San Jwan 20से लोकप्रिय बाइबिल छंद

शेयर

Chaymandaqam Jisusqa noqaykunata kayshina niriwarqan: —Dyus qamkunata yanapashunqa. Chaqa payqam kay pachaman kach'amuwashqanshina, noqapis kach'aykillapa, shumaq nutisyayta qamkunapis yach'achikunayki. Chayshina niwashpallapaqam, Jisusqa yumbay noqaykunata pukawashpa, niwarqanllapa: —Dyuspa Santu Ispiritunda ch'askiyllapa.

Chaymi Jisusqa Tumasta nirqan: —Qamqam rikawashparaq kriyingi. Piru chay mana rikawashpa kriyiqkunataqam Dyusqa masta rin yanapaq, kushikunanllapa, nishpa.

Chaymandaqam Tumasta nirqan: —Tumas, diduykita kay makiy klabu ush'kushqanman ruray. Kay ush'kushqa kustillaymambis makikita ruray kriyinayki: Alliptam kawsamushqana, nishpa. Ama mana kriyiq runaqa kaychu. Ashwan noqapi allipta kriyiy, nishpa. Chayshina Jisus niptinmi, Tumasqa paytaqa nirqan: —¡Qamir Kamachikuqniy, Dyusniy kangi! nishpa.