Vèsè popilè nan Bib la ki soti nan Wóɖómà 16

Pataje

Ké Gèɖèpɔ́ɔ̀ mɔ̀ nyɔ tòà gìɖìǐɛɛ mu Sétɔ̃̀ ɓě ɓo xwíɖíi dyi wàìn ɓó kàǔn. À Bounɓo Jízɛ̀ɛ̀ manaɔ̀ mɛ nì ɓě kɔ̃.

Ḿ ɖíí ɓě, ḿ ɓaà ɓě ní, ɓě mɛ dè nyɔ ɓě ɓɛ́ wa dyàà mú-ge-ge kè ɖɛ kàmàǔn-kàmàǔn wɛ̃ɛ dyéɖé gbo, sepóɛɖé ɖɛ ɓě nìà kɛ se ɖɛ ɓě ɖǎ ma cɛ̃́ɛ mú nì. Ɓě mɛ peɖe nyɔ nì kà ɓěa dyi

sepóɛɖé nyɔ nì kà ɓěa se à Bounɓo mɔ̀à Kɛ́ɖɛ́ì kɛɛ bìì kũ̀à nyuɛń nì. Kɛɛ waà mɔ́ɔ́-ɖɛ̀ ɓěɔ̀ kɔ̃̀ wa wuɖuí. Wa cá nyɔ ɓě ɓɛ́ wa se zùɖùɛ̌n kàmàa ɖé wuɖu ɓɛ̀ɖɛ̀ɛ̀-ɓɛ̀ɖɛ̀ɛ̀ ɔ kè nyɔ-dya-dè-wùɖù múɛ.

Gèɖèpɔ́ɔ̀ mɛ ɓéɖé ɓàìn-ɓàìn. Ɔ mɔ̀ nyɔ ɓéɖé kpé ɓɛ́ ɔ ké ɓě dyi kùìn dyììn ɖé bɔ̃̌ nɔ̀mɔ̀ dyíin ɓɛ́ ḿ cɛ̃à kɛ ɔ kè Jízɛ̀ Kɛ́ɖɛ́ì jè zio-po-poɔ̀ mú. Nyɔ se ma ɖɛa kɛ dyí dyuò kĩ́ín, sepóɛɖé Gèɖèpɔ́ɔ̀ vǐèɛ̀ ma ɓó ti tɔ̀mɔ̀ǔn-tɔ̀mɔ̀ǔn xwíníín, kɛɛ ɔ ɖǎa à dyí tɛ̀mɛ̀ìn. Ɔ ɖǎ píé wóɖó kàǔn. Kpáá-ɖɛ̀-cɛ̃-nyɔ̀ ɓěɔ̀ céè-ɖɛ̀ ɓěɔ̀ ɖǎa nyu ké ɓóɖó-dù séínɛ̀ nyɔ ɓěɔ̀ ɖǎa dyí dyuò. Sè-ná-sèɛ̀ Gèɖèpɔ́ɔ̀ ɖá wa mɛ nyuɛ ma náa, ɓɛ́ nyɔ séín ké Kɛ́ɖɛ́ì hwìɖǐǐ taɓa, ɓɛ́ wa ké ɔ wuɖu nyu. Gèɖèpɔ́ɔ̀ mɔ̀ nyɔ ɖòùn fɔ̀nɔ̀à hwòɖǒɛɛ, ɔ mɛ ɓéɖé ɓàìn-ɓàìn ɓó sè-ná-sèɛ̀ tiín, dyììn ɖé Jízɛ̀ Kɛ́ɖɛ́ì mú. Kǎà ɔ mɛ nì.