Vèsè popilè nan Bib la ki soti nan Gàɖézìà 4

Pataje

Gèɖèpɔ́ɔ̀ ɖoɓo ma ɔ Dyú-gààɔ̀ Zùùɔ̀ ɖé à hwòɖǒ-dyùà mú, ɓɛ́ ɔ kéɛ nyɔǔn dyí tɛ̀mɛ̀ìn kà ɓɛ́ à mɔ̀ ɔ dyú ɓěɛ. Ɔ mɔ̀ Zùù ɓɛ́ ɔ ɖáà “Ḿ ɓǎ” kɛ. Nìí, à se gǐì ɖe, kɛɛ à mɔ̀ǎ Gèɖèpɔ́ɔ̀ dyú. Ké kà à mɔ̀ǎ kà ɔ dyúɛɛ, ɔ muá ɖɛ séín ɓě ɓɛ́ ɔ ɓéɖé ɓó ɔ dyú ɓěɔ̀ bììɛɛ à nyíìn.

Kɛɛ ti ɓɛ́ ti jɛ́ɛ́ɔ̀ nyini ma kɛɛ, Gèɖèpɔ́ɔ̀ tò ma ɔ Dyú-gààɔ̀. Màa ɖò wóɖóìn ma ɔ, ké ɔ nì ma gmaɔ̀ xwíɖíi, ɓɛ́ ɔ ké nyɔ ɓě nì ma gmaɔ̀ xwíɖíiɛɛ gbǎà, ɓɛ́ à ké Gèɖèpɔ́ɔ̀ dyú ɓě jǔ.

Kɛɛ kàǔn, kà ɓɛ́ ɓě ɖǎà Gèɖèpɔ́ɔ̀ dyí dyuò wɛɛ, ḿ mɛ ɖá, kà Gèɖèpɔ́ɔ̀ ɖǎà ɓě mɔ̀ùn dyí dyuò wɛɛ, xwɛ̌ ɓě ɓɛ́ìn ɖɛ ɓě ɓɛ́ wa mɔ̀ kpéí-hwɛ̀-ɖɛ̀ nì wìì, ké wa kɔ̃̀ ma ɓě wuɖuíɛɛ gbo gmɔ̀ìn ɖeɛ́? Ɖɛ́ kɔ̃̀ jè ɓě mɔ́ ɓɛ́ ɓě kéà wa gǐì jǔ ɖeɛ́?