Vèsè popilè nan Bib la ki soti nan Madcos 14

Pataje

Aden chiashic: Papa, Papa, mimbi natiapimbo ictequid nibëdec. Adquid icquin ubi bunacpaden ubi mëyante nibëdmiac bëdambo ictsiash. Ubi bunacpadombuen nainquiocquin mimbi tantiacpadombuen nameta, Papa, quepanëdash Esus.

Ushenquio icquin Nuquin Papa chuita. Nuquin Papan Chiaid niacmequid Mayan Icsa Satanasën icsambuen namequin tannu, cac: Chieshtoenquio iquebi, quebuedi min dada uidëmpentsëcquio icsho badedquio mibi chieshtomendac, quepanëdash Esus.

Abimbo chiembique. Tantia. Nidaid utsi utsiec yacno Nuquin Papan Chiaid Bëda chuibenniacnoshombi nëid chidon ubi machiuinquin nabued tantiaquin chuibanendac. Adoac aidën naid tantiendac, quepanëdash Esus abëd icquido chiec.

Adshumbic: Ubi uënësquio icaidëmbi uënëstiadquio iquec. Udictsëc nidebique. Nëmbo tabadec ushenquio icta, quepanëdash Esus ambi 3ted buanaid chiec.

Aden pequimbi Esusën pan sananquin: Mimbi uaid nëid pete bëdambo iquec, Papa, quequin Nuquin Papa chuitanquin cuëshcuëshshun menequin abëd icquido naden chuipanëdash: Ubi uënës uate tantiaquin nëid cun dadabimbuecquid neque. Pe, cac pebededpanëdash.

Adshumbic Esusën uba chinaid cushtoaid dëshote sananquin: Mimbi uaid nëid actequid bëdambo iquec, Papa, quequin Nuquin Papa chuitanquin: Nëid mibitedishun acbeded, quequin meniac aniactse aniactsen acbededpanëdash. Aid actequid acshobien: Nëid cun intacbimbuecquid nec. Aid acquin: Ubi cuidmenquio icnuen Nuquin Papan abided cuidmiac aton intac siquebudpambuec uënëspanëdash. Adec uënësaid tantiaquid icsho Nuquin Papan ubi cuidenquio iquec, quequin nëid acquin ubi tantiata.

Ambo nidanniash tabadquin Esusën naden chuipanëdash: Nëid inchëshëmbi Nuquin Papan chiampicpadec ubi tantienquio icquin nianec mibitedi niquendac. Nuquin Papan Chiampid nad iquec: Icbo uënës uasho istanec ambi iuaid obeca niquendac, quequin chuipampic, quequin chuipanëdash.

Baded nidnu. Isucun. Ubi chieshënquin bedmequid choeque. Is, quepanëdash Esus.

Adshobien Esusën. Tantia. Mibi chuinu. Nëid inchëshëmbi cachina daëdec cuëdabicnuc: Umbi isacmaidquio aidi nec, quequin mimbi 3teden chiendac, capanëdash.