Vèsè popilè nan Bib la ki soti nan Yiburu 13

Pataje

Ni kan basi ate ni nyeboka ale ni popola meena a kasim bo ligra yaalika po, alege, ku a fɛ kama ayen ni basi ate ni sue peenti ale ni ale ta ŋan baai la. Wen weeni ayen, <<Mi kan basi ni diipo diipo, M be kan zɛri ni diipo diipo.>> (Teerika 31:8)

Yeezu Kirisita ka dila a ta nyini diem ale jinla ale daaŋa meena wuu. Wa kan maari a tagri diipo diipo.

Dila nyiŋla, ni be basi ate ti nyini peelim a weeni ale suipeentik ayen, <<Naawen ka mi maarɔ, dila nyiŋ m kan chali yɔgsummoa. Be ka wana le baga mu wari a nye?>> (Yiila 118:6)

Ni kan baŋ ate ni a tom wamaŋsa a te nuruba abe ni pai ŋan baai ate ni ta la a chari chaab, dii nyiŋla, wieŋa de a nye ase ka kaabka la a te Wen ate wa sui a peenti.

Dila nyiŋla, ni basi ate ti kasim pai pimpauk ase tama mɛ kaabka la a ta va Yeezu jigi a te Wen. Pimpaukku de, ti pai ka ti noa a weeni ate ku a nyini peelim ayen wa ka ti Nyɔnɔ Yeezu Kirisita.

Waai meena a magsi wa a zuli faarika ale yalika. Ba kan taŋ ba gaduokku. Chorɔba ale pooba a magsi ba ta wensie ale chaab. Wen ale bo baai ale kan yali yaase ba faari ale bobi chaab a goa yaase kaboŋ nyeerisa buusa.

Ni a teeri ate ni siak a tuesi nicham ni yeeŋa. Nuruba gela jam nye dila kama a yaa maa tuesi Wen maarɔba alege zɛ ayen ba ka Wen maarɔba.

Yɔgyɔgla de suiyɔgni Wenni waai ale nak piisaŋa Naapeerik Kpioŋku a yiti kum po nɔiyeŋ kaai ale kaa kpeglim la ziimu nyiŋ la, wala ka ti Nyɔnɔwa Yeezu, m be a puusi a te wa kama ayen wa le va Yeezu Kirisita nyiŋ a te ni jamaŋ meena ate ni a yaali ale ninmuna la ate ni baga a tom wa ale a yaali diila. Mi a puusi kama ayen wa nye ate ti meena chim nuru baai chaab ale a nye ate wa sui a peenti la. Dii nyiŋla, nya kude a basi kama ate Yeezu Kirisita a nya zula taam wuu. Ku be nye dila.