Popular Bible Verses from Yow 14

શેર કરો

«Me nyilusisikiri kiyeengi, kiyeengi kyaami me nyiluheeri; ngo kari bunu buheelaa nsi ko. Yaa lubviimfuka mitima myeene ko, na yaa luba na boomo ko.

Yesu waleele kuri nde ti: «Me ngo nzila, ngwanwa na bumwooyo; kuri muutu wukweende kuri Taata, mbuti ka mu me ko.

«Yaa lubviimfuka mitima myeene ko. Siilee kanyi mu Nzaambi, na siilee kanyi mu me se.

Muboondi, Mpeeve yangisi, yiyo mbasi-tsuku yiheeke Taata, mu nkuumbu meenu, sa kaluyikisa momanso, na sa ka lulubula momanso ma nyiri nyaluleele.»

«Wunde wuri na ntumu dzaami, na wukebaa dzo, lo wunde tiiri me. Wunde wutya me, Taayi dyaami sa kamutya. Na me sa nyamutya na sa nyamonokono kuri nde.»

na me sa nyingukila Taata, mu kuluha muboondi wakaka, mpisi heki kaba na beenu kwakinkulu. Mpeeve ya ngwanwa yiri, nsi lo yahele kubangisina kuyitaambula, bukuri nsi yahele kuyimono, na yahele kuyiyaaba; ngo kasi beenu luyiyaari, bukuri yo yiri ha kakati dya beenu, na sa yanamitina kuba mu beenu.

na mamo ma luloombo mu nkuumbu ya me, me sa nyayirika mo, mpisi heki Taata kaba wakeembusu mu Mwaana. Mbuti beenu luloombiri kitotolo kuri me, mu nkuumbu ya me, lo me sa nyakiyirika.»

«Mbuti beenu lutiiri me, lo sa lwakebe ntumu dzaami

Mu nzo Taayi dyaami, muri bihekiri byalaka; mbuti kari bubwo ko, nkani me nyahele kululeele ti: me nyeensi kuluyirikila bibeendu?

Mu ntaangu yiri me mwaa kweende na mwa kuluyirikila kibeendu, me sa nyiisa lukimi, na sa nyaluholo hateke me, mpisi heki, haho ha nyiri meenu, beenu se luba.

Toma waleele kuri nde ti: «Mfumu, beetu twahele kuyaaba ku wuri mu kweende. Dyaburi beetu tuyaabila nzila?»