Ayat-ayat Alkitab Ternama dari गणांई 20

Bagikan

पर बिधाता बोलअ मोसा अर हारणा लै, “ज़ुंण देश मंऐं इना इज़राईली लै दैनअ तिधी पजैल़णैं आल़ै निं ऐबै तम्हैं दूई रहणैं किल्हैकि तम्हैं निं इना इज़राईली सम्हनै मेरै बला दी इहअ भरोस्सअ किअ कि ईंयां मुंह पबित्र समझ़े।”

बिधाता बोलअ तिन्‍नां लै इहअ, “मोसा, आपणीं हांढणे शोठी निंऊं, संघा कर तूह आपणैं भाई हारणा संघी सोभी इज़राईलीओ झाल़अ, तेखअ बोल बडी टोल्हा सेटा डेऊई कि तेता का लोल़ी पाणीं निखल़अ। तेता का निखल़णअ पाणीं कि सोभै इज़राईली अर तिन्‍नें डागै-चैणें हेल़्ही रज्ज़ी पाणीं झुटे।”

तेखअ किई मोसा आपणीं शोठी उझै खल़ी संघा बाही तेता करै दूई बारी टोल्हा लै। ज़ेतरी सह बाही निं मुक्‍कअ, तेतरी गई पारा का पाणींए गाड निखल़ी अर सोभै इज़राईली अर डागै-चैणैं लागै पाणीं झुटदै।

तेखअ किअ तेऊ अर हारणै सोभी इज़राईलीओ बडी टोल्हा फेर झाल़अ संघा बोलअ मोसा इहअ, “द्रोही मणछो, राम्बल़ै करै भाल़ा, ऐबै हुअ हाम्हां ऐहा टोल्हा का तम्हां लै पाणीं काढणअ!”