2 AKorindo 12
12
Gu yugoti Mbori ayugu he fu Pauro rogo musumo yo
1Mi ka sambua he ka si avura ngba nga ya; ono mi aye ka pe pa yuguyugupai na ayugoti nga ga Gbia. 2Mi ini boro rogo Kristo yo, garãha ku sa yo bawe na biama ― watadu rogo kpotoni yo, mi aina nga ha te: na zanga kpotoni, mi aina nga ha te; Mbori ini he, nga gu boro i atuka ni ku ari dati biata ngbangbaturũ. 3Mi ki ini gi boro re ― watadu rogo kpotoni yo, na zanga kpotoni, mi aina nga ha te; Mbori ini he,― 4wa i atuka ni ku Paradiso yo, ni ki gi agu apai ka boro ape nga ha ya, nga gu aru nga fu boro ni gumba ha a ya. 5Mi asámbua he tipa boro wa gi ni re; ono mi asámbua nga he tipa re ni tire te, kina agu apai nga ga gi rungbura. 6Bambiko si ngia mi ka kpi nyemu sambua he, mi amúngo nga te; mbiko mi apé kina rengo. Ono mi he he, gu boro ka berã pai tipa re susi gu ni abi ti re, na gu ni agia ngbare. 7Bambiko wa du agi ayugoti re ni bahe susi, si du i afu kiwe ti kpotore ti ni, nga ga Satana sunge ka tura re atura, si ka kiisa re susi. 8Tipa gi pai re mi azungadi Gbia bara biata, ya si guari ti re. 9Ko ki ya fere, “Gimi undahe rengbe foro, bambiko gi tandu du ni mbakadimbakadi he ziazia rogo rungbura yo.” Ngbatika mi asámbua he zaza ni ngbarago tie ti agu apai mi arungbura ti ni, ya gu ome nga ga Kristo du auru re. 10Si du mi nangi angi ti ni mbiko agu apai rungbura mi ti ni, mbiko agu apai namanga re, mbiko adingisaro, mbiko arungosi, mbiko fudifudi apai, tipa rimo Kristo; bambiko ho mi nirungbura ni mi nidu ho nyanyaki.
Ga Pauro berã pa kanisa Korinda yo na baka bangirise a
11Mi du wa iramungo! Oni asosodi re; bambiko mbakada rimore nangia gaoni pai. Bambiko mi du nga ku sa yo fu agu amokedi nga ndikidi bakumba yo ti gu pai sa te, mi vura du wa he gbua vurũ. 12Ni rengo agu apai i aina mokedi ti ni si adu ni mangimangi he dagba roni ni zera, rogo agu apai i aina pai ti ni na iiriwo apai na agu apai i namanga na tandu. 13Bambiko gini pai dũ ho i aumbasi roni ti ni susi kura akanisa, kina gu nga wa adu nga mi ni ũmbusa fu roni tigimi ya? Oni he gi gbegberẽpai re fere.
14Oni ngére, gere nga gu biata rago so mi gima ka ye kovo du oni ni; mi adú nga ni úmbusa fu roni te. Bambiko mi agbata nga gaoni ahe te, ono kina roni. Mbiko a nga agude ka dungura ahe tipa avunguyo te, ono avunguyo namanga wo tipa awiriyo. 15Mi abága tire abaga zaza dati digida ha tipa mbisimoroni. Ka mi akpi nyemu roni bakere susi i ki nikpi nyemu re ni umba ha? 16Si du wo tie, mi ambusa nga roni tigimi te; ono, wa du mi ni irabiriki, mi azi roni ni biriki. 17Watadu mi amangi roni ku be gu ni dagba agu yo mi akedi yo koyo du oni ni? 18Mi azungadi Tito, mi ki kedi wirina na ko. Watadu Tito amangi roni? Ani ata nga rogo kina gu Toro yo sa te re? Ani andu nga rogo fuo rani sa te?
19Oni naberã ha da erẽ ya ani nambakada gaani pai fu roni? Ku bangiri Mbori ani nagumba pai rogo Kristo yo. Ono apai dunduko, amanguse, si tipa nyakasa roni. 20Bambiko mi nagunde, ya ho mi ka ye ni, mi ka bi roni rogo gu pai ka oni adu nga wa mi akpi nyemu he ya, na ka oni abi re tigimi ka mi adu nga wa oni akpi nyemu he ya; kpata ka du ho be gu pai, na ringo, na azinga, na kpika pai, na wawaru, na gumbarimo, na kiisatise, na abasapu; 21gi Mbori ka ba zee ti re barangba roni, ho mi ka ye ni berewe, mi ki rungo tipa agu yo naima inga ni dungu yo, ka i asa nga gayo berã ti gu birikobiriko pai mangi yo na pa bari na wasiro ya.
Chwazi Kounye ya:
2 AKorindo 12: ZB1978
Pati Souliye
Pataje
Kopye
Ou vle gen souliye ou yo sere sou tout aparèy ou yo? Enskri oswa konekte
La Sainte Bible en Zande © Alliance Biblique Universelle, 1978.
