Mat 1
1
Nɨpsen min taha Iesu Kristo
(Luk 3:23-38)
1In ɨk nauoua taha nɨpsen taha Iesu Kristo, nərɨ Tevɨt, nərɨ Epraham.
2Epraham rɨmləs Aesak, Aesak rɨmləs Jekop, Jekop rɨmləs Juta ne pian min.
3Juta rɨmləs Peres ne Sera lə pɨravɨn ka Temar, Peres rɨmləs Esron, Esron rɨmləs Ram.
4Ram rɨmləs Aminatap, Aminatap rɨmləs Nason, Nason rɨmləs Salmon.
5Salmon rɨmləs Poas lə pɨravɨn ka Rehap, Poas rɨmləs Opet lə pɨravɨn ka Rut, Opet rɨmləs Jesi,
6 #
2 King 24:14,15; 2 Kron 36:10; Jer 27:20 Ne Jesi rɨmləs Iərəmɨra Tevɨt.
Iərəmɨra Tevɨt rɨmləs Solomon lə pɨravɨn paupan taha Iuraea.
7Solomon rɨmləs Rehopoam, Rehopoam rɨmləs Apaeja, Apaeja rɨmləs Asa.
8Asa rɨmləs Jehosafat, Jehosafat rɨmləs Joram, Joram rɨmləs Usaea.
9Usaea rɨmləs Jotam, Jotam rɨmləs Ehas, Ehas rɨmləs Hesekaea.
10Hesekaea rɨmləs Manase, Manase rɨmləs Amon, Amon rɨmləs Josaea.
11Ne Josaea rɨmləs Jekonaea ne pian min loanian ka kəpkitha ilar kamarɨn Papilon.
12Nian kɨnəpkitha ilar kɨnarɨn Papilon, Jekonaea rɨmləs Sialtiel, Sialtiel rɨmləs Serupapel.
13Serupapel rɨmləs Apiut, Apiut rɨmləs Eliakim, Eliakim rɨmləs Aso.
14Aso rɨmləs Satok, Satok rɨmləs Akim, Akim rɨmləs Eliut.
15Eliut rɨmləs Eliasa, Eliasa rɨmləs Matan, Matan rɨmləs Jekop.
16Ne Jekop rɨmləs Josef iərəmim taha Meri, iərəm rɨmləs Iesu, iərəm kamɨni məma Kristo.
17Kəni ka nɨpsen taha Epraham mɨroatɨs Tevɨt ilar kətilɨm-kətilɨm-mɨkɨvɨr (14). Ne nɨpsen taha Tevɨt mɨroatɨs kəpkitha ilar kamarɨn Papilon ilar kətilɨm-kətilɨm-mɨkɨvɨr (14). Ne lə nian kɨnəpkitha ilar kɨnarɨn Papilon mɨroatɨs Kristo, nɨpsen min ilar kətilɨm-kətilɨm-mɨkɨvɨr (14).
Iesu ramait lə Meri
(Luk 2:1-7)
18 #
Luk 1:27
Naitan taha Iesu Kristo rol məklan. Inɨn Meri kɨnrɨpun-itha məma taha Josef, mɨro nian kamɨsiaosan əna ilau min, kamap məma in ramol nətɨpɨn lə Nanɨmɨn Avsim.
19Iərəmim tahan Josef in iərəmim ɨvt ker, rɨsolkeikean məma tɨrol raulɨs lə nɨmrɨ nərəmim. Kəni ka nɨkin rakamho məma tɨrəpəs am in lə suatu auniuan ker.
20Mɨro nian nɨkin rakamho narɨmnar min ɨk, aitəlɨg ru, agɨlo ker taha Iərəmɨra rɨva ton lə nɨmɨlaitan ker mɨni məma, “Josef nərɨ Tevɨt, ɨsəgɨnan məma tɨnakos Meri məma iərəmim taham, mɨro-in-ka nar ramarɨk lə nətɨpɨn rɨmsɨpɨ lə Nanɨmɨn Avsim.
21 #
Luk 1:31
“Kəni in tɨros nərɨn ker iərman, ne tɨnakofən nətɨgɨn məma IESU,#1:21 Nɨpəlakɨ nətɨg ka “Iesu” in “Iosmiuh”. mɨro-in-ka In tɨrɨposmiuh nərəmim min tahan lə təvhaga tat thɨnilar.”
22Narɨmnar min pətɨm ɨk kamol məma nakharan Iərəmɨra rɨnɨnitha lə nhulɨ iəni tahan tɨrva in nɨpəlakɨn, iərəm rɨmɨni məklan,
23 #
Aes 7:14
“Aip ru, pɨravɨn ker rɨmamavɨn am tɨrol nətɨpɨn mos nərɨn ker iərman, kəni takofən nətɨgɨn məma Imanuel,” iərəm nɨpəlakɨ nətɨg an in ɨk, “Ughin to katar”.
24Kəni Josef rɨmərmig lə napɨlan mol nar ka agɨlo taha Iərəmɨra ramɨnipən ton, mamir iərəmim tahan.
25 #
Luk 2:21
Kəni rɨshinatinan in mɨroatɨs rɨmləs nərɨn nəriaupan iərman. Ne ramofən nətɨgɨn məma IESU.
Ninərɨk min kamasɨpən ikpat mamaitkoin Iesu
Chwazi Kounye ya:
Mat 1: Lenakel NT
Pati Souliye
Pataje
Kopye
Ou vle gen souliye ou yo sere sou tout aparèy ou yo? Enskri oswa konekte
(c) 2023 Covenanter Press - Presbyterian Reformed Church of Australia