2 കൊരിന്ത്യക്കാറാര് ഈ ബുക്ക്‌ണ പറ്റി സിന്നൊരു സേദി
ഈ ബുക്ക്‌ണ പറ്റി സിന്നൊരു സേദി
കൊരിന്ത്യെല്യ ഏസുക്കാറാര് കൂട്ടാക്ക്‌മ് തനാക്ക്‌മ് ഇര്‌ക്ക ഉറാവിലി തൊന്തറെഗ ബന്ത ഗള്യേലിത്തെ പവുലോസ് ഈ എ്ള്‌ത്ത് എ്ള്‌ദിനാദ്. അദില്യ ഏസുക്കാറാര് കൂട്ടാത്തില്യ ലേസ ആള്‌ഗ പവുലോസോഡെ മ്‌ഗ്‌ന്ത പോട്ടിക്ക് ണിന്റാര്. ആന പവുലോസ് അവാരോഡെ റാജി കൂഡി പിര്യപിര്യത്തോഡെ ഇര്‌ക്ക്യ മ്‌ഗ്‌ന്ത ആസെപഡ്‌റാ്. ഇച്ചെ അവാരോഡെ റാജി കൂഡി പിര്യപിര്യത്തോഡെ ഇര്‌ക്ക്യ മുഡിന്താദ്‌ണാലെ പവുലോസ് റമ്പ പിര്യപഡ്‌റാ്.
ഈ എ്ള്‌ത്തിലി പവുലോസ് കൊരിന്ത്യെല്യ ഏസുക്കാറാരോഡെ തനാക്ക് ഇര്‌ക്ക എ്ണേവുണ പറ്റി മുദ സൊല്ലിര്‌ക്കാ്. അയ്യി ഏസുക്കാറാര് കൂട്ടാത്തില്യവാര് തനാണ ണാണഗെ്ഡ്‌സിനാദ്‌ക്ക്‌മ് പോട്ടിക്ക് ണിന്റാദ്‌ക്ക്‌മ് താന് കഡ്‌പ്പത്തോഡെ ബദ്‌ള് സൊന്നാദ് എന്ത്‌ക്ക് എന്ത്‌മ് പ്‌റ പവുലോസ് സൊല്ലിര്‌ക്കാ്. അച്ചെ ബദ്‌ള് സൊന്നാദ്‌ണാലെ അവാര് പാവ സെയ്‌രാദ്‌ണ തള്ള്യെക്കി സാമി സാരി തിലിമ്പി തന്നോഡെ റാജി കൂഡി പിര്യപിര്യാത്ത് ആനാര് എന്ത് ണെനേത്ത് പവുലോസ് റമ്പ പിര്യപഡ്‌റാ്. പ്‌റ എഗുദ ണാഡിലി ബുദ്ദിമുട്ടു ഇര്‌ക്ക ഏസുക്കാറാര്‌ക്ക് ദറ്‌മ്മ കൊഡുത്ത് അവാര്‌ണ കയ്യിതാങ്കുഡൊ എന്ത്‌മ് അവാര്‌ക്ക് സൊല്ലുറാ്. കൊരിന്ത്യെല്യ ലേസ ആള്‌ഗ തമ്മാത്തെ ണേര്‌മാന അപ്പൊസലല എന്ത്‌മ് പവുലോസ് ണേര്‌മാന അപ്പൊസലാ് അല്ല എന്ത്‌മ് സൊല്ലുറവാരോഡെ താന്‌ത്തെ ണേര്‌മാന അപ്പൊസലാ് എന്ത് കഡേസി ബാഗാത്തിലിഗ പവുലോസ് ഒരൊരു ണായഗ സൊല്ലി കാട്ടി കൊഡുക്കാ്.
ഈ ബുക്കിലി അഡാങ്കിര്‌ക്കാദ്
ഈ എ്ള്‌ത്ത്‌ണ പറ്റി സിന്നൊരു സേദി 1:1–11
പവുലോസ് കൊരിന്ത്യെല്യ ഏസുക്കാറാര് കൂട്ടാമ് 1:12—7:16
എഗുദ ണാഡിലി ഏസുക്കാറാര്‌ക്കുള്ള ദറ്‌മ്മ 8:1—9:15
അപ്പൊസലാ് എങ്ക അദിഗാര തനാക്ക് ഇര്‌ക്ക്‌ദ് എന്ത് പവുലോസ് കാട്ടി കൊഡുക്കാ് 10:1—13:10
ഈ എ്ള്‌ത്ത് മുഡിക്കാദ് 13:11–13
הדגשה
שתפו
העתק
רוצים לשמור את ההדגשות שלכם בכל המכשירים שלכם? הירשמו או היכנסו
New Life Literature