Mabikiri 2
2
Ɲiniwɔlinŋ ki jɛri ki bilinatɔnŋ kiri sun
1Pantikɔti#2.1 Pantikɔti : Niŋ jibi ki ji-i sunŋ bwununtentɔnŋ ki i Yesu tunpa ki kɔɔtɛ kirinpɔli ki ru. Niŋ shikaŋ, Ɲiniwɔlinŋ ki jɛri-i bilinatɔnŋ kiri sun Yerusalɛmu. shikaŋ ki so-i, bilinatɔnŋ kiri bataa rakɔlimaan i ji-i arìmaŋ fan. 2Manaanŋ tenŋ nu shinwulu sinaŋ bɛɛ i po kirinpɔli ki ra. Ǹʼwuru faa sinaŋ shinwulu sali. Bilinatɔnŋ kiri wuru fu wɔ̀ ru, ŋì i na niŋ faa. 3Kí i finŋ bɛɛ ri ja tuunɛninɛŋ ni sali, yìrì i sɔɔ sɔɔ ta kí bataa ŋununu. 4Mìŋ manaanŋ tenŋ ki ru, bilinatɔnŋ kiri bataa i faa Ɲiniwɔlinŋ ki ra, kí i arì bo wulu tɔri ri bi sun ŋì i kɛɲɛ Ɲiniwɔlinŋ ki wɔ bimaan ki wu kí tɛ.
5Niŋ i fa Yawutu kiri ru Kirinŋ jɛŋ kɛnitɔnŋ wɔ̀ri wuru mani tɔri ru juniɲa ki fan, nini mwɔɔnna ni wuru Yerusalɛmu nmaŋ niŋ shikaŋ. 6Niŋ shinwulu ki po-i waarinŋ wɔ̀ ru, nini i na arì rakɔli bilinatɔnŋ kiri sun. Ŋì i ji botɔnsunbi kí bataa gbɛ, sabu koŋ fɔn wuru a jiwulu lama-a bilinatɔnŋ kiri tɔnŋ na. 7Niŋ i bo konaŋ ki bataa tɔnŋ sun fɔ ŋì i kí ciiru daalinŋ kɔ, kí i arìmaŋ nanɔri-ri tu :
« Koŋ wɔ̀ri i wulu ki bi-a kaa, kí bataa Galiletiiri i kì wa? 8Ŋì i ji dɔɔkunŋ, yibɛɛ fɔn bataa tenŋ tenŋ i yi jiwulu ki rama-ni kí tɔnŋ na? 9Parititiiri i yibɛɛ ru, niŋ fa Mɛditiiri fa Elamutiiri. Ǹʼbɛɛ ri i po-ri Mensopotami fa Yude fa Kapadɔsi kɛniŋ kiri ru. Ǹʼtɔri ri i yiri-ri Pɔn niŋ fa Asi sɔɔta kiri ru. 10Ǹʼbɛɛ ri i po-ri Firiji, Panfili fa Misira kɛniŋ ki ru, niŋ fa Libi kɛniŋ wɔ̀ i Sirɛni kili ki tonfan. Ǹʼtɔri ri i po-ri Ɔrɔmu kili ki ru. 11Kɛrɛtitiiri fa Arabu ri i yibɛɛ ru, ǹʼbɛɛ ri ji-i Yawutu u, ǹʼtɔri i de yawutubi ki ru, nka á ǹʼshɛɛli, yibɛɛ fɔn bataa i Kirinŋ wɔ botɔnsunbi mamaan kiri rama-a kí tɔnŋ na yi yɛrima ki jiwulu kiri ru. »
12Niŋ botɔnsunbi kiri i konaŋ ki ciiru daalinŋ kɔ, kí i tu arìmaŋ nanɔri-ra tu : « Ka a nfɛnŋ bi? »
13Nka bɛɛ ri i yɛtan-ni bilinatɔnŋ kiri sun tu : « Kí dunfɛnŋ jii mwunu pyiimaan ni yɛ. »
Pyɛɛri wɔ waajulu ki
14Niŋ ki ra, Pyɛɛri fa a kaashi cindaŋ bwununtenŋ ki i jɔrɔkɔ tu, ntiŋ i a wulu ki fɛshi, ntiŋ i ǹʼbi ka ɲaan ka tɛ : « Ábɛɛ Yawutu ri, niŋ fa ábɛɛ wɔ̀ri bataa i Yerusalɛmu kwumaŋ jiŋ, á á tɔɔnye ńʼwɔ wulu ki tɛ, bi wɔ̀ i ma-a, á i niŋ ɲaantɔ. 15Ka koŋ kari pyii dunfɛnŋ na kì, miŋ tu ábɛɛ i ǹʼmiiri-ra ɲaan wɔ̀ tɛ, si ki sɔli-i faa! 16Kirinŋ cinŋ wɔ̀ de-i cintɔnŋ Yowɛli daru, ninki i nafaa-ra kaa jiŋ. Kirinŋ ǹʼbi wuru tu :
17‹ Waaci rakɔɔra kiri ra,
míŋ a na ńʼƝini ki jɛri konanmini bataa sun.
