פסוקים פופולריים מ- MATEWU 18

שתפו

Hikuva laha vambirhi, kumbe vanharhu va hlengeletanaka kona hi vito ra mina, ndzi kona exikarhi ka vona.”

Kambe ndzi ri eka n'wina, vambirhi eka n'wina, loko va pfumelelana laha emisaveni, swilo hinkwaswo leswi va swi kombelaka, va ta nyikiwa hi Tatana wa le tilweni.

Yesu a vitana n'wana, a n'wi veka exikarhi ka vona, a ku. “Ndza vurisa, ndzi ri eka n'wina: Loko mi nga hundzuki, mi fana ni vana, mi nga ka mi nga ngheni eku fumeni ka matilo.

Hikwalaho un'wana ni un'wana la titsongahataka kukotisa n'wana loyi, hi yena la nga lonkulu eku fumeni ka matilo.

Kambe un'wana ni un'wana la amukelaka n'wana kukotisa loyi hi vito ra mina, u rhurhela mina.

Kunene ndzi ri eka n'wina: Hinkwaswo leswi mi nga ta swi tsimba la emisaveni swi ta tsimbiwa ni le tilweni; ni hinkwaswo leswi mi nga ta swi tshunxa la emisaveni, swi ta tshunxiwa netilweni.

Mi ta endlisiwa sweswo hi Tatana wa le tilweni, loko un'wana ni un'wana wa n'wina a nga rivaleli makwavo ku dyoha ka yena hi mbilu hinkwayo ya yena.”

Kambe un'wana ni un'wana la khunguvanyisaka un'wana wa lavatsongo, lava pfumelaka ka mina, a swi ta va swona eka yena loko a boheleriwa ribye ra ku sila enhan'wini, a hoxiwa exidziveni xa lwandle.

“Xana mhaka leyi yi ri yini ka n'wina? Loko munhu a ri ni tinyimpfu ta dzana, kutani yin'we ya tona yi lahlekile, a nga ka a nga siyi leta ntlhanu wa makume, na mune wa makume, na ntlhanu na mune, a ya lava leyi lahlekeke xana?