2 Corintios 2
2
1Mit tʉnyʉm ni'c tʉgaja-actu'ngʉs̈áj injo̱jtat tʉnʉs̈wa'n mam mijchat. 2Ni'c te tʉ-actu'ngʉs̈ap injo̱jtat ¿pʉnatu tʉs̈acji'jcajáj tʉnjo̱jt? Solo mijchat oyap is̈acji'jcajap tʉnjo̱jt. 3Mit tʉja'ygʉs̈au yename pa cuandu tʉnʉs̈wa'n mam mijchat magatu'n más tʉnjo̱jt mit ayé jayajwat ni'c je'jat itp ti tʉs̈acji'jcajáj tʉnjo̱jt. Tʉtsʉ̱nap seguru ni'c ji'jcáj injo̱jtat mit ʉ̱. 4Cuandu tʉja'ygʉ́s̈aj, tʉpensa̱to'c mit tu'no'c tʉnjo̱jt mit hasta tʉjʉy, mit tʉngawanu tʉ-actu'ngʉs̈awa'n injo̱jtat po tʉja'ygʉs̈au pa pi jawiga ni'c mijchat tʉwano'jcʉs̈p.
Ma perdona̱tca jeme iwatway mal
5Po te tu'c jayau tʉs̈actu'jnau tʉnjo̱jt, caje' ʉ̱jyu po mijchat we'ney is̈actu'ngajau s̈ʉ̱n injo̱jtat. 6Incastiga̱tcau ayé jayau mam inyi-apʉcmújcʉjʉj, po jinap camjacastiga̱tca. 7Po jinap oy pi perdona̱tca ayé jayau mit consolá̱tca pa magajatu'n más ijo̱jt mit maganidesanimá̱jtʉ 8Jemni'c tʉyo'tcʉs̈ap pi actujawiga ayé jayau ni'c inwano'jcap je'. 9Tʉja'ygʉs̈au ni'c tʉnwan tʉproba̱tcʉs̈wa'n te injayaumaygap nu'pʉjʉn tʉnyʉmpay. 10Mit jeme imperdona̱tcapay, tʉmperdona̱tpey. Te tʉmperdona̱tp tambʉn, tʉmperdona̱tp mam igui-e'p Cristu pa mijchat pi tsʉ̱nga oy, 11pa Awayagatsna' maga-oya igui-aprovecha̱t neti mit ʉjtsat, ni'c najawigap ni'c je' ito'jcʉp maña pa iwe̱twa'n.
Pablo pensa̱to'cp
12Cuandu tʉcojy nʉ'jcopac Troas, el Señor tʉs̈moy mayo'c laj pa tʉs̈nʉmdacyo'jyawa'n Cristu i-oyway noticia, 13po majawe'naj ʉ̱ tʉpensa̱to'c ni'c tʉngapa̱tu Tito tʉnhermanu. Mit cʉs̈ tʉnmunidespidia̱tcʉs̈ʉu mit tʉnʉcs̈ pa Macedoniajway nas̈.
Cristu nas̈acvencia̱tcap
14Po nanʉ́mgaja Dios ni'ctiyu̱s̈ ni'c je' siempre nas̈acvencia̱tcap jʉmba'tu ni'c namutʉgʉygau Cristu Jesús. Ʉjtsat tʉnyʉmdacyo'ygajap Cristu i-oyway noticia mit Dios i-actujawigʉs̈p nu'pʉjʉn jayajwat jʉmgapa'tu ayé oyway noticia, mit ayé as̈am tu'c perfume pa'cs̈u'cpay. 15Ni'c ʉjtsat tʉtsʉ̱ngap as̈am tu'c perfume pa'cs̈u'cpay ni'c tʉnmutʉgʉygau Cristu mit ayé igui-acji'jcap Dios ijo̱jt. Tʉtsʉ̱ngap as̈am perfume pa jeme nisalva̱tcʉjʉ̱́mpay mit we'ney pa jeme togoygámpay. 16Pa jeme togoygámpay ayé as̈am tu'c perfume s̈u'cpay jeme igui-ago'jcámpay, po pa jeme nisalva̱tcʉjʉ̱́mpay, ayé as̈am tu'c perfume pa'cs̈u'cpay jeme iguimoygámpay vida. ¿Mit pʉjnat nimajmoygʉjʉ̱́j pa iguiwatcawa'n as̈am ʉjtsat tʉs̈wátca? 17Ni'c ʉjtsat tʉnga-ajque's̈cajap Dios ipalabra pa tʉs̈actsʉ̱ngawa'n tumi̱n as̈am iguiwatca mayo'c jayajwat. Po ʉjtsat tʉnajque's̈cajap oy Dios ipalabra mit tʉyo'ygap oy ni'c Dios tʉs̈ajyu'tcau. Dios i-e'p ni'c tʉnajque's̈cap oy ni'c tʉnmutʉgʉygau Cristu.
હાલમાં પસંદ કરેલ:
2 Corintios 2: PSNT
Highlight
નકલ કરો
Compare
શેર કરો
Want to have your highlights saved across all your devices? Sign up or sign in
Nuevo Testamento en Popoluca de Sayula © Sociedad Bíblica de México, [1969].
