XÓ NI̱GI̱ꞋDU̱U̱N-MUU 32से लोकप्रिय बाइबिल छंद

शेयर

A̱ꞌkhue̱n rí xa̱biya̱ niꞌthúu̱n: ―Ná-xáꞌne mbiꞌyaaꞌ Jakób rá, rí Israél gáꞌne mbiꞌyaaꞌ. Numuu rí niraxná-míjná ga̱jma̱a̱ꞌ Ana̱ꞌlóꞌ, xúꞌkhue̱n máꞌ gajmiáaꞌ xa̱bo̱ numbaa, jamí ni̱ꞌnga̱a̱ꞌ.

A̱ꞌkhue̱n xa̱biya̱ niꞌthán: ―Atatsíñúꞌ, numuu rí nangiyuu máꞌ ma̱mbiꞌi-ti̱ga̱. Xómáꞌ Jakób niriꞌña̱a̱: ―Ma̱xáni̱ꞌñáaꞌ xí tsíthane̱ tsakun-rámúú.

Xkuaꞌnii niwanúu i̱mba̱wíi Jakób. A̱ꞌkhue̱n nixná-míjná ga̱jmáa̱ mbáa xa̱biya̱ asndo inu máꞌ ma̱mbiꞌi-ti̱ga̱ wáa.

Xómáꞌ Jakób nixnúu mbiꞌyuu mbaa rúꞌkhue̱n Peniél, numuu rí niꞌthée̱n: «Ndi̱yo̱o̱ gakon inuu Ana̱ꞌlóꞌ, jamí nijríñu̱ú rí tájáñu̱ꞌ máꞌ».

Ído̱ ndiꞌyoo xa̱biya̱ rí tséꞌngo̱o̱ ma̱ꞌne ga̱jma̱á Jakób, nixnúu̱ ná rí kajua̱a̱ itso̱ xuéjiuu̱n. A̱ꞌkhue̱n rí ni̱we̱ngoo nítú sndi̱yu̱u̱ꞌ Jakób, awúun rí naxná-míjná ga̱jmáa̱.

Xómáꞌ xa̱biya̱ niraxe̱: ―Xáne mbiꞌyaaꞌ rá. A̱ꞌkhue̱n rí ikhaa̱ niriꞌña̱a̱: ―Jakób mbiꞌyu̱ꞌ.

A̱ꞌkhue̱n Jakób niraxu̱u̱: ―Arathúnꞌ xúge̱ꞌ xáne mbiꞌyaaꞌ ikháán rá. Xómáꞌ xa̱biya̱ niriꞌña̱a̱: ―Déjngó-lá natraxu̱ꞌ xáne mbiꞌyu̱ꞌ jún rá. A̱ꞌkhue̱n rí neꞌne tsakun-rámaa̱ ikhín.

Ra̱jáꞌyo̱ꞌ ni xí lájuíin inuu mbá xúgíí rí nañáwíin a̱kia̱a̱nꞌ xtayo̱ꞌ, xúꞌkhue̱n máꞌ mbá xúgíí rí gakon rí nambánuu ajngáaꞌ inuu yumbiáaꞌ tsíge̱ꞌ. Numuu rí i̱ndo̱ó ixe̱ gída̱ꞌ ñawúnꞌ ído̱ rí ni̱ki̱dúún mañuu Jordán, jamí rí xúge̱ꞌ rá, na̱tha̱n-ñájúún a̱jma̱ kuthúún xa̱bo̱.

Ikhaa jngó asndo máꞌ mbiꞌi xúge̱ꞌ, tséꞌpho̱ xa̱bo̱ Israél nítú rí ríga̱ ná kajua̱a̱ itso̱ xuéjiúún xu̱kú, numuu rí ikhín waꞌxnáá Jakób ná nítú rúꞌkhue̱n.

A̱ꞌkhue̱n niꞌthán Jakób: «Anu̱u̱ xi̱ꞌñúꞌ Abraám jamí Anu̱u̱ anu̱ꞌ Isaák, Anu̱ꞌ Mikhuíí, ikháán nirathúnꞌ: “A̱tanga̱án ná xuajiaanꞌ jamí ná inúú máꞌ a̱ngia̱a̱nꞌ, jamí ma̱ña̱a̱ꞌ rí máján”.

Athane̱-jríñu̱ú xúge̱ꞌ ná ñawúun dxíyo̱ꞌ Esaú, numuu rí namíñu̱ꞌ ja̱yo̱o̱, ra̱ꞌkhá ma̱ꞌkhe̱e̱ gáxíñáa̱ꞌxo̱ꞌ, asndo go̱ꞌo̱ gajmíí i̱ji̱ín.