SAN LUCAS 6 માંથી લોકપ્રિય બાઇબલ વચનો

શેર કરો

Ta ma̱ cha' tso'o ji'i̱ tya'a ñati̱ ma̱, cha' li' ta ycui' Ndyosi cha' tso'o jua'a̱ ji'i̱ ma̱; tso'o tsa cuayá' ngutsa'á̱ su'ba Ni cha' tso'o ne' cresiya ji'i̱ ma̱ li'. Ñi'ya̱ nti' sca milya nu tachaa tsa nsu'ba ngu' na ne', cua nscui̱ ngu' ji'i̱ cha' ca'ya ti'i̱ la na bi', ntucua tsa tu'ba milya bi', jua'a̱ laca lo'o cha' tso'o nu su'ba Ni ne' cresiya ji'i̱ ma̱. Ñi'ya̱ nu ndu'ni ma̱ lo'o tya'a ñati̱ ma̱, jua'a̱ cua'ni ycui' Ndyosi lo'o cu'ma̱.

Cua ña'a̱ ca ñati̱ nu tso'o tyiquee ni, tso'o tsa nchcui' ngu' bi'; lo'o cua ña'a̱ ca ñati̱ nu cuxi tyiquee ni, cuxi ti nchcui' ngu' bi' li'. Cua ña'a̱ ca cha' nu ntsu'u ne' cresiya ji'i̱ scaa ngu', jua'a̱ nchcui' ngu'.

Pana nu cu'ma̱ ni, ntsu'u cha' tyu'u tso'o tyiquee ma̱ ña'a̱ ma̱ ji'i̱ tya'a cusu̱u̱ ma̱, cua'ni ma̱ cha' tso'o lo'o ngu' bi'. Ta ma̱ jñi' ngu', ná tu̱ ti' ma̱ si ta ngu' sca cha' tso'o ji'i̱ ma̱, si ná ta ngu'. Tlyu tsa cha' tso'o tyacua ji'i̱ ma̱ ca slo ycui' Ndyosi si tso'o ntsu'u tyiquee ma̱ ña'a̱ ma̱ ji'i̱ ngu', cha' jua'a̱ ndu'ni ñati̱ nu laca sñi' ycui' Ndyosi. Lo'o ycui' Ndyosi ni, tya'na ti' Ni ji'i̱ ngu', masi xña'a̱ ngu', masi ná ndya ngu' xlya'be ji'i̱ Ni

bi' cha' cua'ni tya'na ti' ma̱ ji'i̱ ngu' lacua, ñi'ya̱ nu tya'na ti' ycui' Ndyosi Sti na ji'i̱ ngu'.

’Ná sta ma̱ qui'ya ji'i̱ tya'a ñati̱ ma̱, cha' li' ná ntsu'u cha' sta ycui' Ndyosi qui'ya ji'i̱ ma̱. Ná xcube' ma̱ ji'i̱ tya'a ñati̱ ma̱, cha' li' ná ntsu'u cha' xcube' ycui' Ndyosi ji'i̱ ma̱. Cui'ya ma̱ cha' clyu ti' ji'i̱ tya'a ñati̱ ma̱, cha' li' cui'ya ycui' Ndyosi cha' clyu ti' ji'i̱ ma̱.

Tya nchcui' la Jesús li': ―Ndi'ya̱ chcui' na' lo'o cu'ma̱ nu tyaja'a̱ ma̱ cua'a̱ jyaca̱ ma̱ ji'i̱ cha' nu nchcui' na': Tso'o ti tyu'u tyiquee ma̱ ña'a̱ ma̱ ji'i̱ tya'a cusu̱u̱ ma̱, tso'o ti cua'ni ma̱ lo'o ñati̱ nu ti'í ti' ña'a̱ ngu' ji'i̱ ma̱. La cui' tso'o ti chcui' ma̱ lo'o ñati̱ nu nda qui'ya ji'i̱ ma̱, jua'a̱ chcui' ma̱ lo'o ycui' Ndyosi cuentya ji'i̱ ñati̱ nu nchcui' cha' suba' lo'o ma̱.

Nga'a̱ cha' cua'ni tso'o ma̱ lo'o ngu', si nti' ma̱ cha' tso'o ti cua'ni ngu' lo'o ma̱.

Lo'o quiji'i̱ ngu' ndacu̱' hique ma̱, li' xtyacui ma̱ ta ma̱ chaca tsu' saca' ma̱ cha' quiji'i̱ ngu' ji'i̱ ma̱ chaca quiya' li'. Lo'o xlyaá sca ñati̱ late' tonu tu'ba nu nchcu' ma̱, li' ta ma̱ chacuayá' cha' lo'o camxa ji'i̱ ma̱ qui'ya ngu' tsaa ngu'. Ta ma̱ ji'i̱ ngu' na laca nu jña ngu' ji'i̱ ma̱; lo'o qui'ya ngu' sca na ji'i̱ ma̱, nga'aa jña ma̱ ji'i̱ chaca quiya'.

’Sca yaca tso'o, ná ta bi' si'yu nu ná tso'o. Jua'a̱ sca yaca nu cua btyi ti, nga'aa ta bi' si'yu nu cacu na.

Lcaa yaca nslo ngu' ji'i̱ lo'o ña'a̱ ngu' ni si'yu laca ndyu'u lo. Ná nsuu ngu' si'yu tyixi ji'i̱ sca yaca quiche'; la cui' ti jua'a̱, ná nsuu ngu' si'yu losu' tyixi ji'i̱ lti quiche' yane.