Vèsè popilè nan Bib la ki soti nan نامَه اوّل تِسالونیکِنیا 5

مَ وَخت خارام بی، تیپَستا دعا بِکنی، تِی هر وضعی شکرگزار بی، اَسِی که خواستَهِ خدا تِی مسیحْ عیسی اَسِی شما اِئِه.

اَلَه بِهِر خدای صلح و سلامتی، خوش اُ شما کاملاً مکدّس بِکو، و تَموم روحتو و جونتو و بَدنتو، تِی رازِ آگِشتَئِه خداوندمو عیسی مسیح، بی عیب وامانِه. خدایی که اُ شما دعوت اَکو وفادارِه، آنا حتما اِ کَرا اَکو.

حَواستو بِه، کسی جواب بَدیا وَ بَدی نِدَ، بلکه همیشَه اَزدُم اِ بی که اُ یَکُدو و اُ هَمَهِ مردم خوبی بِکنی.

پَ اُ یَکُدو دلگرم و بَنا بِکنی، هَموناکِه آلَه هم کِردای.

اَی کاکَیّا، اَما از شما خواهش اَکنِم، که اُ آدامِی تَلانت نصیحت بِکنی؛ اُ آدامِی بَزَهرَه دلگرم آکنی؛ اُ آدامِی ضعیف کمک بِکنی؛ و خاد هَمَشو صبور بی.

اَسِی که خدا اُ اَما اَسِی خشم تعیین اُشنِکِردِ، بلکه اَسِی گِرِتَئِه نجات، اُ واسطَهِ خداوندمو عیسی مسیح تعیین اُشکِردِ.

اَسِی که شما هَمَه اولادِی نوری، اولادِی رازی. اَما مال شُو یا تاریکی نِهِم.