ROMANOS 4
4
Por ne wlaleedx Abraham DĂŤdyuzh wun DĂŤdyuzh perdon xdol Abraham
1Zegnak xkwent Abraham xpenkwlal noo, Âżkox gue be por laa men? 2Belne por yra ne wlaa Abraham nak ne wun DĂŤdyuzh perdon xdol Abraham, nyuu gan kox nyugya lextoo Abraham, per let nes lodet DĂŤdyuzh, sinke nes lo mĂŠn. 3Porke re lo xgyiich DĂŤdyuzh: âWlaleedx Abraham DĂŤdyuzh; por neguin wun Ne Abraham kwent zegnak te men ne nunk wlaadet dol.â 4Zegnak men ne rlaa dxiin, med ne rezh rka men, nakdeto ne reeden men, sinke ryal meno por ne che wlaa men dxiin. 5Nuudet gak perdon xdol mĂŠn por logne rlaa men, per por ne rlaleedx men DĂŤdyuzh ne run perdon xdol mĂŠn, por neguin nak ne wun Ne men kwent zegnak te men ne nunk wlaadet dol. 6Zenga ke re rrey-David ne nzoon men ne wun DĂŤdyuzh perdon xdol, per nakdeto por logne wlaa men, 7laa we nga re rrey-David chene re men:
Nzoon men ne wun DĂŤdyuzh perdon xdol no ne wgyitxee DĂŤdyuzh xdol.
8Nzoon men ne wundet DĂŤdyuzh kwent xdol.
9Naap naa yna de: âÂżPe noze por men ne nuu beey ne ruu men-Israel nak gyelenzoonree?â ÂĄLet zengadeto! Sinke le we nak no ke por men ne nuudet beey. Che re be ne por ne wlaleedx Abraham DĂŤdyuzh, wun Ne Abraham kwent zegnak te men ne nunk wlaadet dol. 10No sna de: âÂżPa or wlaa No? ÂżPe chene che wuu Abraham beey ne ruu men-Israel u chene gardet tsuu Abraham beey?â Per yzĂŤĂŤt noo gan pa or wlaa No: chene gardet tsuu Abraham beey, cheguin wlaa No. 11Zhich guin wuu Abraham beey zegnak te beey ne che wun DĂŤdyuzh perdon xdol Abraham por ne wlaleedx Abraham Ne. Zeree nak ne le Abraham wak xuz yrandxee men ne rlaleedx Ne, nyaalzhe yĂŤtet mĂŠn guin beey, per por ne rlaleedx men Ne, wun Ne men kwent zegnak te men ne nunk wlaadet dol. 12No laake Abraham nak xuz yra mĂŠn ne nuu beey, per rlaleedx ke men DĂŤdyuzh zegne wlaleedx Abraham DĂŤdyuzh chene gardet tsuu Abraham beey ne ruu men-Israel.
Wak ne re DĂŤdyuzh lo Abraham
13Chene re DĂŤdyuzh lo Abraham ne ygueed Ne gyĂŤzlyuree lo Abraham yra Abraham men ne zĂŤĂŤd xnĂŤz Abraham, nakdeto por ne wlaa Abraham zegne zĂŤĂŤd lo ley, sinke le we nak por ne wun Ne perdon xdol Abraham porke wlaleedx Abraham Ne. 14Belne nako ne nonchee men ne rlaa zegne zĂŤĂŤd lo ley ykakwent gyĂŤzlyuree zegne che re DĂŤdyuzh lo Abraham, cheguin si bat ykyiindet ne ylaleedx mĂŠn DĂŤdyuzh no nyaknondet ne re DĂŤdyuzh lo Abraham. 15Porke por ley nak ne nuu kastig, per le ledne yĂŤtet ley, let doldet ne ylaadet mĂŠn zegne zĂŤĂŤd lo ley.
16Por neguin por ne wlaleedx Abraham DĂŤdyuzh, por xgyelwen Ne tesudet ne ylaa Ne zegne che re Ne lo Abraham ne ylaa Ne por yra men ne zĂŤĂŤd xnĂŤz Abraham. Neree ne re Ne nakdeto nonchee por men ne rlaa zegne zĂŤĂŤd lo ley, sinke le we nak no por men ne rlaleedx DĂŤdyuzh zegne wlaleedx Abraham DĂŤdyuzh; neguin Abraham nak xuz be yra be 17nes lo DĂŤdyuzh, zegne zĂŤĂŤd lo xgyiich DĂŤdyuzh ledne re: âWlaa noo de xuz ndal mengyĂŤzlyu.â Laa DĂŤdyuzhree nga nak ne wlaleedx Abraham, DĂŤdyuzh ne rneban mengut no ne rlaa ne ruu yra kos ne gardet tsuu.
18Mase che nuudetre lextoo Abraham ne tsuu zhiin Abraham, per wlaleedx Abraham ydebgyiky ydeblextootee Abraham logne re DĂŤdyuzh lo Abraham, zenga nak ne wak Abraham âxuz ndal mengyĂŤzlyuâ, zegne che re DĂŤdyuzh lo Abraham: âKesentyent ndalyaa mĂŠn ne zĂŤĂŤd xnĂŤz de tsuu.â 19Mase che rap Abraham zeg tebgwyuu iz no che ke gol Sara xewnaa Abraham no mase nuudet nyap men mĂŤĂŤd no mase che wdesu ne gap men mĂŤĂŤd, per syemper wlaleedx Abraham ne re DĂŤdyuzh lo Abraham. 20Wtxupdet lextoo Abraham, ni wuudet lextoo Abraham texnad gakdet ne re DĂŤdyuzh lo Abraham, sinke lel mazre wlaleedx Abraham Ne no mazre wzaknon Abraham Ne, 21porke ydebgyiky ydeblextootee Abraham wlaleedx Abraham ne rap Ne poder por ne ylaa Ne ne che re Ne. 22Por neguin wun Ne Abraham kwent zegnak te men ne nunk wlaadet dol por ne wlaleedx Abraham Ne.
23Ledne re ne wun DĂŤdyuzh Abraham kwent zegnak te men ne nunk wlaadet dol por ne wlaleedx Abraham DĂŤdyuzh, wundet DĂŤdyuzh kwent nonchee Abraham, 24sinke no ke laa be yra be wun DĂŤdyuzh kwent zegnak te men ne nunk wlaadet dol por ne wlaleedx be ne laa Ne wneban Jesucrist 25ne wdee si wet chen guezh xdol be no ne wban ne le xdol be wak perdon.
Chwazi Kounye ya:
ROMANOS 4: zpi
Pati Souliye
Kopye
Konpare
Pataje
Ou vle gen souliye ou yo sere sou tout aparèy ou yo? Enskri oswa konekte
Š 2010, Wycliffe Bible Translators, Inc. All rights reserved.