Vèsè popilè nan Bib la ki soti nan Roma 9

Pataje

Sababu gena-ge, Ma Jou'ongu Madutu 'ai putusanga gena-ge 'i mete'e ua manusia manga mau bolo manusia manga ga'a, mada'a mete'e pa'i Unanga masiretene 'ai 'akala re sinyingara ma la-la ḇato.

Sababu Ma Jou'ongu Madutu ro kanau ra Musa, “Ngoi ḏuanga i'a to sijumu 'Ari 'akala re sinyingara ma la-la ra guna ḇato ga'a Ngoi to mau tu sijumu 'Ari 'akala re sinyingara ma la-la, re Ngoi ḏuanga i'a to sijumu 'Ari dadalara ra guna ḇato ga'a Ngoi to mau tu sijumu dadalara gena-ge.”

Siḏibo ḏi'i, ngana nena-ne 'a guna ga'a nau'u masala di'a no sangoro Ma Jou'ongu Madutu so'o ne?! Nyengara bunga ma ngi'i 'i kanau ra matengo i'a ga'a 'a tuhu enanga, “I'a sa'olo ngana reni tuhu ngoi so'o nena?!”

Sababu gena-ge, Ma Jou'ongu Madutu 'o sijumu 'akala re sinyingara ma la-la ra guna ḇato re Unanga 'o si'a'a 'a guna ḇato 'ai 'akala re sinyingara lai te'e. Unanga 'o 'a'a so'o gena, pa'i mete'e 'Ai mau ḇato.

Momongolo ua, matengo i'a ga'a 'o tuhu bunga ma ngi'i reo tana'a gena-ge, unanga 'o haku di'a si'a'a 'oru ḇato mete'e 'ai nyafusu masiretene! Toma tana'a bo'u moi, unanga 'a tuhu bunga ma ngi'i ma rupa fara ḏiḏi: Fara moi 'a'a sirousu madutu, re fara moi ḏi'i 'a'a sirousu madutu ua.