פסוקים פופולריים מ- रोमी 6

שתפו

किल्हैकि पाप करनैओ नतिज़अ आसा मौत, पर ज़ुंण दान हाम्हां लै परमेशर दैआ सह आसा सदा रहणैं आल़ी ज़िन्दगी ज़ुंण म्हारै प्रभू मसीहा ईशू करै भेटा।

तै निं तम्हां प्रैंदै पाप राज़ करी सकदअ, किल्हैकि ज़िहअ बधान बोला करना लै तेऊ साबै निं तम्हैं ज़िन्दगी ज़िऊंदै, पर तम्हैं ज़िऊआ तेऊ जशे साबै ज़िन्दगी ज़ुंण परमेशरै तम्हां का रहैऊ।

ज़ेभै हाम्हैं डुबकी लई, तेभै मूंऐं हाम्हैं अर मसीहा संघै डाहै दाबी। तेखअ ज़िहअ मसीहा बाब परमेशरे प्रतप्पा करै मरी करै ज़िऊंदअ हुअ, तेही ज़िऊंणीं ऐबै हाम्हां नऊंईं ज़िन्दगी।

नां आपणीं देहीए आंगा कदुष्ट कामें अस्त्र-शस्त्र बणाईं पापा लै सभाल़ा, पर आप्पू दैआ आपणीं ज़िन्दगी परमेशरा लै धर्में अस्त्र-शस्त्र बणाईं। इहअ समझ़ा कि तम्हैं आसा मूंऐं दै मांझ़ा का ज़िऊंदै हुऐ दै।

किल्हैकि हाम्हां का आसा थोघ कि म्हारअ पराणअ सभाब छ़ड़ाऊअ मसीहा ईशू संघै क्रूसा दी ताकि अह पापे देही खतम होए, अर हाम्हैं आजू लै पापे गलाम नां रहे बणी।

इहअ ई समझ़ा तम्हैं बी आप्पू लै पाप करने शगती लै मूंऐं दै, पर परमेशरो अदर करना लै समझ़ा मसीहा ईशू दी ज़िऊंदै।

तै हाम्हां किज़ै बोल़णअ? कै हाम्हां कबल्‍लै रहणअ पाप करदै लागी कि परमेशर हाम्हां लै होर बी खास्सअ जश दैए? इहअ निं कधि करनअ, ज़ै हाम्हैं पापा लै मरी गऐ, आजू किल्है काटणी हाम्हां कबल्‍लै पाप करदै रही ज़िन्दगी?

तम्हां का आसा थोघ कि तम्हैं कसरी गलामी दी डेओआ, तेखअ हआ सह मणछ थारअ मालक अर तम्हां लागा तिहअ ई करनअ ज़िहअ सह बोले। तम्हैं सका पापे गलाम हई ज़ुंण मौत आणा या सका तम्हैं परमेशरे साबै हर गल्‍ला मनी ज़ुंण धर्मीं ज़िन्दगी दैआ।

पैहलै किअ तम्हैं तिहअ पाप ज़िहअ थारै दिलै बोलअ, तम्हैं थिऐ पापे गलाम। पर तेखअ लागै तम्हैं धैन-मन्‍न लाई मसीहे हर गल्‍ला मंदै। हुंह करा एता लै परमेशरो शूकर। ऐबै निं तम्हां दी पाप आथी ऐबै हुऐ तम्हैं पाप करने शगती का आज़ाद हई धर्मीं परमेशरे दास।