2 KORINTNA 10
10
Pol di ki kay sun mamba
1An Pol cenegi u lalamba u jivira vi Kristu hu li ma an ay dukugiya ko di ana ɗilla an ay ɗili coco an ka dukugiɗi lay ni an ka u ɦiŋga an cenegi u lalamba u jivira vi Kristu. 2Hu li ma an mba varagi wa ni agi ɦeɓen kay li u min manda u lalambaɗi, an wi kan ana an mba wa ni an hin tuk suu golomi ko ami li ni ko hu sa warna nana. 3Aygi ka kagi cemi hu mbalatara sa warna, aygi ka duu taygi ko hu sa warna naɗi. 4Kawi ma aygi ka duu taygi, u namma ka ko ma vi suu duk ndaŋgarana naɗi, ni kawi ma saɓakŋa vi Lona ndak kay a to gulumunna ki kaŋgaa, ay to tlesuu ka u voɗosiɗina ki ni u kawi namma. 5Ami toomi tlesuu sana colosi a ŋga tamma kay wira vi Lona ki kaŋga halaŋ ami njun saara daŋga kaŋga halaŋ kay a hum u Kristu. 6Ami tami mini kay a kaɓakŋa kay suu ka hum vunɗina halaŋ, hu li ma agi tak hum vun magi ma gasina ki wa.
7Agi ŋgaagi tlena ni kay wira agi ka wasi u irigira lini sana vi kam wa ana nammi vi Kristu ni, saa kay boy namma may ami lay ni maŋ Kristu ko ndaɗta na. 8Lini an ŋga tan kay saɓak ma Bu Suuna ɦamina a wulugi kolona ni ka kay a hoŋogi kaŋgaɗi ni an ka mbuɗ zoloɗi. 9An ka a hal a mbuɗugi ndaa u magaa manda ɦawaɗi. 10Gola va ma suuna ka damma ana, «Magara vi Polla eŋ cocoo loɓ ɦay lini nam mba dukuygi u tamba wa ni nam maŋiya, boy mamma damma hahaw ŋgolo.» 11Sa ma di boy namma nana hum ki jiviya, boy ma ami ɓiirim hu magaa mamira hu li ma ami kaɗina ka ɓorowi zeɗ hu li ma ami ka dukuginaɗi.
12Ami ka ŋga tami ko suu ɦiw ŋga tasi kay tasira naɗi, asi ni suu giniŋŋa asi hal dlara ŋga tasi u tasira asi li tasi na ni ko neesira kaɗira. 13Ko ami na ni ami min a ŋga tami kay tamiɗi ni na ɗow ami ŋga ni ii li ma Lona ɦamina komina a tuɗ gak gak tewegira. 14Ami ka jak ki kay ii liiminaɗi hin lini ko ami tew kagi varagiɗira na ni, ami tew ki gak gak varagiya mbaaragi Boy ma Ayra vi Kristu. 15Ami ka jak ki kay ii hakara ŋgaayraɗi, ami ka ŋga tami kay sunda vi suu daŋŋaɗi, ami ka juɓmi u jivira kay viigira mba wul kolo na ɗow. Ni ami hin ndak a li sunda ŋgolo jivi dukugi may ni tew tew hu li ma Lona ŋgaamina komi ŋgana. 16Ni ami ndak a tuɗ fok u Boy ma Ayra hu li ma daŋŋa ha fokogiya ka a kal a ŋga tami hu li ma suu daŋŋa li sunda ki hunaɗi.
17Ko magaara dira na, «Sa ma min a ŋga tamma ŋga tam kay va ma Bu Suuna lamma.» 18Sa ma ŋga tam kay tamma ka fi jiviraɗi, ni sa ma Bu Suuna ŋgaamma.
Chwazi Kounye ya:
2 KORINTNA 10: BMS
Pati Souliye
Pataje
Kopye
Ou vle gen souliye ou yo sere sou tout aparèy ou yo? Enskri oswa konekte
Bible Moussey © Bible Society of Chad, 2002.