Ábɛɛ danshuru kiri fa á danmari kiri ra na cintɔnbi wulu bi.
Kirinŋ a na finŋ bɛɛ ri ji ábɔɔ ɲɔrɔkɔ kiri wu.
Áwɔ cɛɛnni kiri i jii ri tan.
18Sɛli ki ra, niŋ shikaŋ, míŋ a na ńʼƝini ki jɛri
ńʼwɔ jonshuru kiri fa ńʼwɔ jonmari kiri bataa sun.
Kí a na cintɔnbi wulu li bi.
19Míŋ a na kabakobi ri ji kirinpɔli ki ra.
Ŋí i taanmashɛ ri ji pwɔkulinŋ ki sun,
miŋ tu cunŋ, tuu niŋ fa loŋ cikilitiŋ.
20Sunŋ ki ra, mani ki a na ji mancinŋ i.
Ɲɛ ki i kilɛn miŋ tu cunŋ.
Niŋ bataa kɔɔtɛ, Ŋuntiŋ ki pwulu na jibi ki a na so.
Niŋ jibi ki a na ji jibi sinaŋ i, nwɔ̀ nɔɔri gbɛ-i.
21Niŋ waaci ki ru, koŋ finŋ woo finŋ a na Ŋuntiŋ ki dɔri,
ŋì a na nintiŋ mwu. ›
22Isirayɛlidaŋ ni, á á tɔɔnye ka wulu ka tɛ. Yesu Nansarɛtitɔnŋ ki i koŋ wɔ̀, Kirinŋ niŋ wɔ sotinbi ki ji-i ábɛɛ wu, botɔnsunbi ri fa kabakobi ri niŋ fa taanmashɛ ri wu, miŋ tu ábɛɛ yɛrima kiri i niŋ tɔ-a kɔ. 23Nka ŋì i kɛɲɛ Kirinŋ wɔ bi gbɛbilimaan ki fa ǹʼwɔ bi jɛŋ tɔbi sinaŋ ki wu, ábɛɛ ntiŋ pa-i, á i ntiŋ de kpeeri gbɛfɛ nwɔ̀ri Yawutu ri kì, kí i ntiŋ kpinkpi suu sun, kí i ntiŋ kilɛn. 24Nka Kirinŋ ntiŋ ŋmɛni-i, ŋì i ntiŋ mwu beŋ ki wu. Ninki i ǹʼji tu so beŋ ki gbɛ, ŋì i ntiŋ tu a gbɛ kì. 25Masa Dawuda nwɔ̀ bi-i ntiŋ bi ki sun, niŋ i kaa :
‹ Míŋ wuru Ŋuntiŋ ki ja-a ńʼɲaanfɛ waarinŋ bataa ru.
Ntiŋ i míŋ tɔntɛ, nwɔma finŋ tɔri fa míŋ san ńʼɲakili sun kì.
