Ayat-ayat Alkitab Ternama dari Tuteronomi 11

Bagikan

Iwe, oupwe aiti ngeni nöümi kewe ekei kapas, oupwe fos usur lupwen oua mot lon imwemi pwal lupwen oua fetal won al, lupwen oua konola pwal lupwen oua pwätä.

Iei mine oupwe atolonga ai kei kapas lon lelukemi pwal lon ämi ekiek. Oupwe fötiretä won pöümi pwe eu pisekin achem, oupwe pwal fötiretä won chamwemi.

Iwe, are oua aleasochisi ekewe allük üa allük ngenikemi ikenai, pwe oupwe echeni ewe Samol mi Lapalap ämi we Kot o angang ngeni seni unusen lelukemi me unusen ngünümi, i epwe fang ngenikemi üt fän iten fanüemi lon fansoun öch, epwe ngenikemi ewe ütten leefen me ütten leräs, pwe oupwe tongeni ionalong kiniemi föün wiich me föün wain me ämi föün olif, pwe epwe wor ämi apüra.

“Iwe, oupwe echeni ewe Samol mi Lapalap ämi we Kot o aleasochisi an akot, an öüröür, an kewe allük me pwüüng iteiten fansoun meinisin.

Nengeni, ikenai üa anomu mwemi feiöch me anümamau. Oupwe feiöch are oua aleasochisi än ewe Samol mi Lapalap ämi we Kot kewe allük üa ngenikemi ikenai. Nge oupwe anümamau, are oua aleasolap ngeni än ewe Samol mi Lapalap ämi we Kot kewe allük, are oua tok seni ekei allük üa ngenikemi ikenai o fel ngeni pwal ekoch kot ousap sileer me lom.

Oupwe makeretä won penkasamen imwemi pwal won asamalapen ämi kewe telinimw, pwe ränin manauemi me ränin manauen nöümi repwe chomongola me lon ewe fanü ewe Samol mi Lapalap a pwon fän akapel ngeni ämi kewe lewo pwe epwe ngeniir lon ükükün fansoun läng a nom asen fanüfan.

Oupwe afälikemi pwe ousap tupula o tokola ren ämi angang ngeni pwal ekoch kot o fel ngeniir.