Vèsè popilè nan Bib la ki soti nan Josue 10

Pataje

Gani nagpundo ang adlaw kag ang bulan hasta nga napierdi sang mga Israelinhon ang ila mga kaaway. Ini nga hitabo nasulat sa Libro ni Jashar. Nagpundo ang adlaw sa tunga sang langit, kag wala ini nagsalop sa bilog nga adlaw.

Sa adlaw nga ginpadaog sang GINOO ang mga Israelinhon sa mga Amornon, nagpangamuyo si Josue sa GINOO. Dayon, samtang nagapamati ang mga Israelinhon, nagsiling siya, “Adlaw, magpundo sa ibabaw sang Gibeon! Bulan, magpundo sa ibabaw sang Kapatagan sang Ayalon.”

Wala pa gid matabo halin sang una kag halin sadto nga nagsabat ang GINOO sang pangamuyo sang tawo nga pareho sina. Matuod gid nga nagapakig-away ang GINOO para sa Israel.

Nagsiling ang GINOO kay Josue, “Indi ka magkahadlok sa ila. Ginatugyan ko sila sa imo mga kamot. Wala sing bisan isa sa ila nga makadaog sa imo.”

Nagsiling si Josue sa ila, “Indi kamo magkahadlok ukon magkaluya. Magpakabakod kamo kag magpakaisog. Amo ini ang himuon sang GINOO sa tanan ninyo nga mga kaaway.”