26Ninki ncin-i, míŋ ciiru ki bataa dimaan i ji-i,
ŋí i Kirinŋ gbɛ shu ri pɔri-ri.
Hali míŋ ɲakili sɔɔmaan yɛ ńʼkwuu ki bira,
27sabu ábɛɛ ra á tu, á i míŋ ɲini ki tu beŋ ki gbɛ nmaŋ kì.
Sɛli ki ra, ábɛɛ ra á tu, míŋ, áwɔ wɔlinŋ ki i gbɛ ta ru kì.
28Ábɛɛ ɲaninkulutɔnbi kila saa kiri ji-i míŋ wu,
Ábɛɛ ɲaniŋ jamaan ki a míŋ pyii, ŋì i ńʼciiru di. › »
29Pyɛɛri i ǹʼbi sɛbɛ : « Ńʼtindaŋ ni, á ncusun ŋí i ǹʼfɔɔ bi á tɛ, nwɔ̀ i yibɛɛ ntiŋ cɛɛnni Dawuda, niŋ beeni-i, ntiŋ kwuu ki i ye, ntiŋ saali ki i yibɛɛ gbɛ kwumaŋ jiŋ. 30Dawuda wuru Kirinŋ wɔ cintɔnbi wulu bi-a. Ntiŋ ǹʼtɔ wuru tu Kirinŋ ǹʼbi afinŋ tɛ tu afinŋ nupo ki bɛɛ tenŋ a na sɔɔ afɔɔn masabi waalinŋ ki sun a kɔɔtɛ. 31Ntiŋ Kirinŋ ɲaannakonshimaan ki kwuu ki ŋmɛnibi ki jɛnbi-i tu : ‹ Ŋì a na tu beŋ ki gbɛ nmaŋ kì, niŋ fa tu ǹʼkwuu ki a na gbɛ ta ru kì. › 32Niŋ Yesu ki, Kirinŋ niŋ ŋmɛni po san-i konkwuu kiri ru, yibɛɛ fɔn i niŋ shɛɛri kiri i jiŋ. 33Ntiŋ tunpa-i waarinŋ wɔ̀ ru, ntiŋ i ta sɔɔ Kirinŋ pantɛ, ntiŋ a tɔnŋ wɔri wuru yibɛɛ tɛ Ɲiniwɔlinŋ wɔ̀ bira, ntiŋ Tiŋ Kirinŋ ki niŋ wɔri-i ntiŋ tɛ, ntiŋ niŋ Ɲiniwɔlinŋ ki jɛri-i yibɛɛ sun. Ábɛɛ i ninki ja-a, niŋ fa á i ninki rama-ni kaa dɔnsaŋ. 34Dawuda yɛrima ki tunpa kirinpɔlila kì, nka ntiŋ ǹʼbi-i tu :
‹ Ŋuntiŋ Kirinŋ ǹʼbi-i míŋ Ŋuntiŋ ki tɛ :
“Na sɔɔ míŋ pantɛ,
35fɔ míŋ miŋ ɲa kiri bataa pa de
nʼkanŋ fɛ waarinŋ wɔ̀ ru.” ›
36Niŋ ki ra, Isirayɛli bataa kakan-i ŋì i ǹʼtɔ fɔɔ jiŋ, tu ábɛɛ Yesu wɔ̀ ki kpinkpi suu ki sun, tu Kirinŋ ninki ji Ŋuntiŋ ki fa Kirisa ki i. »
37Niŋ wulu kiri ramamaan ki kí gbɛ, ŋì i kí yɛli arì ciiru. Kí i ǹʼbi Pyɛɛri fa cindaŋ pyɛ kiri tɛ tu : « Yibɛɛ tindaŋ ni, yibɛɛ kakan yi i nfɛnŋ ma dɔnsaŋ? »