2 Corintios 2
2
1Mit tʉnyʉm ni'c tʉgaja-actu'ngʉs̈áj injo̱jtat tʉnʉs̈wa'n mam mijchat. 2Ni'c te tʉ-actu'ngʉs̈ap injo̱jtat ¿pʉnatu tʉs̈acji'jcajáj tʉnjo̱jt? Solo mijchat oyap is̈acji'jcajap tʉnjo̱jt. 3Mit tʉja'ygʉs̈au yename pa cuandu tʉnʉs̈wa'n mam mijchat magatu'n más tʉnjo̱jt mit ayé jayajwat ni'c je'jat itp ti tʉs̈acji'jcajáj tʉnjo̱jt. Tʉtsʉ̱nap seguru ni'c ji'jcáj injo̱jtat mit ʉ̱. 4Cuandu tʉja'ygʉ́s̈aj, tʉpensa̱to'c mit tu'no'c tʉnjo̱jt mit hasta tʉjʉy, mit tʉngawanu tʉ-actu'ngʉs̈awa'n injo̱jtat po tʉja'ygʉs̈au pa pi jawiga ni'c mijchat tʉwano'jcʉs̈p.
Ma perdona̱tca jeme iwatway mal
5Po te tu'c jayau tʉs̈actu'jnau tʉnjo̱jt, caje' ʉ̱jyu po mijchat we'ney is̈actu'ngajau s̈ʉ̱n injo̱jtat. 6Incastiga̱tcau ayé jayau mam inyi-apʉcmújcʉjʉj, po jinap camjacastiga̱tca. 7Po jinap oy pi perdona̱tca ayé jayau mit consolá̱tca pa magajatu'n más ijo̱jt mit maganidesanimá̱jtʉ 8Jemni'c tʉyo'tcʉs̈ap pi actujawiga ayé jayau ni'c inwano'jcap je'. 9Tʉja'ygʉs̈au ni'c tʉnwan tʉproba̱tcʉs̈wa'n te injayaumaygap nu'pʉjʉn tʉnyʉmpay. 10Mit jeme imperdona̱tcapay, tʉmperdona̱tpey. Te tʉmperdona̱tp tambʉn, tʉmperdona̱tp mam igui-e'p Cristu pa mijchat pi tsʉ̱nga oy, 11pa Awayagatsna' maga-oya igui-aprovecha̱t neti mit ʉjtsat, ni'c najawigap ni'c je' ito'jcʉp maña pa iwe̱twa'n.
Pablo pensa̱to'cp
12Cuandu tʉcojy nʉ'jcopac Troas, el Señor tʉs̈moy mayo'c laj pa tʉs̈nʉmdacyo'jyawa'n Cristu i-oyway noticia, 13po majawe'naj ʉ̱ tʉpensa̱to'c ni'c tʉngapa̱tu Tito tʉnhermanu. Mit cʉs̈ tʉnmunidespidia̱tcʉs̈ʉu mit tʉnʉcs̈ pa Macedoniajway nas̈.
Cristu nas̈acvencia̱tcap
14Po nanʉ́mgaja Dios ni'ctiyu̱s̈ ni'c je' siempre nas̈acvencia̱tcap jʉmba'tu ni'c namutʉgʉygau Cristu Jesús. Ʉjtsat tʉnyʉmdacyo'ygajap Cristu i-oyway noticia mit Dios i-actujawigʉs̈p nu'pʉjʉn jayajwat jʉmgapa'tu ayé oyway noticia, mit ayé as̈am tu'c perfume pa'cs̈u'cpay. 15Ni'c ʉjtsat tʉtsʉ̱ngap as̈am tu'c perfume pa'cs̈u'cpay ni'c tʉnmutʉgʉygau Cristu mit ayé igui-acji'jcap Dios ijo̱jt. Tʉtsʉ̱ngap as̈am perfume pa jeme nisalva̱tcʉjʉ̱́mpay mit we'ney pa jeme togoygámpay. 16Pa jeme togoygámpay ayé as̈am tu'c perfume s̈u'cpay jeme igui-ago'jcámpay, po pa jeme nisalva̱tcʉjʉ̱́mpay, ayé as̈am tu'c perfume pa'cs̈u'cpay jeme iguimoygámpay vida. ¿Mit pʉjnat nimajmoygʉjʉ̱́j pa iguiwatcawa'n as̈am ʉjtsat tʉs̈wátca? 17Ni'c ʉjtsat tʉnga-ajque's̈cajap Dios ipalabra pa tʉs̈actsʉ̱ngawa'n tumi̱n as̈am iguiwatca mayo'c jayajwat. Po ʉjtsat tʉnajque's̈cajap oy Dios ipalabra mit tʉyo'ygap oy ni'c Dios tʉs̈ajyu'tcau. Dios i-e'p ni'c tʉnajque's̈cap oy ni'c tʉnmutʉgʉygau Cristu.
હાલમાં પસંદ કરેલ:
:
Highlight
નકલ કરો
Compare
શેર કરો
Want to have your highlights saved across all your devices? Sign up or sign in
Nuevo Testamento en Popoluca de Sayula © Sociedad Bíblica de México, [1969].