פסוקים פופולריים מ- ROMA 12

שתפו

Ne'e mana komi mompasiala pokainggu bo kabiasa nu dunia, tapi pakambamo katuwumu rabali Alatala ante mombawai pekirimu rapakabouna. Ante iwetu komi kana mangginjani nuapa dota Alatala riara nggatuwumu, etumo nuapa to nabelona, nuapa to nikonoa Alatala, bo nuapa to da'a nasala riara mpanggitana.

Sampesuwu-sampesuwu, naasi mpu'u mata Alatala manggita kita. Sabana etu kuperapi ante mpu'u-mpu'u ala komi mombajuju koro komi ka Alatala ewa sangele pesomba to natuwu bo nagasa to nikonoa rara Alatala. Etumo ada mpesomba komi to masipatona.

Komi kana madamba-damba riara panjarumakamu ka i Pue. Pakaroomo raramu tempo komi nipandasa. Ne'e mabasa mosambaya.

Ne'e sampe komi radagi kaja'ana, tapi balasimo kaja'ana ante pokainggu to nabelo ala komi mamala mombadagi to naja'ana ante kabelona.

Posipotowemo samba'a bo samba'a ewa sampesuwu otemu, pade pasimbukumo komi samba'a bo samba'a mokolu mombabila roamu.

Kita kana mompotowe roata ante mpu'u-mpu'u. Ne'e aga tumoni-moni mosipotowe. Pakakawaomo pokainggu to naja'a, pade powiamo to nabelona ante mpu'u-mpu'u rara.

Ane mamala nggari komi pasimbukumo matuwu mosinggabelo ante pura-pura tau.

Sampesuwu-sampesuwuku, ne'e mombabalasi kaja'a ntau ri ja'imu, tapi pakambamo Alatala mombabalasi ira to nompakaja'a komi. Sabana naria nitulisi riara Buku Nagasa iwe'i: “Akumo to mebalasi, Akumo to mesawa. Iwetu panguli i Pue.”

Pokarajaamo ante maraji, ne'e mabuto. Pade pokarajaamo ka i Pue ante mpu'u-mpu'u raramu, ne'e mabasa-basa.

Aku nionggotaka Alatala najadi surona nggari towe belona mboto. Jadi etu sampe aku manguli ka komi pura-pura iwe'i: Ne'e komi mompakalanga rara ane komi mompekiri koromu mboto. Tapi nabelopa komi mompekiri koromu ante manoa nantuki kadea nu pomparasaya to niwai Alatala ka komi samba'a bo samba'a.

Ane maria tau mompakaja'a komi, ne'e rabalasi ante kaja'ana. Kawiamo nuapa to nireke nabelo riara mpanggita ntau pura-pura.

Komi kana matuwu mosaongu rara samba'a bo samba'a. Ne'e mompakalanga raramu tapi komi kana mosimporoa ante tau to naede katuwuna. Ne'e mompekiri koromu neliu nggapande nggari roamu.

Tapi ane balimu maoro ta'i, wai ka ira panggoni. Ane ira mabai tambolo, wai ka ira panginu. Sabana ante mowia iwetu, kaopuna maeya mboto mata ira mompekiri powia ira to naja'a.

Ane maria tau mompandasa komi, ne'e mombajanjiaka ira tapi perapimo ka ira rasi nggari ja'i Pue. Komi kana madamba-damba mpasanggani-nggani ante tau to nadamba, bo motumangi mpasanggani-nggani ante tau to notumangi.

Tulungimo roamu topomparasaya to nakabuna, pade tarimamo torata riara njapomu.

Ri korota samba'a bo samba'a nadea sipa, pade sipa etu pura-pura naria gunana mboto. Iwetu wo'u kita topomparasaya Kristus. Naupa kita nadea, kita najadi saongu riara Kristus. Pade kita nosidai samba'a bo samba'a ewa sipa-sipa nu koro.