38Pyɛɛri i ǹʼnupwulu tu : « Á ntɔri bi áwɔ bijɛ kiri ra, á i na Kirinŋ tɛ, á fɔn bataa tenŋ tenŋ i á wu Yesu Kirisa tɔ ra, nwɔma Kirinŋ i áwɔ bijɛ kiri tu á tɛ. A ábɛɛ niŋ ma, Kirinŋ a Ɲiniwɔlinŋ ki wɔri ábɛɛ tɛ. 39Á ǹʼtɔ tu Kirinŋ a tɔnŋ wɔri Ɲiniwɔlinŋ wɔ̀ wɔribi ra konaŋ ki tɛ, tu niŋ Ɲiniwɔlinŋ ki ábɛɛ fa á daŋ kiri wɔ, ŋì i ji shiya tɔri kiri wɔ sɛbɛ. Sɛli ki ra, koŋ finŋ woo finŋ a na dɔri bo Ŋuntiŋ ki yibɔɔ Kirinŋ ki tɛ, ǹʼyɔ niŋ bataa wɔ. » 40Pyɛɛri i kí waaju, ntiŋ i cunadi wulu mwɔɔnna tɔri ri bi kí tɛ. Ntiŋ wɔ wulu kiri ru, ntiŋ wuru ǹʼbi-a tu : « Á á yɛri kɔrɔshi jiintɔnŋ kiri wɔ maka jɛ ki ra, nwɔma á i á mwu. »
41Koŋ mwɔɔnna i a tu Pyɛɛri wɔ wulu ki ra kí i wu. Niŋ shikaŋ koŋ waa byaŋ (3.000) bishi i bo bilinatɔnŋ kwuru ki sun.
Bilinatɔnŋ kiri wɔ jɛn ki
42Kabi niŋ shikaŋ, niŋ koŋ kiri i tu arì rakɔli-la, kí i na-ni cindaŋ kiri wɔ wulu ki rama-ni. Kí i tu kalindaŋ kiri wɔ jɛn ki ru. Kí i bwuru ki rucɛn-ni arìmaŋ tɛ, niŋ fa kí i Kirinŋ nafɛ-ri arìmaŋ fan. 43Kirinŋ wuru kabakobi mwɔɔnna wɔ̀ri fa taanmashɛ mwɔɔnna wɔ̀ri ma-a cindaŋ kiri gbɛfɛ, niŋ i ncin konaŋ ki bataa i kɛni-ni Kirinŋ jɛŋ. 44Bilinatɔnŋ kiri bataa fu wuru-i. Koŋ tɔri tenŋ wuru awɔ finŋ ji-a a tenŋ wɔ kì. Kí wuru arì gbɛfɛfinŋ kiri bataa lu-a arìmaŋ tɛ. 45Niŋ ɲaan ki tɛ, kí wuru arì gbɛfɛfinŋ kiri ju-a, kí i ǹʼjalinŋ ki rulu-ri arìmaŋ tɛ ŋì i kɛɲɛ kɔ́ɔ́ ŋununu bi kiri wu. 46Jibi woo jibi, kí wuru ta-a Kirinfusinaŋ ki ra, kí i ta Kirinŋ nafɛ-ri ɲakilila tenŋ wu. Kí cunadi wuru niŋ na kusɛbɛ, niŋ fa, kí wuru arìmaŋ fu-a arɔɔ fu kiri ru, kí i bwuru ki rucɛn lu-li arìmaŋ tɛ, kí i arɔɔ nufinŋ kiri nu-ni arìmaŋ fan, ciirudibi fa sunjɛribi wu. 47Kí wuru Kirinŋ gbɛ-a, kí i ǹʼco-ri awɔ shɔɔrinŋ ki bira waarinŋ bataa ru. Kí bi i di koŋ bataa tɛ. Ŋuntiŋ ki wuru nwɔ̀ri mwu-a, nini wuru bo-a bilinatɔnŋ kwuru ki sun jibi woo jibi.
Chwazi Kounye ya:
Mabikiri 2: JOB
Pati Souliye
Pataje
Kopye
Ou vle gen souliye ou yo sere sou tout aparèy ou yo? Enskri oswa konekte
© Wycliffe Bible Translators, Inc.
