Kwan 27
27
Nyir pa Zelofehad
1Nyir pa Zelofehad, Mala, Nowa, Hogla, Milika kodi Tiriza jonyuthere. Zelofehad oyido obedo wod pa Hefer, wod pa Giliad, wod pa Makir, wod pa Manase, wod pa Yozefu, janono pa Manase. 2Jocungo ruwaŋ Musa, Eliazar jacway ri Were i wi migam, jotel, kodi Lwak je ruwaŋ Wema ma romo, aka jowaco ni, 3“Bawan otho i thim, go oyido k'obedo acel kwoŋ jono ma jocokere kanyacel kwoŋ Rwoth, gi Kora. To go otho ro reco pere won, aka oyido ongoye gi wote. 4Raŋo nyingi bawan worere woko i nono pere kwoŋbedo go oyido ongoye gi wote? Miy wan win lim i dier wutmin bawan.”
5Musa okelo wac me ruwaŋ Rwoth. 6Rwoth oluwo gi Musa ka waco ama: 7#Kwan 36:2Nyir pa Zelofehad jotire i gima jowaco. Iripo adieri miyo jo lim i dier wutmin bajo aka imiy jo lim pa bajo. 8Iripo bende waco ri Joisiraili ni, “Ka jacwo otho, aka ongoye gi wote, iripo miyo lim pere ri nyir pere. 9Ka go ongoye gi nyithindho manyir, iripo miyo lim pere ri wutmin go. 10Ka go ongoye gi wutmin, iripo miyo lim pere ri wutmin ba go. 11Ka ba go oyido ongoye gi wutmin, iripo miyo lim pere ri wat macegin i nono wolunji paka lim pere.” Me labedo ri Joisiraili paka cik kodi or, paka Rwoth omiyo Musa or.
Yosuwa lunjo Musa
(Cik 31:1-8)
12 #
Cik 3:23-27; 32:48-52 Rwoth owaco ri Musa ni, “Idhi malo wi gote Abarim, akinen lowo m'atieko miyo Joisiraili. 13K'itieko neno ilatho, paka omin in Aron, 14kwoŋbedo wigwenyere kwoŋ wac paran i thim ma Zin munyo lwak jodhaw kodan. Ikinyutho leŋo paran ruwaŋ jo i pi.” (Me pi manitie i Meriba Kades i thim ma Zin.)
15Musa okwayo Rwoth ka waco ni, 16“Weyi Rwoth, Were ma won kwo, woyeri dhano telo ji. 17#1 Kerin 22:17; Eze 34:5; Mat 9:36; Mar 6:34Dhano ma latelo yuwaŋ jo, ma lawodho jo woko, ŋey ji pa Rwoth jokiri jowocale rombo ma bu jakwath.”
18 #
Wok 24:13
Rwoth owaco ri Musa ni, “Ter Yosuwa wod pa Nun, jacwo manitie gi nyalo, aka ikethi cingin i wiye. 19Miy go cungo ruwaŋ Eliazar jacway ri Were i wi migam kodi lwak je, aka imiy go or lunjin ruwaŋ jo. 20Miy go dwoŋ perin moro, ŋey lwak pa Isiraili je jowowinji go. 21#Wok 28:30; 1 Sam 14:41; 28:6Go lagoŋere kwoŋ Eliazar jacway ri Were i wi migam, ma lamiyo go ŋeyo mito paran gi Urim ruwaŋ Rwoth. I nger me Eliazar latelo Yosuwa kodi lwak pa Isiraili i kisi gimoro.” 22Musa otimo paka Rwoth omiyo go or. Go otero Yosuwa to miyo go cungo ruwaŋ Eliazar jacway ri Were i wi migam kodi lwak pa ji je. 23#Cik 31:23Musa oketho cinge i wi Yosuwa to miyo go or lunjo go paka Rwoth omiyo Musa or.
נבחרו כעת:
Kwan 27: DHOPE
הדגשה
העתק
השווה
שתפו
רוצים לשמור את ההדגשות שלכם בכל המכשירים שלכם? הירשמו או היכנסו
Dhopadhola DC Bible © Bible Society of Uganda, 2018.