Vèsè popilè nan Bib la ki soti nan Gàɖézìà 2

Pataje

Ḿ kè Kɛ́ɖɛ́ì kpá ma kɔ́ɖɔ́sìɔ̀ kɔ̃, ké à mɛ́ ma. Ké cĩ́-cĩ́ ɓɛ́ ḿ nyuà kɛɛ, ɔ se mɔ̄ ɖe. Kɛ́ɖɛ́ì mɔ̀ nyɔ cĩ́à ɖé ḿ múɛ̀. Cĩ́ ɓɛ́ ḿ cĩ́à kàǔn wɛ̃ɛ, ḿ cĩ́ ɖé Gèɖèpɔ́ɔ̀ Dyú-gààɔ̀ hwìɖǐǐ-taɓa-taɓa mú. Ɔ ɖɛ̀ɓɛ̀ ma ḿ mú, ké ɔ tò ma ɔ mìɔùn ɓó ní jè.

Ḿ seɛ nyuɛ́ mu ɓɛ́ Gèɖèpɔ́ɔ̀ kpeɖeɛ̀-dyíin-nɔ̀mɔ̀-nɔ̀mɔ̀ɔ̀ ké ɖɛ fóɖóún jǔ. Ɔ jǔ ké nyɔ ɖò dyi dyí sɛ́ɖɛ́ìn ɖé Gèɖèpɔ́ɔ̀ dyéɖéín, dyììn ɖé gmaɔ̀ múín, nìí, ɔ xwíníín mɔ̀ Kɛ́ɖɛ́ì mɛ́ ma pídyi.

Júù-nyɔ̀ mɔ̀ nyɔ wóɖóìn ma à. À se ɓóɖó-dù kà kò ɖò ɓěɛ̀ nyɔ ɓě mɔ̀à nàmàǔn-nyɔ̀ kɛ. Kɛɛ ɔ jèɛɛ, à dyuòɛ̀ dyí kà ɓɛ́ ɖɛ nyuɛ ké nyɔǔn sɛ́ɖɛ́ìn dyí ɖé Gèɖèpɔ́ɔ̀ dyéɖéín nyɛɛ, ɔ mɔ̀ Jízɛ̀ Kɛ́ɖɛ́ì hwìɖǐǐ-taɓa-taɓa ɖòùn. Gmaɔ̀ dyi-kpɔ̃-kpɔ̃ɔ̀ seɛ nyuɛ ɓɛ́ìn. À mɔ̀ùn ɖǎ ma Kɛ́ɖɛ́ì Jízɛ̀ hwìɖǐǐ taɓa, ɓɛ́ à ké dyí sɛ́ɖɛ́ìn ɖé Gèɖèpɔ́ɔ̀ dyéɖéín, dyììn ɖé à Kɛ́ɖɛ́ì hwìɖǐǐ-taɓa-taɓa mú, ké ɔ se ɖé gmaɔ̀ dyi-kpɔ̃-kpɔ̃ɔ̀ mú. Sepóɛɖé gmaɔ̀ dyi-kpɔ̃-kpɔ̃ɔ̀ seɛ nyuɛ́ mu, ɓɛ́ nyɔ ɖò ké dyí sɛ́ɖɛ́ìn ɖé Gèɖèpɔ́ɔ̀ dyéɖéín.