Mabikiri 2
2
Ɲiniwɔlinŋ ki jɛri ki bilinatɔnŋ kiri sun
1Pantikɔti#2.1 Pantikɔti : Niŋ jibi ki ji-i sunŋ bwununtentɔnŋ ki i Yesu tunpa ki kɔɔtɛ kirinpɔli ki ru. Niŋ shikaŋ, Ɲiniwɔlinŋ ki jɛri-i bilinatɔnŋ kiri sun Yerusalɛmu. shikaŋ ki so-i, bilinatɔnŋ kiri bataa rakɔlimaan i ji-i arìmaŋ fan. 2Manaanŋ tenŋ nu shinwulu sinaŋ bɛɛ i po kirinpɔli ki ra. Ǹʼwuru faa sinaŋ shinwulu sali. Bilinatɔnŋ kiri wuru fu wɔ̀ ru, ŋì i na niŋ faa. 3Kí i finŋ bɛɛ ri ja tuunɛninɛŋ ni sali, yìrì i sɔɔ sɔɔ ta kí bataa ŋununu. 4Mìŋ manaanŋ tenŋ ki ru, bilinatɔnŋ kiri bataa i faa Ɲiniwɔlinŋ ki ra, kí i arì bo wulu tɔri ri bi sun ŋì i kɛɲɛ Ɲiniwɔlinŋ ki wɔ bimaan ki wu kí tɛ.
5Niŋ i fa Yawutu kiri ru Kirinŋ jɛŋ kɛnitɔnŋ wɔ̀ri wuru mani tɔri ru juniɲa ki fan, nini mwɔɔnna ni wuru Yerusalɛmu nmaŋ niŋ shikaŋ. 6Niŋ shinwulu ki po-i waarinŋ wɔ̀ ru, nini i na arì rakɔli bilinatɔnŋ kiri sun. Ŋì i ji botɔnsunbi kí bataa gbɛ, sabu koŋ fɔn wuru a jiwulu lama-a bilinatɔnŋ kiri tɔnŋ na. 7Niŋ i bo konaŋ ki bataa tɔnŋ sun fɔ ŋì i kí ciiru daalinŋ kɔ, kí i arìmaŋ nanɔri-ri tu :
« Koŋ wɔ̀ri i wulu ki bi-a kaa, kí bataa Galiletiiri i kì wa? 8Ŋì i ji dɔɔkunŋ, yibɛɛ fɔn bataa tenŋ tenŋ i yi jiwulu ki rama-ni kí tɔnŋ na? 9Parititiiri i yibɛɛ ru, niŋ fa Mɛditiiri fa Elamutiiri. Ǹʼbɛɛ ri i po-ri Mensopotami fa Yude fa Kapadɔsi kɛniŋ kiri ru. Ǹʼtɔri ri i yiri-ri Pɔn niŋ fa Asi sɔɔta kiri ru. 10Ǹʼbɛɛ ri i po-ri Firiji, Panfili fa Misira kɛniŋ ki ru, niŋ fa Libi kɛniŋ wɔ̀ i Sirɛni kili ki tonfan. Ǹʼtɔri ri i po-ri Ɔrɔmu kili ki ru. 11Kɛrɛtitiiri fa Arabu ri i yibɛɛ ru, ǹʼbɛɛ ri ji-i Yawutu u, ǹʼtɔri i de yawutubi ki ru, nka á ǹʼshɛɛli, yibɛɛ fɔn bataa i Kirinŋ wɔ botɔnsunbi mamaan kiri rama-a kí tɔnŋ na yi yɛrima ki jiwulu kiri ru. »
12Niŋ botɔnsunbi kiri i konaŋ ki ciiru daalinŋ kɔ, kí i tu arìmaŋ nanɔri-ra tu : « Ka a nfɛnŋ bi? »
13Nka bɛɛ ri i yɛtan-ni bilinatɔnŋ kiri sun tu : « Kí dunfɛnŋ jii mwunu pyiimaan ni yɛ. »
Pyɛɛri wɔ waajulu ki
14Niŋ ki ra, Pyɛɛri fa a kaashi cindaŋ bwununtenŋ ki i jɔrɔkɔ tu, ntiŋ i a wulu ki fɛshi, ntiŋ i ǹʼbi ka ɲaan ka tɛ : « Ábɛɛ Yawutu ri, niŋ fa ábɛɛ wɔ̀ri bataa i Yerusalɛmu kwumaŋ jiŋ, á á tɔɔnye ńʼwɔ wulu ki tɛ, bi wɔ̀ i ma-a, á i niŋ ɲaantɔ. 15Ka koŋ kari pyii dunfɛnŋ na kì, miŋ tu ábɛɛ i ǹʼmiiri-ra ɲaan wɔ̀ tɛ, si ki sɔli-i faa! 16Kirinŋ cinŋ wɔ̀ de-i cintɔnŋ Yowɛli daru, ninki i nafaa-ra kaa jiŋ. Kirinŋ ǹʼbi wuru tu :
17‹ Waaci rakɔɔra kiri ra,
míŋ a na ńʼƝini ki jɛri konanmini bataa sun.
