Popular Bible Verses from Jhone 6

શેર કરો

An Jesus saed tae thaim, “A am tha breid o life. Hïm that cums tae me wull niver get hung'rie, an hïm that believes ïn me wull niver hae a druith agane.

It's tha Spïrit gies life; tha flesh coonts fer naethin ava. Tha wurds A hae spauk til yis ir spïrit, an the'r life as weel.

Dïnnae wark fer mait that gaes aff. Na, wark fer mait that keeps tae ayelastin life that tha Sinn o Man wull gie tae ye. Fer God tha Faither haes püt tha keel-mairk o hïs bakkin on tha Sinn.”

Fer ït's ma Faither's wull that oniebodie that luks tae tha Sinn an pits hïs trust ïn hïm wull hae ayelastin life, an A wull rise hïm up on tha Last Day.”

Jesus answert, “Here's whut tha wark o God ïs: that yis pit yer belief ïn tha yin he haes sent.”

Aa that tha Faither gies me wull cum tae me, an oniebodie that cums tae me A'll niver turn thaim awa.

Simon Petèr cum bak wi, “Loard, wha else wud we gang til? It's yersel haes tha wurds o ayelastin life.

A be tha leevin breid that cums doon frae heiven. If oniebodie aits thïs breid, he wull leeve fer aye. Thïs breid ïs ma flesh, that A wull gie fer tha life o tha warl.”

“Naebodie can cum tae me less tha Faither that sent me draas hïm, an A wull rise hïm up on tha Last Day.

Fer tha breid o God ïs hïm that cums doon frae heiven an gies life tae tha warl.”

A be tha breid o life.

An then Jesus tuk tha bannocks, gien thenks, an the' wur hannit roon bi hïs follaers tae thaim that wus sut on tha grun, as much as the' wantit. He daen tha same wi tha fïsh. Whaniver the' aa haed et thair fïll, he toul hïs follaers, “Gether up aa tha left-owers. An mine ye dïnnae waste ocht!”

Eftèr the' haed bin rowin thrie or fower mile, the' saa Jesus cumin up tae tha bóat, waakin on tha wattèr; an the' wur wile feart. But he saed til thaim, “It's masel; dïnnae be feart.”