Vèsè popilè nan Bib la ki soti nan OMOCHANKO 26

Pataje

Obe buna omomenyi ase ense eye, na inche nimbe amo naye, ningosesenie; naki ninkoe aye na ororeria rwao chinse echi chionsi, na ning’ikeranie eira yane eyio natianete ase Ibrahimu iso.

Nimente ororeria rwao robe oronge buna ching’enang’eni chia igoro; ne chinse echi chionsi ninchiee ororeria rwao; na ase ororeria rwao ebisaku bionsi bi’ense inabisesenigwe, ekiagera Ibrahimu naigwerete amang’ana aane, akabwata aya nachigete, na amachiko aane, na aya narigete, amo nogotebereria kwane.”

Akaimoka korwa agwo, akagenda akarema akanyora entuboka ende; eyio ero tibayiomanera. Ase ayio akayeroka Reoboti, akabora, “Naki bono Omonene otoeire ense engare, na toragenderere komenteka ase ense eye.”

Na Omonene akaorokera Isaka, akamotebia, “Totirimboka gochia Misiri, korende omenye ase ense eye ndagotebie.

Na Isaka akaagacha egesasimero aroro, akarangeria erieta ri’Omonene, agatenenia chiema chiaye aroro. Na agwo abasomba baye bakarema, bakanyora entuboka.