Ábɛɛ danshuru kiri fa á danmari kiri ra na cintɔnbi wulu bi.
Kirinŋ a na finŋ bɛɛ ri ji ábɔɔ ɲɔrɔkɔ kiri wu.
Áwɔ cɛɛnni kiri i jii ri tan.
18Sɛli ki ra, niŋ shikaŋ, míŋ a na ńʼƝini ki jɛri
ńʼwɔ jonshuru kiri fa ńʼwɔ jonmari kiri bataa sun.
Kí a na cintɔnbi wulu li bi.
19Míŋ a na kabakobi ri ji kirinpɔli ki ra.
Ŋí i taanmashɛ ri ji pwɔkulinŋ ki sun,
miŋ tu cunŋ, tuu niŋ fa loŋ cikilitiŋ.
20Sunŋ ki ra, mani ki a na ji mancinŋ i.
Ɲɛ ki i kilɛn miŋ tu cunŋ.
Niŋ bataa kɔɔtɛ, Ŋuntiŋ ki pwulu na jibi ki a na so.
Niŋ jibi ki a na ji jibi sinaŋ i, nwɔ̀ nɔɔri gbɛ-i.
21Niŋ waaci ki ru, koŋ finŋ woo finŋ a na Ŋuntiŋ ki dɔri,
ŋì a na nintiŋ mwu. ›
22Isirayɛlidaŋ ni, á á tɔɔnye ka wulu ka tɛ. Yesu Nansarɛtitɔnŋ ki i koŋ wɔ̀, Kirinŋ niŋ wɔ sotinbi ki ji-i ábɛɛ wu, botɔnsunbi ri fa kabakobi ri niŋ fa taanmashɛ ri wu, miŋ tu ábɛɛ yɛrima kiri i niŋ tɔ-a kɔ. 23Nka ŋì i kɛɲɛ Kirinŋ wɔ bi gbɛbilimaan ki fa ǹʼwɔ bi jɛŋ tɔbi sinaŋ ki wu, ábɛɛ ntiŋ pa-i, á i ntiŋ de kpeeri gbɛfɛ nwɔ̀ri Yawutu ri kì, kí i ntiŋ kpinkpi suu sun, kí i ntiŋ kilɛn. 24Nka Kirinŋ ntiŋ ŋmɛni-i, ŋì i ntiŋ mwu beŋ ki wu. Ninki i ǹʼji tu so beŋ ki gbɛ, ŋì i ntiŋ tu a gbɛ kì. 25Masa Dawuda nwɔ̀ bi-i ntiŋ bi ki sun, niŋ i kaa :
‹ Míŋ wuru Ŋuntiŋ ki ja-a ńʼɲaanfɛ waarinŋ bataa ru.
Ntiŋ i míŋ tɔntɛ, nwɔma finŋ tɔri fa míŋ san ńʼɲakili sun kì.
