Vèsè popilè nan Bib la ki soti nan Galaatënyüü 6

Pataje

'Ii känyrɩ, anyɩ fio 'cɩcagbia nʋnʋkʋ ‑a ‑gʋ. Ama 'nyɩ 'ia ‑gʋ ‑a fio nɩ, 'ia 'taɩn ma jrä ‑srɩɩ 'lɩ anya 'iin jia.

'Ii känyrɩ, 'sɩrɩ a ‑ka käa' 'taɩn nɩ, a nʋ nyüüa 'fɩɔ 'cɩcagbi ‑gba, ‑maa ü a nyra 'üün toroa' Nyɔsʋa plɛ, 'üü ‑kätɩ.

'Ba jöjrögba: 'ama nʋ 'saa nɩ, 'Kriisëa ‑dɔ 'a ‑träärälɩ.

'Anyɩ ‑trɔɔrɔ 'ana nyüfë: nyɔɔ 'nyɩ srörö Nyɔsʋa ‑a. Dɛɛ nyɔɔ plaa' nɩ, 'ɛɛ 'ɔ jö.

'Be nyɔɔlɔ plaa' diili käa' 'ɔa bʋbɔplɛ 'tʋ nɩ, jäjäkʋ 'ɔ nëmä ji. ‑Maa ‑mɔlɔ plaa' diili käa' ‑Susu 'tʋ nɩ, 'klälä 'nyɩa' blöröfa kä 'ää ‑Susu 'mä 'ɔɔn ‑nyɩ 'ɔmä ji.

'Na ‑wlajü 'amɩ, nyɔɔ ma nʋ ‑balʋ, ‑bɛ 'ama 'kplara 'ɔɔn ‑gälɩ nɩ, 'amɔ ‑trääräa' 'lɩ ‑Susu nɩ, 'ba 'pa 'ɔmɩ ‑tɔɔ 'lɩ plɛblösa. ‑Na 'mʋgbɛ ‑tre ‑na nyufa, ‑nyɩ ‑pɩ bɩa ‑balʋ 'lɩ blö.

‑Moloo ma bobo 'kä 'ɔ ‑siwʋ, ‑bɛ 'ɔnyɩ dɛɛ ‑a bä nɩ, 'ɔa nyufa 'ɔ ‑trɔɔrɔ. ‑Moloo ma bälɩ ɔ 'jäjrä 'ɔa 'mʋgbɛa ‑gbi, ima kä 'ɔɔn dɔrʋ 'wʋ nɩ, ɔ ‑gbalɩ 'ɔa 'dooa ‑gʋ. ‑Maa 'ɔnyɩ 'papla 'ɔa nyufa ‑mölöö 'klɩ. 'Be ‑mɔ ‑bɛ 'ɔa ‑gblɛ.