1
गणांई 22:28
बाघली सराज़ी बोली दी पबित्र शास्त्र
OSJ
ज़ांऊं इहअ हुअ, बिधाता दैनी गाधी लै एही शगती कि गाधी लागी आदमी ज़ेही गल्ला करदी, तैहा बोलअ बलाम गूरा लै, “मेरअ इहअ कै कशूर आसा कि तंऐं हेरी हुंह आझ़ चिई बारी च़िक्की?”
Bandingkan
Telusuri गणांई 22:28
2
गणांई 22:31
तेभी फरेऊई बिधाता बलाम गूरा लै सुंबल़ी सोर, अर तेऊ का शुझुअ बिधातो एक स्वर्ग दूत हाथै तलबार लई आजू बाता खल़्हुअ द अर बलाम लागअ धरनीं उटअ पल़ी माथै टेक्कदअ।
Telusuri गणांई 22:31
3
गणांई 22:32
तेखअ बोलअ बिधाते स्वर्ग दूतै बलाम गूरा लै इहअ, “तंऐं एही किल्है च़िक्की अह गाधी चिई बारी? सह थिअ हुंह आजू खल़्हुअ द ज़ुंणी तेरी बात ती रोक्की डाही दी, किल्हैकि हुंह च़ाहा इहअ कि तूह निं लोल़ी मोआब डेऊअ।
Telusuri गणांई 22:32
4
गणांई 22:30
गाधी दैनअ ज़बाब, “तूह आसा मेरअ मालक, होछ़ी उझै हआ तूह मेरी पिठी शुंआर, ऐहा गल्ला ता सोठ, मंऐं आझ़ तैणीं बी किअ ताह संघै इहअ?” बलाम गूरै बोलअ, “नां, इहअ ता निं कधि हुअ।”
Telusuri गणांई 22:30
5
गणांई 22:29
बलाम गूरै बोलअ गाधी लै, “तंऐं किऐ आझ़ खास्सै नखरै! ज़ै मेरै हाथै आझ़ तलबार हंदी, तूह करनी ती मुंह एऊ रोश्शै मारी हक्क!”
Telusuri गणांई 22:29
6
गणांई 22:27
एभकी बारी ज़ांऊं तैहा गाधी का बिधातो स्वर्ग दूत शुझुअ, सह सुत्ती धरनीं। ऐबै हुअ बलाम रोश्शै लाल-पिंऊंल़अ अर तेऊ लाई तैहा गाधी लै शोठी करै ढिम्हां।
Telusuri गणांई 22:27