Logo Aplikasyon Bib
Chache Icon

Romanos 11

11
DĂ­os tsĂ­kjeyĂĄ ti sin Israel
1 # Fil. 3:5. *A̱ndá ijie tjánchánkia: ¿Díos la kuíto̱he ti sin Israel ní? Kjá náhí, kixin janhan kja̱xian israelitána la tsíkꞌaxrjeníxian Abraham, ti sin kuènté Benjamín. 2Méxra̱ ósé tsíkjeyá Díos ti sin israelita kixin tsꞌóna sin chjasén chꞌan. A̱ndá ijie la kjá sinchekꞌitjáñahña chꞌan ti jehe sin. ¿Á noahñara nkexrín nixja ti xroon itén Díos chrónka ti profeta Elías ti tjanchia chꞌan ijie̱ kuènté ti sin Israel? Mé ndáchro chꞌan: 3#1Rs. 19:10, 14.*“Ìnchéni, jehe sin kꞌóñá sin ti sin chrónka itan la ko kꞌóxika sin ti altar kuèntá, la ó janhuán kuito̱na, la kja̱xin tjinkaon sin chrókꞌóñá sin ti janhan.” 4#1Rs. 19:18.*A̱ndá Díos kjuáte̱he ndáchro: “Na̱xa̱ chonta janhan yato mil chojni titekaon ti janhan, na̱xa̱ kjuixienhña sin tochꞌin sin ti nkehe tsíkjano̱ña kuènté Baal.” 5Kja̱xin ijie, na̱xa̱ kuíto̱he iso ti sin titekaon Díos, tsíkjeyá chꞌan sin kixin tsaá sin. 6Mé xi̱kaha Díos sinchekaá ti jehe sin kixin tjue̱he chꞌan sin, jehya ti ixra̱ kjuíchꞌe sin ndá chrókuaáxin sin. Kixin ti ixra̱ jína chrókjuíchꞌe sin ndá tíha chrókuaáxin sin, la ti xi̱kaha la jehya chaxín kui̱konoéhe̱ Díos ti jehe sin.
7A̱ndá ti xi̱kaha la, ¿nkexrín? Ti sin israelita la kꞌuitjahya sin ti nkehe xritjeyá sin. Jehó iso sin kꞌuitja sin Díos kixin jehe chꞌan kjueyá chꞌan ti jehe sin. A̱ndá ti íso sin la icha a̱sén sin la kuítekakonhña sin chꞌan. 8#Dt. 29:4; Is. 29:10.*Éxi ndáchro ti xroon itén Díos: “Díos kjuajonhña kjuachaxin kixin chrókienxín sin la ko xi̱kaha na̱xa̱ sítóhen ijie. Kjuajonhña Díos kjuachaxin kixin chrókꞌuikon sin la ko chrókienxín sin.” 9#Sal. 69:22, 23.*Kja̱xin tsíndáchro David:
Ti kia tjasin sin mé tsꞌóna éxi ijnko nkehe tsꞌitsínkaxín sin,
la ko ijnko nkehe tsjasĂłtexĂ­n sin.
10Ti ikon sin la í tsꞌikonxínhña sin kixin tsꞌóna sin ntakótán,#11:10 ntakótán tꞌikohña sin ciego
a̹ndå ti ijie̹ kuèntÊ sin mÊ nkochríxín tsamå sin.
TsaĂĄ ti sin jehya judĂ­o
11A̱ndá ijie janhan tjánchánkia: Ti sin judío la ti kjuasin sin ijie̱ la, ¿kuíto̱he Díos ti jehe sin ní? Kjá náhí. Ti ó kuítekakonhña ti sin judío, la ti sin jehya judío mé kjuacha sin kuíhin sin la ko kuaá sin, kixin ti sin israelita la tso̱chjio#11:11 tso̱chjio celos sin. 12Kixin ti kuitekakonhña ti sin judío ti itén Díos, la mé Díos kuíto̱he ti jehe sin, a̱ndá ti sin jehya judío a̱ntsí kꞌuitja sin nkexrín tsitekaon sin Díos. Kixin ti nkehe nduáhya kjuíchꞌe ti sin judío, la ti sin jehya judío kjuacha sin kuaá sin. A̱ndá ti chrókjan ti sin judío kja̱xin, chrókuitekaon sin Cristo, la a̱ntsí jína chrókꞌuejó sin.
