قالاتئیالی‌لارا 1
1
1ائنسانلار طرفئندن یوخ، ائنسانلارین واسئطه‌سی‌ائله ده یوخ، آنجاق عئسا مسئح و اونو اؤلولردن دئرئلدن آتا تاری واسئطه‌سی‌ائله حواری تعیئن اولونان پولوسدان 2و منئمله اولان بوتون قارداشلاردان، قالاتئیانین کئلئسالارینا:
3آتامیز تاریدان و رب عئسا مسئحدن سئزه فیض و باریش اولسون. 4او کی، آتامیز تارینین ائراده‌سئنه گؤره، اؤزونو بئزئم گوناهلاریمیز اوچون فدا اتدی کی، بئزی ائندئکی شر دؤوردن قورتارسین. 5اونا ابده کئمی عئزّت اولسون. آمئن.
آنجاق بئر ائنجئل
6تعجّوب اِدئرم کی، سئز بله تزلئکله مسئحئن فیضئنده سئزی چاغیرانی ترک ادئب، آیری بئر ائنجئله دؤنورسونوز. 7اصلئنده اؤزگه بئر ائنجئل یوخدور؛ آنجاق بعضی آداملار وار کی، سئزی چاشدیریب مسئحئن ائنجئلئنی تحرئف اتمک ائسته‌یئرلر. 8لاکئن حتّا اگر بئز، و یا گؤیدن گلن بئر ملک، سئزه وعظ اتدئیئمئز ائنجئله ضئدّ بئر شی وعظ اتسه، اونا لعنت اولسون! 9اوّلجه ددئیئمئز کئمی، ائندی ده دیئرم؛ کئم سئزه قبول اتدئیئنئز ائنجئلئن ضئدّئنه باشقا بئر ائنجئل وعظ اتسه، اونا لعنت اولسون! 10ائندی من کئمی راضی اتمک ائسته‌یئرم، ائنسانلاری، یوخسا تارینی؟ یا دا مگر ائنسانلاری خوشلاندیرماق ائسته‌یئرم؟ اگر من حله ده ائسته‌سیدئم کی، ائنسانلاری خوشلاندیریم، مسئحئن قولو اولمازدیم.
تاری پولوسو چاغیریر
11قارداشلار، ائسته‌یئرم بئله‌سئنئز کی، سئزه وعظ اتدئیئم ائنجئل ائنسان قاییردیغی دیئل. 12چونکی من اونو نه ائنساندان آلدیم، نه ده اؤیرَ‌دئلدئم. آنجاق اونو عئسا مسئحئن بئر وحیی ائله آلدیم. 13چونکی سئز یهودئلئکده اولان قاباقکی احوالاتیمی اشئدئبسئنئز کی، نجه شئدّتلی بئر شکئلده تارینین کئلئساسینا عذاب ورئردئم و چالیشیردیم کی، اونو آرادان آپاریم. 14و یهودئلئکده اؤز عئرقئمدن اولان یاشیدلاریمی نجه اؤتوب، اجدادلاریمین رسم-روسوملارینا حدّئندن آرتیق قیرتلی ائدئم. 15آمّا او واخت کی، آنامین بطنئندن منی سچن و اؤز فیضی ائله دعوت اِدن تاری روا گؤردو کی، 16اؤز اوغلونو منده ظاهئر اتسئن، اله کی، من اونو قیری‌‌یهودئلرئن آراسیندا وعظ ادئم، من فورَن هچ کسله مصلحتلشمه‌دئم. 17اورشلئمه، مندن قاباق حواری اولانلارین یانینا دا گتمه‌دئم. لاکئن عربئستانا گتدئم و گئنه دمشقه قاییتدیم.
18اوچ ائل کچندن سونرا، اورشلئمه گتدئم کی، کئفا#1:18 هَمَن پِطروس ائله تانیش اولوم و اونونلا اون بش گون قالدیم. 19آمّا او بئری حوارئلردن هچ بئرئنی گؤرمه‌دئم مگر ربّئن قارداشی یعقوبو. 20(سئزه هر نه کی، یازیرام، تارینین حوضوروندا سئزه یقئن ورئرم کی، یالان دمئرم.) 21سونرا، سورئیه و قئلئقئیه دئیارینا گتدئم. 22و حله ده مسئحئن یهودئیه‌ده اولان کئلئسالاری منی شخصن تانیمیردیلار؛ 23آنجاق اونلار دائم اشئدئردئلر کی، «بئر زامان بئزه عذاب ورن شخص، ائندی اؤزو اله او ائمانی وعظ ادئر کی، بئر زامانلار اونو محو اتمه‌یه چالیشیردی.» 24و مندن اؤتری تارییا حمد ادئردئلر.
હાલમાં પસંદ કરેલ:
قالاتئیالی‌لارا 1: موقدس کتاب
Highlight
શેર કરો
નકલ કરો
Want to have your highlights saved across all your devices? Sign up or sign in
© Elam Ministries 2013. All rights reserved.
