Popular Bible Verses from Habakkuk 1

શેર કરો

Da One In Charge tell: “Look aroun all da diffren nations An watch um good. Yoa jaw goin drop! I stay ready fo make someting happen Wen you guys still stay alive. An you guys not goin tink wat I tell az fo real, No matta I tell you guys befo dat happen!

He tell: “Eh! You, Da One In Charge! How long I gotta yell to you fo help us guys, But you no lissen?! I yell to you, ‘Us all bus up!’ But you no get us outa trouble.

How come you make me see Peopo do all kine stuff dass not right?! Wen peopo do wass wrong, How come you let um do um?! Peopo bus up each odda An wipe out each odda right in front me! Dey erytime make argue an beef.

Az why da Rules come all jam up, An da judge guys make shua da guys Dat do wass right no win. Da bad kine peopo no let da good kine peopo Do wat dey suppose to do. Da bad guys make da right way come all kapakahi.”