13Janhan chonta iso nkehe tsihínra jahara chojni jehya judío. Díos mé ichrꞌán ti janhan kixin tsjákohá ti sin jehya judío la a̱ntsí tjetoan ti ixra̱ kuènté Ìnchéni tjétꞌa̱. 14Tjinka̱oan kixin ti sin chjasená la chrókóchjio sin kixin jahara tinkachónkira Díos, ndá kja̱xin sin chrókótjinkaon sin chrókuaá sin. 15Méxra̱ kuíto̱he Díos ti sin judío, a̱ndá ti sin jehya judío la kꞌuitja sin ti kjuaxróxin kuènté Díos. A̱ndá ti chrókuitekaon ti sin judío kja̱xin, la yóhe̱ éxi chróxechón ti sin tsíkꞌen xi̱kaha. 16Méxra̱, ti chrókjuinchetjóá Díos ti nio̱tja̱ xránkíxixín kꞌónaxín ti ichꞌo, la kuenté ti ichꞌo la ó tjóá. A̱ndá kja̱xin ti chrókjuinchetjóá chꞌan ti nuèé ijnko inta, la kja̱xin kaín ti chaon ti inta la ó tjóá.
17Ndá iso ti sin judío la éxi chaon ti inta olivo mé tsíchríjin, la jahara chojni jehya judío la éxi chaon ti inta olivo siín nte̱je̱, tséxin ti inta olivo jína. Mé xi̱kaha jahara kꞌónara chaon kuènté ti inta olivo jína xráxín tjechón. 18Méxra̱ chróndáchrohyara kixin jahara a̱ntsí jína ke ti chaon ti inta kjuákꞌe sa̱oxín. Ti xi̱kaha tjénka̱yáxinra la xráxinkaonra kixin jahara la jehó chaon ti inta, jahyara ti tjechónxin nuèé ti inta. Náhí. Ti nuèé ti inta mé tjechónxin ti chaon ti inta.
19Kjá tsondáchrora: “Kóchríjin sin chaon ti inta kixin jeheni tsjakꞌeni ti kꞌuékjakꞌe ti chaon ti inta olivo chrijin.” 20Chaxín tíha. Kjánchó jehe sin la chrijin sin kixin chaxínhña kuitekaon sin Díos. A̱ndá jahara la tjejora ntiha kixin titekáonra Díos. Méxra̱ chrókjui̱nchejiéhya a̱sánra. Ícha jína chrókóxakohanra chrókjui̱nchexiteyéhéra Díos. 21Kixin ti kui̱konoéhña Díos ti chaon ti inta xráxín kꞌuejó, la xi̱kaha tsi̱konòahñara chꞌan ti jahara. 22Tsjehéra kixin Díos la imá jína, kjánchó kja̱xin sinchekjasóte chꞌan ti sin titekakonhña. A̱ndá jína Díos la kjuínki̱tsa chꞌan ti jahara. Kjánchó chrókꞌuejora nkojína éxi tjinkaon chꞌan. A̱ndá ti náhí, la chaxín tsíto̱hára chꞌan. 23A̱ndá ti sin judío, ti tsíto̱he sin ti nkehe nduáhya tjenka̱yáxin sin ndá tsitekaon sin Díos, la Díos tsjacha sinchetséxin chꞌan kícho ti inta ínaá, kixin Díos la chónta kaín kjuachaxin kixin xi̱kaha tso̱hen. 24A̱ndá jahara jehya judíora jehó chaon ti inta olivo siín nte̱je̱, mé tsóchríjin Díos ti jahara, a̱ndá a̱ntsí ixra̱ tsotséxinra ti inta olivo jína ínaá. A̱ndá ti sin judío la chaon kuènté ti nta olivo jína, la a̱ntsí xra̱hya tsotséxin kícho ínaá kixin ó chaon kuènté ti inta a.
