Hozeya 14

1Samariya igomba guhanwa#14.1 igomba guhanwa: uyu murongo wa 14,1 ni nk’umusozo w’igitabo cya Hozeya; uributsa mu magambo avunaguye ubutumwa bwe bwose.

kuko yigometse ku Mana yayo.

Bazarimburwa n’inkota,

abana babo b’ibitambambuga bazicwe,

abagore babo batwite babakuremo inda.

III. ISRAHELI YISUBIRAHO IKAGIRIRWA IMBABAZI

Israheli izagarukira Uhoraho#14.1 izagarukira Uhoraho: igihano cyo ntigiteze kurorera kuko umuryango wanze kwisubiraho. Cyakora Hozeya ariyumvisha ko nyuma y’igihano, agasigisigi k’umuryango kazisubiraho, bakagarukira Uhoraho babikuye ku mutima. Bityo impuhwe z’Imana zikaba koko intaganzwa.

2Israheli, garukira Uhoraho Imana yawe,

kuko wayobejwe n’ibicumuro byawe.

3Garukira Uhoraho, umubwire uti

«Duhanagureho ibicumuro byose

maze wakire ikiri cyiza.

Aho kugutura ibimasa ho ibitambo,

tuzakwegurira amagambo avuye mu kanwa kacu.

4Ashuru ntizongera kudukiza ukundi,

ntituzongera kugendera ku mafarasi,

cyangwa ngo tubwire igikorwa cy’ibiganza byacu

tuti ’Uri Imana yacu!’

kuko ari wowe impfubyi zikesha kugirirwa impuhwe!»

5— Nzabakiza ubugambanyi bwabo,

mbakunde mbikuye ku mutima,

kandi sinzongera kubarakarira ukundi.

6Israheli nzayimerera nk’ikime,

irabye indabyo nk’iza lisi,

kandi ishore imizi nk’ibiti byo muri Libani.

7Imicwira yayo izasagamba,

ubwiza bwayo bumere nk’ubw’umuzeti,

n’impumuro yayo imere nk’iya Libani.

8Bazagaruka bature mu gicucu cyanjye,

bongere bashibuke nk’ingano,

barabye indabyo nk’umuzabibu,

kandi ube ikirangirire nka divayi yo muri Libani.

9Efurayimu izavuga iti «Ndacyahuriye he n’ibigirwamana!»

Ni koko ndayumva kandi nkayitaho,

meze nk’umuzonobari utohagiye,

ni jyewe ukesha umusaruro.

10Ni nde muhanga ngo yumve ibyo bintu,

cyangwa se umunyabwenge ngo abimenye?

Inzira z’Uhoraho ziraboneye, zikagenderwamo n’intungane,

naho abahemu bakaziteshuka.

Chwazi Kounye ya:

Hozeya 14: KBNT

Pati Souliye

Kopye

Konpare

Pataje

Ou vle gen souliye ou yo sere sou tout aparèy ou yo? Enskri oswa konekte

Aprann plis bagay sou Kinyarwanda Bibiliya Ntagatifu

Hozeya 14

Vèsè popilè nan Bib la ki soti nan Hozeya 14

Vèsè popilè nan Bib la ki soti nan
Hozeya 14