פסוקים פופולריים מ- Жаратылыу 49

שתפו

Яхуданы къолундан аса таягъы тюшмез; туудукъларындан да бийлик таякъ алынмаз. Сора Керти Башчы келир да, Анга миллетле буйсунуп турурла.

Юсюп битимли терекни бутагъыды, суу чыкъгъан жерни башында битимли терекни бутагъыды; аны жетеклери къабыргъаны башындан ётедиле. Садакъчыла аны аямай инжилтген эдиле, анга душманлыкъ этип, окъ атхан эдиле.

Алай болгъанлыкъгъа, аны садагъы къатылай къалгъанды, аны къарыулу къоллары женгиллей къалгъандыла. Бу, Якъупну Къудуретлисини къолунданды, Исраилни Сюрюучюсюню эм Къаясыны аты блады. Бу, санга болушуучу атангы Аллахданды, сени алгъышлы этген Къудуретли Аллахданды, огъартындан кёклени берекетлери, жерде болгъан тюпсюзлени берекетлери бла, эмчеклени бла ана къарынланы берекетлери бла сени алгъышлы этген Аллахданды.

Яхуда! Сенсе, къарындашларынг махтарыкъ! Сени къолунг душманларынгы желкелеринде боллукъду. Атангы уланлары санга баш урлукъдула. Яхуда, сен жаш асланса; уланым, сен уудан келесе. Ол аслан кибик, жерге чёгеди; тиши аслан кибик жатады. Аны тынчлыгъын бузаргъа ким таукел болур?

Рубен! Сен мени тюнгючюмсе, къудуретимсе эм кючюмю башланнганыса, махтауда биринчи, къууатда биринчи да сенсе. Алай болгъанлыкъгъа, сен сууча тюрлене тураса. Энди биринчи боллукъ тюйюлсе, нек десенг, сен атангы тёшегине жатханса, мени жатхан жерими харам этгенсе.