Kwan 24
24
1Balam oŋico nike oyido ber ruwaŋ Rwoth miyo Isiraili silwany. Riameno rume go k'okidho romo gi Rwoth, to owiro waŋe to ŋiyo yuthim. 2Balam oŋiyo malo to neno Isiraili joketho kambi pajo, nono gi nono. Kenyo cuny pa Were obino kwoŋ Balam, 3aka otuco wac Were me:
Me wac pa Balam wod pa Bewor,
wac Were pa jacwo ma waŋe neno maber swa.
4Me wac pa ŋata winjo wac pa Were,
ŋata neno menyirok pa Jameni je,
ma podho piny, to kareno waŋe oyawere.
5Wemin pa Isiraili ber ba,
kabedo mewin, Awi Isiraili!
6Joyare paka jangi thith,
paka ndelin i thengi malawa,
paka alovera ma Rwoth opidho,
kosa yen sida i thengi pi.
7Pi lamol wok iy'agwatin pere,
kere pere labedo madwoŋ loyo Agag,
aka ker pere latiŋere malo.
8Were m'owodho go wok i Misir,
cale tungi merikwa mager rigo;
go lareyo woko nonin ma jobedo jokwor pajo
aka go laturo woko cokin pajo.
Go lacelo jo g'aserin pere.
9 #
Cak 49:9; Cak 12:3 Ka go oriere to nindo paka simbwor,
kosa paka simbwor madhako, ŋa manyalo cewo go?
Silwany ri jono ma jomiyin silwany,
aka kwoŋ ri jono ma jokwoŋin.
10Kenyo nge pa Balak oliel kwoŋ Balam aka omino adol cinge. Balak owaco ri Balam ni, “Alwoŋin ka lamo jokwor paran, t'itieko miyo jo silwany adieri didek me je. 11Riameno kadhi, dok peco! Oyido awaco miyin kemba madwoŋ, to Rwoth ogeŋin limo.”
12Balam odwoko Balak ni, “Akiwaco ri jomikwenda perin m'ioro bongan ni, 13‘Makada nende Balak omiyan ot pere m'opoŋ feza gi zahabu, oyido akinyali foco dhok Rwoth, timo bero kosa raco i mito paran won. Gima Rwoth owaci, meno am'alawaco. 14Onyo pama an adoki bongi ji paran. To weyi kutho amiyin rieko gima ji me jolatimo ri ji perin i hongo ma bino.’ ”
Balam tuco wac Were ma diŋwen
15Balam otuco wac Were me:
Me mikwenda pa Balam wod pa Bewor,
menyirok pa jacwo ma waŋe neno maber swa.
16Me menyirok pa ŋata winjo wac pa Were,
aka oŋeyo rieko pa Jamalo Swa.
Ŋata neno menyirok pa Jameni je,
aka podho piny gi waŋe m'oyawere.
17Aneno go, to ki pama,
aŋiyo go, to kinitie cegin,
micala lawok kwoŋ Yakobo,
kere lawok i Isiraili,
go lareyo woko sondin ma Mowab,
kodi adec pajo Seth.
18Edom lalokere lim pajo,
Edom lalokere lim pa jokwor pere,
kareno Isiraili medere lokirok matek.
19Nyatoro wok kwoŋ Yakobo ladhumo,
aka lareyo woko ji m'oyido joboth i tindi madwoŋ.
20Balam oŋiyo Joamalek, aka otuco wac Were ka waco ni:
Amalek oyido obedo marapena kwoŋ nonin,
to gike pere obedo rerok.
21Go oŋiyo Joken, aka otuco wac Were ka waco ni:
Kabedo perin okwe,
aka odin nitie i tele.
22Kucel ilareyo woko Joken,
ka Asiria oter jo paka jotwec.
23Balam otuco wac Were me kendo ka waco ni:
Kidamba, ŋa ma lakwo ka Were otim gime?
24Jomonji jolacewere wok i Sipro,
jolamako Asiria kodi Eber,
to jo bende, jolarere kicutho.
25Kenyo Balam oyikere to dok peco, aka Balak bende okadho i yo pere.
נבחרו כעת:
Kwan 24: DHOPE
הדגשה
העתק
השווה
שתפו
רוצים לשמור את ההדגשות שלכם בכל המכשירים שלכם? הירשמו או היכנסו
Dhopadhola DC Bible © Bible Society of Uganda, 2018.