Popular Bible Verses from Mga Taga-Roma 9

શેર કરો

Busa ang pagpanalangin sa Dios dili tungod sa gusto o binuhatan sa tawo, kondili tungod lang gayod sa kaluoy sa Dios.

Kay nag-ingon ang Dios kang Moises: “Kaloy-an ko kadtong gusto ko nga kaloy-an.”

Apan kinsa ka ba nga molalis sa Dios? Mga binuhat lang kita sa Dios, maong dili ta dapat magreklamo. Insakto ra ba nga ang binuhat moingon sa nagbuhat kaniya, “Nganong gibuhat man ko nimo sama niini?”

Busa gikaloy-an sa Dios ang buot niyang kaloy-an, ug gipagahi niya ang ulo sa mga tawo nga buot niya nga pagahion.

Sama ba sa tigbuhat ug kolon. Magbuot siya kon unsa ang iyang buhaton sa lapok nga iyang ginakuptan. Kon buot niya, mahimo niya ang duha ka matang sa kolon pinaagi niadtong lapok: ang usa alang sa pinasahi nga mga okasyon ug ang usa alang sa pang-ordinaryo.