قالاتئیالی‌لارا 1
1
1ائنسانلار طرفئندن یوخ، ائنسانلارین واسئطه‌سی‌ائله ده یوخ، آنجاق عئسا مسئح و اونو اؤلولردن دئرئلدن آتا تاری واسئطه‌سی‌ائله حواری تعیئن اولونان پولوسدان 2و منئمله اولان بوتون قارداشلاردان، قالاتئیانین کئلئسالارینا:
3آتامیز تاریدان و رب عئسا مسئحدن سئزه فیض و باریش اولسون. 4او کی، آتامیز تارینین ائراده‌سئنه گؤره، اؤزونو بئزئم گوناهلاریمیز اوچون فدا اتدی کی، بئزی ائندئکی شر دؤوردن قورتارسین. 5اونا ابده کئمی عئزّت اولسون. آمئن.
آنجاق بئر ائنجئل
6تعجّوب اِدئرم کی، سئز بله تزلئکله مسئحئن فیضئنده سئزی چاغیرانی ترک ادئب، آیری بئر ائنجئله دؤنورسونوز. 7اصلئنده اؤزگه بئر ائنجئل یوخدور؛ آنجاق بعضی آداملار وار کی، سئزی چاشدیریب مسئحئن ائنجئلئنی تحرئف اتمک ائسته‌یئرلر. 8لاکئن حتّا اگر بئز، و یا گؤیدن گلن بئر ملک، سئزه وعظ اتدئیئمئز ائنجئله ضئدّ بئر شی وعظ اتسه، اونا لعنت اولسون! 9اوّلجه ددئیئمئز کئمی، ائندی ده دیئرم؛ کئم سئزه قبول اتدئیئنئز ائنجئلئن ضئدّئنه باشقا بئر ائنجئل وعظ اتسه، اونا لعنت اولسون! 10ائندی من کئمی راضی اتمک ائسته‌یئرم، ائنسانلاری، یوخسا تارینی؟ یا دا مگر ائنسانلاری خوشلاندیرماق ائسته‌یئرم؟ اگر من حله ده ائسته‌سیدئم کی، ائنسانلاری خوشلاندیریم، مسئحئن قولو اولمازدیم.
تاری پولوسو چاغیریر
11قارداشلار، ائسته‌یئرم بئله‌سئنئز کی، سئزه وعظ اتدئیئم ائنجئل ائنسان قاییردیغی دیئل. 12چونکی من اونو نه ائنساندان آلدیم، نه ده اؤیرَ‌دئلدئم. آنجاق اونو عئسا مسئحئن بئر وحیی ائله آلدیم. 13چونکی سئز یهودئلئکده اولان قاباقکی احوالاتیمی اشئدئبسئنئز کی، نجه شئدّتلی بئر شکئلده تارینین کئلئساسینا عذاب ورئردئم و چالیشیردیم کی، اونو آرادان آپاریم. 14و یهودئلئکده اؤز عئرقئمدن اولان یاشیدلاریمی نجه اؤتوب، اجدادلاریمین رسم-روسوملارینا حدّئندن آرتیق قیرتلی ائدئم. 15آمّا او واخت کی، آنامین بطنئندن منی سچن و اؤز فیضی ائله دعوت اِدن تاری روا گؤردو کی، 16اؤز اوغلونو منده ظاهئر اتسئن، اله کی، من اونو قیری‌‌یهودئلرئن آراسیندا وعظ ادئم، من فورَن هچ کسله مصلحتلشمه‌دئم. 17اورشلئمه، مندن قاباق حواری اولانلارین یانینا دا گتمه‌دئم. لاکئن عربئستانا گتدئم و گئنه دمشقه قاییتدیم.
18اوچ ائل کچندن سونرا، اورشلئمه گتدئم کی، کئفا#1:18 هَمَن پِطروس ائله تانیش اولوم و اونونلا اون بش گون قالدیم. 19آمّا او بئری حوارئلردن هچ بئرئنی گؤرمه‌دئم مگر ربّئن قارداشی یعقوبو. 20(سئزه هر نه کی، یازیرام، تارینین حوضوروندا سئزه یقئن ورئرم کی، یالان دمئرم.) 21سونرا، سورئیه و قئلئقئیه دئیارینا گتدئم. 22و حله ده مسئحئن یهودئیه‌ده اولان کئلئسالاری منی شخصن تانیمیردیلار؛ 23آنجاق اونلار دائم اشئدئردئلر کی، «بئر زامان بئزه عذاب ورن شخص، ائندی اؤزو اله او ائمانی وعظ ادئر کی، بئر زامانلار اونو محو اتمه‌یه چالیشیردی.» 24و مندن اؤتری تارییا حمد ادئردئلر.
હાલમાં પસંદ કરેલ:
:
Highlight
શેર કરો
નકલ કરો
Want to have your highlights saved across all your devices? Sign up or sign in
© Elam Ministries 2013. All rights reserved.