۱تسالونئکلی‌لره 4
4
موقدّسلئک و محبّت
1نهایت، قارداشلار، بئز سئزه تعلئم وردئک کی، تارینی راضی اتمک اوچون نجه یاشایاسینیز، و حقئقتن اِله ده یاشاییرسینیز. ائندی رب عئسادا سئزدن خاهئش ادئب سئزی تشوئق ادئرئک کی، بونو داها دا چوخ اده‌سئنئز. 2چونکی بئلئرسئنئز کی، رب عئسادا نه احکاملار وردئک. 3تارینین ائراده‌سی بودور: سئزئن موقدّس اولماغینیز، یعنی، جئنسی عئفّتسئزلئکدن اؤزونوزو اوزاق ساخلاماغینیز. 4کی، سئزدن هر کس اؤز قابینی نجه تقدّوسلوک و احتئرامدا ساخلاسین؛ 5تارینی تانیمایان بوتپرستلر کئمی، شهوتلی هاوا-هوسلرده یوخ. 6و هچ کئم بو مسله‌ده اؤز قارداشینا خاطا اتمه‌یئب ضرر یتئرمه‌سئن، چونکی رب بوتون بونلار اوچون قئصاص آلاندیر، نجه کی، اوّلدن سئزه دیئب ائخطار وردئک. 7چونکی تاری بئزی ناپاکلیغا یوخ، موقدّس اولونماغا دعوت ادئب. 8بونا گؤره ده، بونو ردّ ادن آدام ائنسانی یوخ، تارینی ردّ ادئر کی، اؤز موقدّس روحونو سئزه ورئر.
9ائندی قارداشلیق محبّتئن باره‌سئنده، احتئیاجینیز یوخدور کی، بئری بو حاقدا سئزه یازسین، چونکی تارینین اؤزوندن اؤیره‌نئبسئز کی، بئربئرئنئزی سوه‌سئنئز. 10دوغرودان دا سئز بونو بوتون مقدونئیّه‌ده اولان هامی قارداشلار حاقّیندا ادئرسئنئز. لاکئن، قارداشلار، سئزی تشوئق ادئرئک کی، بونو داها دا چوخ اده‌سئنئز. 11و آرام بئر حیات یاشاییب، اؤز ائشئنئزه مشغول اولاسینیز و اؤز اَللرئنئزله ائشله‌یه‌سئنئز؛ نجه کی، سئزه امر اتدئک ده. 12اِله کی، خارئجئلرئن حوضوروندا صحئح رفتار ادئب، هچ بئر شیه مؤحتاج اولمایاسینیز.
مسئحده اؤلنلرئن باره‌سئنده
13آمّا، قارداشلار، گؤزلرئنی حیاتا یومموش اولانلار حاقّیندا، خبرسئز قالماغینیزی ائسته‌مئرئک، اِله کی، اومئدسئز اولان اؤزگه‌لر کئمی قمگئن اولمایاسینیز. 14دوغرودان دا اگر ائنانیریق کی، عئسا اؤلوب گئنه دئرئلدی، اِله ده تاری عئسادا گؤزلرئنی حیاتا یومموش اولانلاری اونونلا گتئره‌جک. 15چونکی بونو سئزه ربّئن کلامی ائله دیئرئک کی، یاشایان و ربّئن گلئشئنه‌جک دئری قالان بئزلر، اصلا گؤزلرئنی حیاتا یومموش اولانلاری اؤتمه‌یه‌جه‌یئک. 16چونکی رب اؤزو اوجا بئر نئدا ائله، باش مله‌یئن سسی‌ائله، و تارینین شیپورو ائله گؤیدن انه‌جک و اوّل مسئحده اؤلنلر دئرئله‌جکلر. 17اوندان سونرا، یاشایان و دئری قالان بئزلر، اونلارلا بئرلئکده یوخاری گؤتورولوب، بولودلار آراسیندا ربّئن گؤروشویونه هاوادا گده‌جه‌یئک و بله‌جه ربله دائم قالاجاغیق. 18بونا گؤره، بئربئرئنئزه بو سؤزلرله تسلّی ورئن.
હાલમાં પસંદ કરેલ:
۱تسالونئکلی‌لره 4: موقدس کتاب
Highlight
શેર કરો
નકલ કરો
Want to have your highlights saved across all your devices? Sign up or sign in
© Elam Ministries 2013. All rights reserved.