olketa go an tok olsem long king, “!Wanfala god nao hemi mekem samting ya!” Bat king hemi nating lisin nomoa long olketa, hemi gohed fo bikhed nomoa, an hemi barava olsem nao wea Yawe bin talem fastaem.

Nao Yawe hemi tok moa olsem long Mosis, “Yu go moa long disfala king, an talem hem olsem, ‘Yawe nao hemi tok olsem: !Letem pipol blong mi fo goaot from kantri ya, mekem olketa save wosipim mi!

Bat taem king hemi lukim dat evri frog ya i dae finis, hemi gohed fo bikhed moa. An hemi nating save lisin long Mosis an Eron, an hemi barava olsem nao wea Yawe bin talem fastaem.

Sapos yu no herem toktok blong mi, bae mi panisim yufala evriwan long ples ya, an fulumapem kantri ya wetem olketa frog.

Yawe hemi tok moa olsem long Mosis, “Yu talem Eron fo hemi hitim graon long wokingstik blong hem, nao evri dast blong graon ya long Ijip bae hemi kamap sanflae.”

Nao Yawe hemi mekem wea olketa flae ya i kavarem evriwea insaet long haos blong king, an long olketa haos blong olketa bikman blong hem. Olketa flae ya i mekem evri ples long Ijip hemi barava nogud.