Vèsè popilè nan Bib la ki soti nan 2 Pedro 3

Pataje

Ang Ginoo dili maglangan pagtuman sa iyang gisaad sumala sa gihunahuna sa uban. Apan siya nagpailob kaninyo kay dili siya buot nga may usa nga malaglag kondili nga ang tanan maghinulsol ug mobiya sa ilang mga sala.

Apan, mga hinigugma, ayaw ninyo hikalimti nga sa Ginoo ang usa ka adlaw sama sa 1,000 ka tuig ug ang 1,000 ka tuig sama lamang sa usa ka adlaw.

Padayon hinuon kamo sa pagtubo diha sa grasya ug kahibalo sa atong Ginoo ug Manluluwas nga si Jesu-Cristo kay iya man ang tanang dungog hangtod sa kahangtoran! Amen.

Apan ang Adlaw sa Ginoo moabot sama sa usa ka kawatan. Nianang Adlawa ang kalangitan mahanaw uban sa kusog nga dinahunog ug ang mga butang mosilaob ug maugdaw ug ang yuta mahanaw uban sa tanan nga anaa niini.

Ug sanglit kining tanan laglagon man niining paagiha, unsa may angay ninyong buhaton? Kinahanglan nga magkinabuhi kamo nga balaan ug ihalad ang inyong kinabuhi ngadto sa Dios samtang maghulat kamo sa Adlaw sa Dios nga ang mga langit mosilaob ug maugdaw ug ang mga butang mangatunaw tungod sa kainit.