Vèsè popilè nan Bib la ki soti nan 1 कुरिनथियनमन 11

Pataje

एहे नियर जब उमन खाय चुकलैं, तब यीशु अंगूर केर रस भरल एगो कटोरा लेलक, आउर कहलक, “इ कटोरा मोर लोहू में नवाँ करार हेके, जब कभी तोहरे इके पीबा तो मोर याइदगारी में इके करते रहबा।” काले कि तोहरेमन जब कभी इ रोटी के खावाला, आउर इ कटोरा में से अंगूर केर रस के पियाला, तो प्रभु केर माउत के जब तक उ नी आवी परचार कराला।

जे शिक्षा मोंय तोहरे के देलों, इ ओहे शिक्षा हेके जेके मोंय प्रभु से पाय रहों, जे राइत प्रभु यीशु धरुवाल गेलक, उ रोटी लेलक, आउर धन्यबाद देई के उके टुकरालक आउर कहलक, इ रोटी मोर काया हेके, जे तोहरे केर छुटकारा लगिन बलि करल जाई, जब तोहरे जमा होबा तो मोर माउत केर याइदगारी में इके करते रहबा।

इ लगिन आदमी खुद के अपन बिचार ठीक अहे कि निहीं सेके जाँइच लेवोक, आउर एहे नियर इ रोटी में से खाओक, आउर इ कटोरा में से अंगूर केर रस के पियोक। अगर केऊ प्रभु केर काया केर संगे अपन संबंध के बेगर बुझले, इ रोटी में से खायला आउर कटोरा में से पियेला, तो इ खाएक आउर पियेक से अपन उपरे दंड के लानेला।

इ लगिन जे केऊ अनुचित रीति से प्रभु केर रोटी के खाई चाहे उकर कटोरा में से अंगूर केर रस के पियी, उ प्रभु केर काया आउर लोहू केर बिरोध में पापी ठहरी।

जइसन मोंय मसीह केर नियर चाल चलोना, तइसनेहें तोहरेमन हों मोर नियर चाल चला।