Ti tsjixixĂ­n tsaĂĄ ti sin Israel
25Kíchóni, tjínka̱oan tso̱nohara ti nkehe jehó Díos nohe kixin si̱nchenkehyara kixin imá nohara. Ti sin Israel la jehya nkochríxín tsitekakonhña sin; ti tsjixin tsoxítja kaín ti sin jehya judío tsitekaon, ndá kja̱xin ti sin judío la tsitekaon sin. 26#Is. 59:20, 21.*Ndá chrꞌéxi̱n la kaín ti sin Israel la tsaá sin kixin ti xroon itén Díos la ndáchro:
Ti nkexro tsaĂĄxin chojni mĂŠ tsiĚąxiĚąn chjasin JerusalĂŠn
la tsja̱tse̱n chꞌan ti ijie̱ kuènté ti sin tsíkꞌaxrjeníxin Jacob.
27 # Is. 27:9. *TĂ­hi ti nkehe niĚąxin ndĂĄtjan sin
kixin janhan tsjakjían ti iji̹Ê sin.
28Méxra̱ ti sin judío la titekakonhña sin ti itan ni̱xin tsaáxini, la nínkakohen sin Díos, kixin kjuajon chꞌan kjuachaxin kixin jahara chojni jehya judío tsꞌayéhéra ti nkehe tsjajon chꞌan. Kjánchó jehe chꞌan la na̱xa̱ tjue̱he chꞌan ti sin judío kixin tsíkjeyá chꞌan ti sin tsíkꞌaxrjeníxin sin ósé. 29Kixin kaín ti nkehe tsíkjajon Díos la tsakítsjehya chꞌan sin la ko tsíto̱ehya chꞌan ti sin tsíkꞌéye̱he̱ chꞌan. 30Senó la jahara kꞌuékitekákonhñara Díos, a̱ndá ijie la ti sin judío titekakonhña sin. A̱ndá jahara la kui̱konoáhara Díos. 31Mé xi̱kaha ti sin judío kuitekakuenhña sin Díos kixin xi̱kaha Díos tsi̱konoéhe̱ ti jahara, la xi̱kaha kja̱xin tsi̱konoéhe̱ chꞌan ti sin judío ínaá. 32Kixin Díos la kuíto̱he kixin kaín chojni chrókjuasin ijie̱ kixin nkokón chrókui̱konoéhe chꞌan kaín chojni.
33 # Is. 55:8. *Méxra̱ ti kjuachaxin kuènté Díos la imá ijié la ko imá nohe chꞌan. Ninkexró tsjachahya tsochronka nkexrín tjenka̱yáxin chꞌan la ko ninkexró tsjachahya tsienxín ti nti̱a kuènté chꞌan. 34#Is. 40:13.*Ndáchro ti xroon itén Díos: “¿Xá nkexro chrókónohe nkexrín tjenka̱yáxin Díos la ko xá nkexro chrókjua̱ko̱he̱ ti jehe chꞌan? 35#Job 41:11.*¿Xá nkexro kjuajon nkehe kꞌuáyéhe̱ Díos kixin ndá ijie ticháxi̱n chrókꞌokjan chꞌan ínaá?” 36#1Co. 8:6.*Kixin kaín nkehe la ti̱xi̱n ti itjen Díos la kaín nkehe la kjuíchꞌéna chꞌan kixin sichꞌehe ixra̱ ti jehe chꞌan. Méxra̱ tsochjéheni kjuasáya Díos nkochríxín. Mé xi̱kaha tso̱hen.

Chwazi Kounye ya:

Romanos 11: poeNTplus

Pati Souliye

Kopye

Konpare

Pataje

None

Ou vle gen souliye ou yo sere sou tout aparèy ou yo? Enskri oswa konekte

Š 2016, Wycliffe Bible Translators, Inc. All rights reserved.

Aprann plis bagay sou El Nuevo Testamento, Salmos y Proverbios

Vèsè popilè nan Bib la ki soti nan

Romanos 11

Bib:

San Juan Atzingo Popoloca

Vèsyon: El Nuevo Testamento, Salmos y Proverbios - poeNTplus

Romanos 11

Chapit Avan yo
Chapit suivan