Vèsè popilè nan Bib la ki soti nan ROMMA 8

Pataje

Aygi wi ana Lona li jivira halaŋŋi maŋ suu minimma, suu nam yasi ki u ŋgaɓ mambana.

An wi ki gasi gasi ana va ma ɓorowoygi duk ɦoŋoy ki u min mamba kaɗi, miɗnaɗi lay, ka iiriraɗi lay, ka suu sunda huulonaɗi lay, ŋgolla daŋga u saɓak ma kolo huulonaɗi lay, ka dlara cecembaɗi lay, kara fokkaɗi lay. Saɓak ma kolo huulonaɗi lay, saɓak ma kaŋga kay ndaŋgaranaɗi lay, ni ka va ma daŋ ma lam liiɗi lay, va ma ndak a ɓorowoygi dukuygi u minda vi Lona ta nam takaygira u Bu Suuna Yesu Kristura kaɗi.

Aygi suu maŋina Musuk Lonara lay ni mba njun uygiya, aygi ka wi cen Lona u gasiraɗi, na may Musukka kay taɗta ka cen Lona kaygi u zamba sa ndak di u funumbi.

Ni aygi hin daygi ana mege? Lini Lona ni maygina ni sa hin halaygi a honira ni gege?

Cecemi kaɓakŋa ka kay suu tin hurusi kay Yesu Kristuna oloɗi.

Kay a hum u va ma mbalatara damma ni tuɗuŋŋi hu miɗna, na may hum u va ma Musuk Lonara damma ni tuɗuŋŋi hu iirira u heɓpa.

Hu tle asina halaŋŋi aygi su ki kasi u sa ma miniygina.

An saa ana lassa ay ka laɗ koyni wanda ka ndak ŋga u ŋgolla Lona hin takayra fokkaɗi.

Sa ma ndak ɓorowoygi ki u minda vi Kristura ni gege? Ni wihawra ɗowba laara su, lassa ɗowba, mayra ɗowba, hawra ɗowba, dlara sana fi maɗna funda ɗowba, miɗna tamba su?

Lona ma wi huu suuna wi va ma Musukka joɓomma. Musuk Lonara cen ni kay suu vi Lon suu nam manasina, ko Lona minda na.

Suu hin tasi Musuk Lonara takasina asi halaŋŋi goryoŋ Lonna.

Suu poy u saa mbalatara hummi u va ma mbalatara damma, suu poy u Musuk Lonara hummi u va ma Musukka damma may.

Nam doo ka kay a ɦal goromma kiraɗi, nam ɦam ki ni kaygi halaŋ, nam hin hin bay ɦaygi tlesuu daŋŋa halaŋ u goromma ni nanage?

Musuk Lonara tak maŋ ŋgus maygira ana aygi ni goryoŋ Lonna. Aygi ni goryomu, aygi hin faygi jona vi Lona ma nam ɦam maŋ suu mamsinana, aygi hin faygi ii ɓorow maygina ko taygi u Kristu, lini aygi taɓ hu wihawra u namu ni aygi hin kak u nam hu ŋgol mamba lay.

Suu hum u mbalatara ni suu gonokka u Lona, asi ka a hoŋ yasi kaŋga u gaɗta vi Lonaraɗi ka ndak kaɗɗi lay.

Tlesuu Lona lasina halaŋ tasi lasi na jik jik a wi buu ma Lona hin tok goryom ki huna.

Cecemi tlesuu Lona lasina halaŋ las ko cara wiina las a vuɗa na.