Ayat-ayat Alkitab Ternama dari Tuteronomi 10

Bagikan

“Iwe, ämi chon Israel, met ewe Samol mi Lapalap ämi we Kot a mochen pwe oupwe föri? A chök mochen pwe oupwe meniniti i o föri meinisin mine a allük ngenikemi. Oupwe echeni o angang ngeni seni unusen lelukemi me unusen ngünümi. Iwe, oupwe aleasochisi än ewe Samol mi Lapalap allük me pwüüng üa allük ngenikemi lon ei rän pwe oupwe feiöch.

Pun ewe Samol mi Lapalap ämi we Kot, i eman Kot mi tekia seni ekewe kot me ekewe samol meinisin, eman Kot mi tekia o manaman pwal eniwokus, esap lifilifil aramas, esap pwal angei lifangen amichimich.

Iei mine oupwe limeti lelukemi, nge ousap chüen tipeförea.

A eäni pwüng ngeni ekewe mi mäsen me fefin mi mä pwülüer, a pwal tongei ekewe chon ekis, a amongöniir o öüföüfeer.

Iwe, oupwe mwareiti i chök. I ämi we Kot mi föri fän itemi ekei mettoch mi manaman o eniwokus mesemi ra küneer.

Iwe, oupwe meniniti ewe Samol mi Lapalap ämi we Kot, oupwe angang ngeni o fitipacheiti, oupwe chök eäni itan le pwon.

Ewe läng mi fokun tekia pwal fanüfan me masouan meinisin än ewe Samol mi Lapalap ämi we Kot.

Iei mine oupwe tongei ekewe chon ekis, pun oua piin wasöla lon ewe fanü Isip.