Vèsè popilè nan Bib la ki soti nan 1 कुरिनथियनमन 12

Pataje

परमेश्‍वर हरेक आदमी के आत्मा हाजिर अहे, इकर कोनों नी कोनों सबूत देवेला, ताकि सोउब बिसवासीमन केर मदइत करल जाओक।

एहे नियर तोहरेमन सोउब मिल के मसीह केर काया हेका, आउर तोहर में से हरेक उकर काया केर अंग केर रूप में उकर हेका।

आउर अगर हमर काया केर एगो अंग बेमार अहे, तब सोउब काया के बथेला, अगर हमर काया केर एगो अंग केर बड़ाई होवेला, तब गोटा काया खुश होवेला।

परमेश्‍वर केर आत्मा एक आदमी के बुद्धि से भरल संदेश के बोलेक केर बरदान देवेला, आउर ओहे आत्मा दोसर आदमी के गेयान से भरल संदेश के बोलेक केर बरदान देवेला। आउर ओहे आत्मा एक आदमी के मसीह में ढेइर बगरा बिसवास करेक केर बरदान देवेला, आउर दोसर आदमी के चंगा करेक केर बरदान हों देवेला। ओहे आत्मा एक आदमी के चमत्कार काम करेक केर बरदान देवेला, तो दोसर आदमी के ओहे आत्मा परमेश्‍वर केर संदेश के असरदार तरीका से बोलेक केर बरदान देवेला, आउर दोसर आदमी के आत्मामन के परखेक केर बरदान देवेला। एक आदमी के ओहे आत्मा दोसर-दोसर भाषा में गोठियाएक केर बरदान देवेला जे भाषा के पढ़ल नी जायला, आउर दोसर आदमी के ओहे आत्मा इ भाषामन केर मतलब बताएक केर बरदान देवेला।

मगर इ सिरिफ परमेश्‍वर केर आत्मा हेके, जे इ सोउब बरदानमन केर सोता हेके, आउर ओहे हरेक झन के जइसन चाहेला तइसन बाँइट देवेला।

ताकि काया में अनबन ना होवोक, मगर काया केर सोउब अंगमन एक दोसर अंग केर बराबइर धेयान रखोक।

परमेश्‍वर हमरे के उकर काम करेक लगिन अलग-अलग रकम केर बरदानमन के देवेला, मगर उ सोउब बरदानमन के एक हें आत्मा, मतलब पवितर आत्मा देवेला। परमेश्‍वर हमरे के काम करेक लगिन अलग-अलग रकम केर सेवा देवेला, मगर हमरे एक हें प्रभु केर सेवा करिला। हमरे केर जिंदगी में परमेश्‍वर अलग-अलग तरीका से काम करेला, मगर इ ओहे परमेश्‍वर हेके जे हमरे केर जरिया से काम करेला।

आउर परमेश्‍वर इ कलीसिया में हमरे के करेक लगिन अलग-अलग काम देई हे, पहिला खास चेलामन, दूसरा परमेश्‍वर केर संदेश के बताएक वालामन, तीसरा उपदेस देवेक वालामन, फिन चमत्कार केर काम करेक वालामन, फिन चंगा करेक वालामन, आउर भलाई करेक वालामन, आउर अगुवाई करेक वालामन, आउर पवितर आत्मा से दोसर-दोसर भाषा बोलेक वालामन।

इ लगिन कि हमरे केर कायामन में एके गो अंग नखे, मगर ढेइर अहे।

मगर काया केर उ अंगमन जे दोसर अंगमन से कमजोर दिसेला, ढेइर हें जरुरी अहे।

अगर गोटा काया आँइख हें रहतक तो सुनेक कहाँ होतक? आउर अगर गोटा काया कान रहतक, तो सूँघेक कहाँ होतक? मगर सचमुच परमेश्‍वर काया केर अंगमन के अपन इच्छा केर मोताबिक सही ठाँवमन में राइख हे। अगर सिरिफ एके गो अंग होतक, तो काया कैसे कहातक?