פסוקים פופולריים מ- MARIKO 12

שתפו

Nake Jesu agĩcokia atĩrĩrĩ, Rĩrĩa rĩa mbere nĩ rĩrĩ, Igua, Isiraeli; Mwathani Ngai witũ-rĩ, Mwathani nĩ ũmwe: nawe enda Mwathani Ngai waku na ngoro yaku yothe, na muoyo waku wothe, na gwĩciria gwaku guothe, o na hinya waku wothe. Narĩo rĩa kerĩ nĩ rĩrĩ, Enda mũndũ ũrĩa ũngĩ o ta ũrĩa wĩendete wee mwene. Gũtirĩ rĩathani rĩngĩ inene kwĩ macio.

Nake agĩĩta arutwo ake, akĩmera atĩrĩ, Ngũmwĩra atĩrĩrĩ na ma, Mũtumia ũyũ wa ndigwa mũthĩni nĩekĩra nyingĩ kũrĩ andũ othe arĩa marekĩra mbia kĩgĩĩna-inĩ: tondũ acio othe nĩmekĩra mbia nĩ ũrĩa maingĩhĩtie; nake nĩekĩra indo ciake iria oima nacio ciothe, nĩ ũrĩa akĩarĩte, na nĩcio mũthithũ wake wothe.

Ningĩ agĩikara thĩ ang’etheire harĩa hekagĩrũo kĩgĩĩna, akĩĩrorera ũrĩa kĩrĩndĩ gĩekagĩra mbia kĩgĩĩna-inĩ kĩu: na andũ aingĩ arĩa maarĩ itonga magĩĩkĩra mbia nyingĩ. Na gũgĩũka mũtumia wa ndigwa mũthĩni, nake agĩĩkĩra tũthendi twĩrĩ, tũrĩa tũiganaga mbeca ĩmwe.

ningĩ kũmwenda na ngoro yothe, o na ũũgĩ wothe, o na hinya wothe, o na mũndũ ende mũndũ ũrĩa ũngĩ o ta ũrĩa eendete we mwene, ũguo nĩũkĩrĩte mũno mahaki mothe ma gũcinwo me magima, o na magongona mothe.

Nake Jesu akĩmera atĩrĩ, Nengagĩrai Kaisari indo cia Kaisari, o nake Ngai mũmũnengagĩre indo cia Ngai. Nao magĩkĩgega nĩwe mũno.