Popular Bible Verses from Marko 3

શેર કરો

Eva, teip la omeuluan agat ang Morowa, mirie papap tuam ga loup tuam ga nagap tuam.” Tiesong Iesu gare tiro.

Pa teip o usingnualap o maimai ang Moses la tiesmeng gare ro, ‘Migana ila uke me muranap mila kiram la ualo kukunim aun Iesu.’” Are ratmat ga maulo Iesu, ugama, “Uriro ties la migat titot la tuga miralava o: Mirier tavukup mila kiram ga tiesiap o upuke la mime makosar teip ga magaulap, mirier kirinimup ganam la puoong Morowa meba maduratang. Pa migana la tiesong kirat me ira Muranama Ila Babai, tala kan puoong Morowa meba avaiang uriro kirinim ang. Are ratmat ga tala kan odureong Morowa urie kirinim titot ga tubiat gat. Karuk!” Tiesong Iesu gare tiro.

Obit ara, leba inamaniap ba ga magaulap onim na namurit inamon leba nevuotmeng ga non ara non ara gar, ga nekaromela ga mirie, tie eba papot ba ma teip ga magaulap leba meving, ga kukunim ieng uriro inamon eba noba. Pa leba teip ga magaulap ba onim na namurit numeilup ga leba nevuotmeng ga narain ba garipien, la eba nekaromela ga nemenamung, tie miriro numeulup eba nam ba.

Pa na tara la agimmeng muranap mila kiram, tie mime makaf dadebip ma me ira a ga kupmeng gare ro, “Nunuo Poi ang Morowa.”