2 AKorindo 12
12
Gu yugoti Mbori ayugu he fu Pauro rogo musumo yo
1Mi ka sambua he ka si avura ngba nga ya; ono mi aye ka pe pa yuguyugupai na ayugoti nga ga Gbia. 2Mi ini boro rogo Kristo yo, garãha ku sa yo bawe na biama ― watadu rogo kpotoni yo, mi aina nga ha te: na zanga kpotoni, mi aina nga ha te; Mbori ini he, nga gu boro i atuka ni ku ari dati biata ngbangbaturũ. 3Mi ki ini gi boro re ― watadu rogo kpotoni yo, na zanga kpotoni, mi aina nga ha te; Mbori ini he,― 4wa i atuka ni ku Paradiso yo, ni ki gi agu apai ka boro ape nga ha ya, nga gu aru nga fu boro ni gumba ha a ya. 5Mi asámbua he tipa boro wa gi ni re; ono mi asámbua nga he tipa re ni tire te, kina agu apai nga ga gi rungbura. 6Bambiko si ngia mi ka kpi nyemu sambua he, mi amúngo nga te; mbiko mi apé kina rengo. Ono mi he he, gu boro ka berã pai tipa re susi gu ni abi ti re, na gu ni agia ngbare. 7Bambiko wa du agi ayugoti re ni bahe susi, si du i afu kiwe ti kpotore ti ni, nga ga Satana sunge ka tura re atura, si ka kiisa re susi. 8Tipa gi pai re mi azungadi Gbia bara biata, ya si guari ti re. 9Ko ki ya fere, “Gimi undahe rengbe foro, bambiko gi tandu du ni mbakadimbakadi he ziazia rogo rungbura yo.” Ngbatika mi asámbua he zaza ni ngbarago tie ti agu apai mi arungbura ti ni, ya gu ome nga ga Kristo du auru re. 10Si du mi nangi angi ti ni mbiko agu apai rungbura mi ti ni, mbiko agu apai namanga re, mbiko adingisaro, mbiko arungosi, mbiko fudifudi apai, tipa rimo Kristo; bambiko ho mi nirungbura ni mi nidu ho nyanyaki.
Ga Pauro berã pa kanisa Korinda yo na baka bangirise a
11Mi du wa iramungo! Oni asosodi re; bambiko mbakada rimore nangia gaoni pai. Bambiko mi du nga ku sa yo fu agu amokedi nga ndikidi bakumba yo ti gu pai sa te, mi vura du wa he gbua vurũ. 12Ni rengo agu apai i aina mokedi ti ni si adu ni mangimangi he dagba roni ni zera, rogo agu apai i aina pai ti ni na iiriwo apai na agu apai i namanga na tandu. 13Bambiko gini pai dũ ho i aumbasi roni ti ni susi kura akanisa, kina gu nga wa adu nga mi ni ũmbusa fu roni tigimi ya? Oni he gi gbegberẽpai re fere.
14Oni ngére, gere nga gu biata rago so mi gima ka ye kovo du oni ni; mi adú nga ni úmbusa fu roni te. Bambiko mi agbata nga gaoni ahe te, ono kina roni. Mbiko a nga agude ka dungura ahe tipa avunguyo te, ono avunguyo namanga wo tipa awiriyo. 15Mi abága tire abaga zaza dati digida ha tipa mbisimoroni. Ka mi akpi nyemu roni bakere susi i ki nikpi nyemu re ni umba ha? 16Si du wo tie, mi ambusa nga roni tigimi te; ono, wa du mi ni irabiriki, mi azi roni ni biriki. 17Watadu mi amangi roni ku be gu ni dagba agu yo mi akedi yo koyo du oni ni? 18Mi azungadi Tito, mi ki kedi wirina na ko. Watadu Tito amangi roni? Ani ata nga rogo kina gu Toro yo sa te re? Ani andu nga rogo fuo rani sa te?
19Oni naberã ha da erẽ ya ani nambakada gaani pai fu roni? Ku bangiri Mbori ani nagumba pai rogo Kristo yo. Ono apai dunduko, amanguse, si tipa nyakasa roni. 20Bambiko mi nagunde, ya ho mi ka ye ni, mi ka bi roni rogo gu pai ka oni adu nga wa mi akpi nyemu he ya, na ka oni abi re tigimi ka mi adu nga wa oni akpi nyemu he ya; kpata ka du ho be gu pai, na ringo, na azinga, na kpika pai, na wawaru, na gumbarimo, na kiisatise, na abasapu; 21gi Mbori ka ba zee ti re barangba roni, ho mi ka ye ni berewe, mi ki rungo tipa agu yo naima inga ni dungu yo, ka i asa nga gayo berã ti gu birikobiriko pai mangi yo na pa bari na wasiro ya.
Chwazi Kounye ya:
:
Pati Souliye
Pataje
Kopye
Ou vle gen souliye ou yo sere sou tout aparèy ou yo? Enskri oswa konekte
La Sainte Bible en Zande © Alliance Biblique Universelle, 1978.