פסוקים פופולריים מ- १ यूहन्ना 2

שתפו

तुहुरे संसारहे और संसारमे रहल कौनो फेन चिजहे प्रेम ना करो। यदि कौनो मनैया संसारहे प्रेम करत कलेसे परमेश्वर बाबक प्रेम ओकरमे नै हो। काकरेकी ज्या चिज फेन संसारमे बा: शरीरके अभिलाषा, आँखीक अभिलाषा और जीवनके घमण्ड परमेश्वर बाबक थेनसे नै हो, पर संसारमेसे हो।

संसार और ओकर अभिलाषा दुनु नाश होजिहीँ, पर जे परमेश्वरके इच्छा अनुसार जिअत, ऊ सदादिन पलिरही।

और जे असिक कहत, कि मै हुँकारमे पलिरथुँ कलेसे उहिहे अप्निहीँ फेन ओस्तेहेँ रहे परत, जसिके येशू रहतिहिँत।

मोरिक प्रिय लरको, मै यी बात यी कारणसे लिखतुँ, ताकि तुहुरे पाप ना करो; और यदि केऊ पाप करत कलेसे परमेश्वर बाबक थेन हमारिक एकथो सहायक बा, जे धर्मी येशू ख्रीष्ट हुइताँ। ऊ हमार पापहे माफ करक लग परमेश्वरसे अनुरोध करथाँ।

जे केऊ कहत, “मै हुँकिन्हे चिहिन्थुँ”, पर हुँकार आज्ञा पालन नै करत कलेसे ऊ झूटा हो, और ऊ परमेश्वरके सच्चाइमे नै जिअत।

यदि हम्रे परमेश्वरके आज्ञा मन्बी कलेसे यिहिएसे हम्रे जन्बी कि हम्रे हुँकिन्हे चिहिन्थी।

जे असिके कहत, कि मै ओजरारमे जिअतुँ, पर अपन विश्वासी भैयाहे घृणा करत कलेसे ऊ अभिनसम अंधारेमे जिअता।

झूँटा के हो? झूँटा वहे हो, जे येशूहे ख्रीष्ट नै मानत। और ख्रीष्टके विरोधी वहे हो, जे परमेश्वर बाबक और छावाहे अस्वीकार करत।

जे छावाहे अस्वीकार करत, ओकर थेन परमेश्वर बाबा फेन नै हो। जे छावाहे मान लेहत, ओकर थेन परमेश्वर बाबा फेन बा।