2 KORINTNA 10
10
Pol di ki kay sun mamba
1An Pol cenegi u lalamba u jivira vi Kristu hu li ma an ay dukugiya ko di ana ɗilla an ay ɗili coco an ka dukugiɗi lay ni an ka u ɦiŋga an cenegi u lalamba u jivira vi Kristu. 2Hu li ma an mba varagi wa ni agi ɦeɓen kay li u min manda u lalambaɗi, an wi kan ana an mba wa ni an hin tuk suu golomi ko ami li ni ko hu sa warna nana. 3Aygi ka kagi cemi hu mbalatara sa warna, aygi ka duu taygi ko hu sa warna naɗi. 4Kawi ma aygi ka duu taygi, u namma ka ko ma vi suu duk ndaŋgarana naɗi, ni kawi ma saɓakŋa vi Lona ndak kay a to gulumunna ki kaŋgaa, ay to tlesuu ka u voɗosiɗina ki ni u kawi namma. 5Ami toomi tlesuu sana colosi a ŋga tamma kay wira vi Lona ki kaŋga halaŋ ami njun saara daŋga kaŋga halaŋ kay a hum u Kristu. 6Ami tami mini kay a kaɓakŋa kay suu ka hum vunɗina halaŋ, hu li ma agi tak hum vun magi ma gasina ki wa.
7Agi ŋgaagi tlena ni kay wira agi ka wasi u irigira lini sana vi kam wa ana nammi vi Kristu ni, saa kay boy namma may ami lay ni maŋ Kristu ko ndaɗta na. 8Lini an ŋga tan kay saɓak ma Bu Suuna ɦamina a wulugi kolona ni ka kay a hoŋogi kaŋgaɗi ni an ka mbuɗ zoloɗi. 9An ka a hal a mbuɗugi ndaa u magaa manda ɦawaɗi. 10Gola va ma suuna ka damma ana, «Magara vi Polla eŋ cocoo loɓ ɦay lini nam mba dukuygi u tamba wa ni nam maŋiya, boy mamma damma hahaw ŋgolo.» 11Sa ma di boy namma nana hum ki jiviya, boy ma ami ɓiirim hu magaa mamira hu li ma ami kaɗina ka ɓorowi zeɗ hu li ma ami ka dukuginaɗi.
12Ami ka ŋga tami ko suu ɦiw ŋga tasi kay tasira naɗi, asi ni suu giniŋŋa asi hal dlara ŋga tasi u tasira asi li tasi na ni ko neesira kaɗira. 13Ko ami na ni ami min a ŋga tami kay tamiɗi ni na ɗow ami ŋga ni ii li ma Lona ɦamina komina a tuɗ gak gak tewegira. 14Ami ka jak ki kay ii liiminaɗi hin lini ko ami tew kagi varagiɗira na ni, ami tew ki gak gak varagiya mbaaragi Boy ma Ayra vi Kristu. 15Ami ka jak ki kay ii hakara ŋgaayraɗi, ami ka ŋga tami kay sunda vi suu daŋŋaɗi, ami ka juɓmi u jivira kay viigira mba wul kolo na ɗow. Ni ami hin ndak a li sunda ŋgolo jivi dukugi may ni tew tew hu li ma Lona ŋgaamina komi ŋgana. 16Ni ami ndak a tuɗ fok u Boy ma Ayra hu li ma daŋŋa ha fokogiya ka a kal a ŋga tami hu li ma suu daŋŋa li sunda ki hunaɗi.
17Ko magaara dira na, «Sa ma min a ŋga tamma ŋga tam kay va ma Bu Suuna lamma.» 18Sa ma ŋga tam kay tamma ka fi jiviraɗi, ni sa ma Bu Suuna ŋgaamma.
Chwazi Kounye ya:
:
Pati Souliye
Pataje
Kopye
Ou vle gen souliye ou yo sere sou tout aparèy ou yo? Enskri oswa konekte
Bible Moussey © Bible Society of Chad, 2002.