قالاتئیالی‌لارا 4
4
1ائندی بونو دیئرم کی، مادام کی، وارئث اوشاقدیر، هر شیئن صاحئبی اولسا دا، قوللا هچ فرقی یوخدور. 2او، آتاسینین تعیئن اتدئیی واختا قدر، قیّوملارین و وکئللرئن اَلی آلتیندادیر. 3اِله‌جه ده بئز، اوشاقلار ائکن دونیانین ائبتئدائی شیلرئنئن آلتیندا اسئر ائدئک. 4لاکئن زامان تامامینا چاتدیقدا، تاری آرواددان دوغولموش و شرئعت آلتیندا دونیایا گلمئش اؤز اوغلونو گؤندَ‌ردی کی، 5شرئعت آلتیندا اولانلاری ساتین آلیب قورتارسین و بئز اوغوللوغا نایئل اولاق. 6و اوغوللار اولدوغونوز اوچون، تاری اؤز اوغلونون روحونو بئزئم اورَکلرئمئزه گؤندَ‌رئب کی، نئدا ادئر: «آبّا! آتا!» 7بونا گؤره، سئز آرتیق قول یوخ، اوغولسونوز. و اگر اوغولسونوز، تارینین واسئطه‌سی‌ائله وارئثسئنئز ده.
8لاکئن تارینی تانیمادیغینیز زامان، اِله‌لرئن قولو ائدئنئز کی، طبئعتن تاری دیئللر. 9آمّا ائندی کی، تارینی تانی‌ییرسینیز، یا دا داها دوغروسو تاری سئزی تانی‌ییر، نجه اولور کی، گئنه ضعئف و دَیَرسئز ائبتئدائی شیلره قاییدیرسینیز و اونلارین قولو اولماغا جان آتیرسینیز؟! 10گونلری، آیلاری، مؤوسوملری و ائللری رئعایت ادئرسئنئز. 11سئزئن اوچون قورخورام کی، مبادا سئزه عبث زحمت چکمئش اولام.
12سئزه یالواریرام، قارداشلار، منئم کئمی اولون. چونکی من ده سئزئن کئمی اولموشام. سئز منه هچ بئر حاقسیزلیق اتمه‌یئبسئنئز. 13لاکئن بئلئرسئنئز کی، بدنئن ضعئفلئیی اوزوندن ائنجئلی ائلک دفه سئزه وعظ اتدئم. 14و بدنئمده اولان ائمتاحانا سئز حقارتله باخمادینیز، ردّ ده اتمه‌دئنئز. آمّا منی تارینین بئر مله‌یی کئمی قبول اتدئنئز، اله بئل کی، مسئح عئسانین اؤزونو قبول ادئرسئنئز. 15ائندی او سعادتئنئزه نه اولدو؟ چونکی سئزئن حاقّینیزدا شهادت ورئرم کی، اگر مومکون اولسایدی، گؤزلرئنئزی چیخاردیب منه وِرَردئنئز. 16مگر حقئقتی سئزه ددئیئم اوچون دوشمنئنئز اولموشام؟ 17اونلار قیرتله سئزی آختاریرلار، لاکئن یاخشی نئیّتله یوخ. آنجاق سئزی آییرماق ائسته‌یئرلر کی، سئز اونلاری قیرتله آختاراسینیز. 18آنجاق من یانینیزدا اولاندا یوخ، یاخشی نئیّتله هر زامان قیرتلی اولماق یاخشی‌دیر. 19اؤولادلاریم کی، مسئح سئزده شکئل تاپانا قدر تکرار دوغوم آغریسینی چکئرم، 20آرزو ادئردئم کی، ائندی یانینیزدا اولوب سؤزومون سسئنی دیئشدئرَ‌یدئم. چونکی سئزئن حاقّینیزدا چاشیب قالمیشام.
21منه دیئن، سئزلر کی، شرئعت آلتیندا اولماغی ائسته‌یئرسئنئز، مگر شرئعته قولاق آسمیرسینیز؟ 22چونکی یازیلیب، ائبراهئمئن ائکی اوغلو وار ائدی؛ بئری کنئز آرواددان و او بئرئسی آزاد آرواددان دوغولموشدو. 23لاکئن کنئز آرواددان دوغولان اوغول، جئسمه گؤره دوغولدو و آزاد آرواددان دوغولان اوغول وعده‌یه گؤره. 24بو، تمثئلله دانیشماقدیر، چونکی بو ائکی آرواد، ائکی عهددئرلر؛ بئری سئنا داغینداندیر، قول اولاجاق اوشاقلار دوغور. او، هاجردئر. 25ائندی بو هاجر عرب بؤلگه‌سئنده اولان سئنا داغی‌دیر و اورشلئمئن ائندئکی واختینا بنزه‌یئر، چونکی او، اؤولادلاری ائله اسئرلئکده‌دئر. 26آمّا یوخاریدا اولان اورشلئم آزاددیر کی، بئزئم آنامیزدیر. 27چونکی یازیلیب:
«ای سونسوز دوغمایان آرواد، سوئن!
ای دوغوم آغریسینی چکمه‌ین، جار چک و نئدا ات!
چونکی ترک ادئلمئش آروادین اؤولادلاری،
اَری اولان آروادین اؤولادلاریندان چوخدور.»#4:27 اِشَعیا ۵۴:۱
28و سئز، قارداشلار، ائسحاق کئمی وعده‌نئن اؤولادلاریسینیز. 29آمّا نجه او زامان جئسمه گؤره دوغولان، موقدّس روحا گؤره دوغولانا عذاب ورئردی، ائندی ده بله‌دئر. 30لاکئن موقدّس یازی نه دیئر؟
«کنئز آرواد و اونون اوغلونو قوو،
چونکی کنئز آروادین اوغلو،
آزاد آروادین اوغلو ائله وارئث اولمایاجاق.»#4:30 یارادیلیش ۲۱:۱۰
31بونا گؤره، قارداشلار، بئز کنئز بئر آروادین یوخ، آزاد آروادین اؤولادلاری‌ییق.
હાલમાં પસંદ કરેલ:
قالاتئیالی‌لارا 4: موقدس کتاب
Highlight
શેર કરો
નકલ કરો
Want to have your highlights saved across all your devices? Sign up or sign in
© Elam Ministries 2013. All rights reserved.