26Ninki ncin-i, míŋ ciiru ki bataa dimaan i ji-i,
ŋí i Kirinŋ gbɛ shu ri pɔri-ri.
Hali míŋ ɲakili sɔɔmaan yɛ ńʼkwuu ki bira,
27sabu ábɛɛ ra á tu, á i míŋ ɲini ki tu beŋ ki gbɛ nmaŋ kì.
Sɛli ki ra, ábɛɛ ra á tu, míŋ, áwɔ wɔlinŋ ki i gbɛ ta ru kì.
28Ábɛɛ ɲaninkulutɔnbi kila saa kiri ji-i míŋ wu,
Ábɛɛ ɲaniŋ jamaan ki a míŋ pyii, ŋì i ńʼciiru di. › »
29Pyɛɛri i ǹʼbi sɛbɛ : « Ńʼtindaŋ ni, á ncusun ŋí i ǹʼfɔɔ bi á tɛ, nwɔ̀ i yibɛɛ ntiŋ cɛɛnni Dawuda, niŋ beeni-i, ntiŋ kwuu ki i ye, ntiŋ saali ki i yibɛɛ gbɛ kwumaŋ jiŋ. 30Dawuda wuru Kirinŋ wɔ cintɔnbi wulu bi-a. Ntiŋ ǹʼtɔ wuru tu Kirinŋ ǹʼbi afinŋ tɛ tu afinŋ nupo ki bɛɛ tenŋ a na sɔɔ afɔɔn masabi waalinŋ ki sun a kɔɔtɛ. 31Ntiŋ Kirinŋ ɲaannakonshimaan ki kwuu ki ŋmɛnibi ki jɛnbi-i tu : ‹ Ŋì a na tu beŋ ki gbɛ nmaŋ kì, niŋ fa tu ǹʼkwuu ki a na gbɛ ta ru kì. › 32Niŋ Yesu ki, Kirinŋ niŋ ŋmɛni po san-i konkwuu kiri ru, yibɛɛ fɔn i niŋ shɛɛri kiri i jiŋ. 33Ntiŋ tunpa-i waarinŋ wɔ̀ ru, ntiŋ i ta sɔɔ Kirinŋ pantɛ, ntiŋ a tɔnŋ wɔri wuru yibɛɛ tɛ Ɲiniwɔlinŋ wɔ̀ bira, ntiŋ Tiŋ Kirinŋ ki niŋ wɔri-i ntiŋ tɛ, ntiŋ niŋ Ɲiniwɔlinŋ ki jɛri-i yibɛɛ sun. Ábɛɛ i ninki ja-a, niŋ fa á i ninki rama-ni kaa dɔnsaŋ. 34Dawuda yɛrima ki tunpa kirinpɔlila kì, nka ntiŋ ǹʼbi-i tu :
‹ Ŋuntiŋ Kirinŋ ǹʼbi-i míŋ Ŋuntiŋ ki tɛ :
“Na sɔɔ míŋ pantɛ,
35fɔ míŋ miŋ ɲa kiri bataa pa de
nʼkanŋ fɛ waarinŋ wɔ̀ ru.” ›
36Niŋ ki ra, Isirayɛli bataa kakan-i ŋì i ǹʼtɔ fɔɔ jiŋ, tu ábɛɛ Yesu wɔ̀ ki kpinkpi suu ki sun, tu Kirinŋ ninki ji Ŋuntiŋ ki fa Kirisa ki i. »
37Niŋ wulu kiri ramamaan ki kí gbɛ, ŋì i kí yɛli arì ciiru. Kí i ǹʼbi Pyɛɛri fa cindaŋ pyɛ kiri tɛ tu : « Yibɛɛ tindaŋ ni, yibɛɛ kakan yi i nfɛnŋ ma dɔnsaŋ? »
38Pyɛɛri i ǹʼnupwulu tu : « Á ntɔri bi áwɔ bijɛ kiri ra, á i na Kirinŋ tɛ, á fɔn bataa tenŋ tenŋ i á wu Yesu Kirisa tɔ ra, nwɔma Kirinŋ i áwɔ bijɛ kiri tu á tɛ. A ábɛɛ niŋ ma, Kirinŋ a Ɲiniwɔlinŋ ki wɔri ábɛɛ tɛ. 39Á ǹʼtɔ tu Kirinŋ a tɔnŋ wɔri Ɲiniwɔlinŋ wɔ̀ wɔribi ra konaŋ ki tɛ, tu niŋ Ɲiniwɔlinŋ ki ábɛɛ fa á daŋ kiri wɔ, ŋì i ji shiya tɔri kiri wɔ sɛbɛ. Sɛli ki ra, koŋ finŋ woo finŋ a na dɔri bo Ŋuntiŋ ki yibɔɔ Kirinŋ ki tɛ, ǹʼyɔ niŋ bataa wɔ. » 40Pyɛɛri i kí waaju, ntiŋ i cunadi wulu mwɔɔnna tɔri ri bi kí tɛ. Ntiŋ wɔ wulu kiri ru, ntiŋ wuru ǹʼbi-a tu : « Á á yɛri kɔrɔshi jiintɔnŋ kiri wɔ maka jɛ ki ra, nwɔma á i á mwu. »
41Koŋ mwɔɔnna i a tu Pyɛɛri wɔ wulu ki ra kí i wu. Niŋ shikaŋ koŋ waa byaŋ (3.000) bishi i bo bilinatɔnŋ kwuru ki sun.
Bilinatɔnŋ kiri wɔ jɛn ki
42Kabi niŋ shikaŋ, niŋ koŋ kiri i tu arì rakɔli-la, kí i na-ni cindaŋ kiri wɔ wulu ki rama-ni. Kí i tu kalindaŋ kiri wɔ jɛn ki ru. Kí i bwuru ki rucɛn-ni arìmaŋ tɛ, niŋ fa kí i Kirinŋ nafɛ-ri arìmaŋ fan. 43Kirinŋ wuru kabakobi mwɔɔnna wɔ̀ri fa taanmashɛ mwɔɔnna wɔ̀ri ma-a cindaŋ kiri gbɛfɛ, niŋ i ncin konaŋ ki bataa i kɛni-ni Kirinŋ jɛŋ. 44Bilinatɔnŋ kiri bataa fu wuru-i. Koŋ tɔri tenŋ wuru awɔ finŋ ji-a a tenŋ wɔ kì. Kí wuru arì gbɛfɛfinŋ kiri bataa lu-a arìmaŋ tɛ. 45Niŋ ɲaan ki tɛ, kí wuru arì gbɛfɛfinŋ kiri ju-a, kí i ǹʼjalinŋ ki rulu-ri arìmaŋ tɛ ŋì i kɛɲɛ kɔ́ɔ́ ŋununu bi kiri wu. 46Jibi woo jibi, kí wuru ta-a Kirinfusinaŋ ki ra, kí i ta Kirinŋ nafɛ-ri ɲakilila tenŋ wu. Kí cunadi wuru niŋ na kusɛbɛ, niŋ fa, kí wuru arìmaŋ fu-a arɔɔ fu kiri ru, kí i bwuru ki rucɛn lu-li arìmaŋ tɛ, kí i arɔɔ nufinŋ kiri nu-ni arìmaŋ fan, ciirudibi fa sunjɛribi wu. 47Kí wuru Kirinŋ gbɛ-a, kí i ǹʼco-ri awɔ shɔɔrinŋ ki bira waarinŋ bataa ru. Kí bi i di koŋ bataa tɛ. Ŋuntiŋ ki wuru nwɔ̀ri mwu-a, nini wuru bo-a bilinatɔnŋ kwuru ki sun jibi woo jibi.
Chwazi Kounye ya:
:
Pati Souliye
Pataje
Kopye
Ou vle gen souliye ou yo sere sou tout aparèy ou yo? Enskri oswa konekte
© Wycliffe Bible Translators, Inc.